ព័ត៌មានជាតិ
ខេត្តតាកែវ មានភ្ញៀវទេសចរជាង៤ម៉ឺននាក់ មកដើរកំសាន្ដក្នុងឱកាសបុណ្យចូលឆ្នាំ
មានភ្ញៀវទេសចរទាំងខ្មែរ និងបរទេសជាង៤ម៉ឺននាក់បានដើរកម្សាន្តសប្បាយតាមតំបន់ទេសចរណ៍នានាទូទាំងខេត្តតាកែវក្នុងពិធីបុណ្យចូលឆ្នាំថ្មីប្រពៃណីជាតិរយៈពេល៣ថ្ងៃ ក្រោយពីពិធីបុណ្យចូលឆ្នាំខ្មែរត្រូវបានផ្អាកជាប់ៗគ្នា២ឆ្នាំមកនេះដោយសារការកើតមានជំងឺរាតត្បាតកូវីត១៩ ពេលនេះ ត្រូវបានប្រជាពលរដ្ឋអបអរសាទរសប្បាយរីករាយឡើងវិញ ព្រោះរាជរដ្ឋាភិបាលបានអនុញ្ញាតិឲ្យប្រារព្វពីធីចូលឆ្នាំថ្មីឡើងវិញ។
ដោយឡែកសម្រាប់ខេត្តតាកែវ ទាំងភ្ញៀវជាតិ និងអន្តរជាតិបានចូលរួមលេងសប្បាយនិងដើរកម្សាន្តតាមតំបន់ទេសចរណ៍ក្នុងខេត្តមានចំនួន៤៣ ៥០០នាក់ ក្នុងនោះក៏មានជនបរទេស៣៨នាក់ផងដែរ។
តាមការបញ្ជាក់ពីលោក ឈូក ប៊ុនថន ប្រធានស្តីទីមន្ទីរទេសចរណ៍ខេត្តតាកែវ បញ្ជាក់ថា រមណីយដ្ឋានសំខាន់ៗក្នុងខេត្តតាកែវទាំង១២កន្លែងដែលមានភ្លៀវទៅទស្សនារយៈពេល៣ថ្ងៃនៃពិធីបុណ្យចូលឆ្នាំមាន៖ រមណីយដ្ឋានទន្លេបាទី មានចំនួន២៣២៩នាក់ (បរទេស០៦នាក់)។ រមណីយដ្ឋានភ្នំតាម៉ៅមានចំនួន៧៣៦៨នាក់ (បរទេស២០នាក់)។ រមណីយដ្ឋានភ្នំជីសូរ្យមានចំនួន២២៣៤នាក់ (បរទេស២នាក់)។ រមណីយដ្ឋានភ្នំដា មានចំនួន១៨៩៥នាក់ (បរទេស០៣នាក់)។ រមណីយដ្ឋានភ្នំបាយ៉ង់កោ មានចំនួន៤៨៧នាក់។ រមណីយដ្ឋានជ្រោះផ្អោក មានចំនួន១៤១៤នាក់។ រមណីយដ្ឋានភ្នំជីតាជេព្រមានចំនួន១៦៣២នាក់។ រមណីយដ្ឋានភ្នំខ្លែង មានចំនួន៩៥៧នាក់ (បរទេស០២នាក់)។ មណ្ឌលកម្សាន្តក្រាំងតាចាន់ មានចំនួន៦៨៩នាក់ (បរទេស០១នាក់)។រមណីយដ្ឋានកំពូលពេជ្រមានចំនួន៣៣៧០នាក់។ រមណីយដ្ឋានត្រីមាសមានចំនួន១៧០០នាក់។ មណ្ឌលកំសាន្តក្នុងក្រុងដូនកែវមានចំនួន១៩៤២៥នាក់(បរទេស៤នាក់)។
តាមទឹកមុខភ្ញៀវទេសចរណ៍ជាតិ និងអន្តរជាតិដែលបានដើរកម្សាន្ត បង្ហាញពីភាពសម្បាយរីករាយជាពាន់ពេក ក្នុងពិធីបុណ្យចូលឆ្នាំថ្មីប្រពៃណីជាតិខ្មែរ ក្រោយម្លប់សន្តិភាពដែលមានសម្តេចតេជោជាប្រមុខរាជរដ្ឋាភិបាល៕
អត្ថបទ៖ វីរៈ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៨ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ