ព័ត៌មានជាតិ
អាជ្ញាធរខេត្តកំពង់ឆ្នាំង ត្រៀមកម្លាំងជិត៧០០នាក់ ដើម្បីការពារសន្តិសុខសណ្ដាប់ធ្នាប់ក្នុងឪកាសបុណ្យចូលឆ្នាំ
នៅតាមសួនច្បារនិងនៅតាមមន្ទីរអង្គភាពជុំវិញខេត្ត និងហាងលក់ដូរមួយចំនួនក្នុងក្រុងកំពង់ឆ្នាំងនៅយប់ថ្ងៃទី១២ ខែមេសា នេះ យើងពិនិត្យឃើញមានការតាំងភ្លើងចម្រុះពណ៌យ៉ាងល្អប្រណិត ដែលជាការស្វាគមន៍បុណ្យចូលឆ្នាំថ្មីប្រពៃណីជាតិក្នុងថ្ងៃទី១៤ ខែមេសា ខាងមុខនេះ។
ឯកឧុត្តម ស៊ុន សុវណ្ណារិទ្ធិ អភិបាលនៃគណៈអភិបាលខេត្តកំពង់ឆ្នាំង ក្នុងពេលថ្មីៗនេះ បានដឹកនាំក្រុមការងារចុះរៀបចំតាំងលំអរភ្លើងបំភ្លឺនៅតាមសួនកំសាន្តនានាក្នុងខេត្ត ក៏បានអំពាវនាវអោយមន្ទីរអង្គភាពជុំវិញខេត្តចូលរួមតុបតែងលម្អភ្លើងពណ៌ឲ្យបានគ្រប់ៗមន្ទីរអង្គភាពផងដែរ ដើម្បីស្វាគមន៍ប្រជាពលរដ្ឋយើងដែលមកចូលរួមលេងកំសាន្តក្នុងក្រុងកំពង់ឆ្នាំង ក្នុងពិធីបុណ្យចូលឆ្នាំថ្មីប្រពៃណីជាតិ ។
ឯកឧត្តមបានបញ្ជាក់ថា កន្លែងដែលរដ្ឋបាលខេត្តរៀបចំពិធីបុណ្យចូលឆ្នាំធំជាងគេនោះ គឺនៅក្នុងសួនច្បារសម្ដេចគង់សំអុល ជាប់មជ្ឈមណ្ឌលស៊ីម៉ាក និងនៅសួនច្បារឯកឧត្តមបណ្ឌិតសុភាចារ្យ អ៊ុក រាប៊ុន បទឈ្វាំង ឃុំរលាប្អៀរ ស្រុករលាប្អៀរ ។ នៅក្នុងសួនកំសាន្តទាំងពីរនេះគឺមានការប្រគុំតន្ត្រី ការលេងល្បែងប្រជាប្រិយ និងការដុតកាំជ្រួចក្នុងពេលយប់ផងដែរ ។
ដោយឡែកចំពោះការរក្សាសន្តិសុខនិងសណ្ដាប់ធ្នាប់វិញនោះ គឺសមត្ថកិច្ចនគរបាលខេត្ត ក្រុង និងស្រុកបានត្រៀមកម្លាំងជិត៧០០នាក់ ចែកចេញជា ៤៤ គោលដៅដើម្បីចេញការពារសន្តិសុខនិងសណ្ដាប់ធ្នាប់របៀបរៀបរយសាធារណៈទប់ស្កាត់បង្ការ បញ្ចៀស និងបង្ក្រាបបទល្មើសអោយមានប្រសិទ្ធភាព ដើម្បីឱ្យបងប្អូនប្រជាពលរដ្ឋយើងបានចូល រួមលេងកំសាន្តសប្បាយក្នុងពិធីបុណ្យចូលឆ្នាំថ្មីប្រពៃណីជាតិ ។
ក្នុងពេលបុណ្យចូលឆ្នាំថ្មីទាំង៣ថ្ងៃនេះដែរ ឯកឧត្តមអភិបាលខេត្ត ក៏សូមអំពាវនាវដល់ប្រជាពលរដ្ឋយើងសូមចូលរួមគោរពច្បាប់ចរាចរណ៍ឲ្យបានទាំងអស់គ្នាដូចជា ពាក់មួកសុវត្ថិភាព ពាក់ខ្សែក្រវ៉ាត់សុវត្ថិភាព បើកបរប្រកាន់ស្ដាំ ដោយប្រុងប្រយ័ត្ន គោរពផ្លាកសញ្ញានិងគំនូសចរាចរណ៍លើដងផ្លូវ កុំបើកបរក្នុងស្ថានភាពស្រវឹង និងសូមកុំបើកវ៉ាជែងក្នុងស្ថានភាពគ្រោះថ្នាក់ជាដើម ។ និងក៏សូមចូលរួមអនុវត្តវិធានការសុខាភិបាលគឺ ៣កុំ និង៣ការពារឲ្យបានខ្ជាប់ខ្ជួនផងដែរ ដើម្បីរួមគ្នាទប់ស្កាត់ការរីករាលដាលជំងឺកូវីដ១៩ នៅក្នុងសហគមន៍យើង៕
អត្ថបទ៖ ឈៀងថារិទ្ធ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង