Connect with us

ព័ត៌មានជាតិ

ខេត្ត​ព្រះសីហនុ​មាន​តំបន់​សេដ្ឋកិច្ច​ពិសេស ៣ កន្លែង​ បង្កើតការងារ​ជាង​ ៣ ម៉ឺន​កន្លែង​ដល់​ពលរដ្ឋ​មូលដ្ឋាន

បានផុស

នៅ

ជា​ខេត្ត​ជាប់​សមុទ្រ​ដែល​រដ្ឋាភិបាល​កំណត់​គោលដៅ​ជា​ប៉ូល​អភិវឌ្ឍ​ដ៏​សំខាន់ ខេត្ត​ព្រះសីហនុ​បច្ចុប្បន្ន​មាន​តំបន់​សេដ្ឋកិច្ច​ពិសេស​ជាច្រើន​កន្លែង ជាមួយរោងចក្រ​សហគ្រាស​តូចធំ​បង្កើតការងារ​រាប់ម៉ឺន​កន្លែង​ដល់​ពលរដ្ឋ​មូលដ្ឋាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក យ៉ូវ ខេមរា ប្រធាន​មន្ទីរ​ការងារ​បណ្ដុះបណ្ដាល​វិជ្ជាជីវៈ​ខេត្ត​ព្រះសីហនុ​បាន​ឲ្យ​កម្ពុជា​ថ្មី​ដឹង​ថា នៅ​ខេត្ត​ព្រះសីហនុ​មាន​តំបន់​សេដ្ឋកិច្ច​ពិសេស​ចំនួន ១០ កន្លែង ក្នុង​នោះ​ ៣ កន្លែង​កំពុង​ដំណើរការ​។

តំបន់​សេដ្ឋកិច្ច​ពិសេស​ទាំង ៣ កន្លែង មាន​តំបន់​សេដ្ឋកិច្ច​ពិសេស​ក្រុង​ព្រះសីហនុ តំបន់​សេដ្ឋកិច្ច​ពិសេស​កំពង់​ផែ​ស្វយ័ត​ក្រុង​ព្រះសីហនុ និង​តំបន់​សេដ្ឋកិច្ច​ពិសេស​ខេមបូឌាន​ ចេជាង​ហ្គ័រជី

លោក យ៉ូវ ខេមរា បាន​បន្ត​ថា តំបន់​សេដ្ឋកិច្ច​ពិសេសក្រុងព្រះសីហនុ គឺជា​តំបន់​សេដ្ឋកិច្ច​ពិសេស​ធំ​ជាងគេ ដែល​រួម​ចំណែក​ដល់​កម្លាំង​សេដ្ឋកិច្ចដល់​ការ​អភិវឌ្ឍ​ខេត្តព្រះសីហនុ។ តំបន់​សេដ្ឋកិច្ច​ពិសេស​ក្រុង​ព្រះសីហនុ​មាន​បណ្តុំ​សហគ្រាស​ ១២៤ ​ដែល​មាន​ផ្នែក​​ផលិត​សម្លៀកបំពាក់ គ្រឿង​អេឡិចត្រូនិក និង​សម្ភារៈ​ប្រើប្រាស់​ជា​ច្រើន​ទៀត។

តាម​រយៈ​តំបន់​សេដ្ឋកិច្ច​ពិសេស​ទាំង ៣ បាន​ផ្តល់​ការងារ​ដល់​ពលរដ្ឋ​ជាង ៣ ម៉ឺន​នាក់ ដែល​រួមចំណែក​បង្កើត​ចំណូល​ដល់​ពលរដ្ឋ​ក្នុង​មូលដ្ឋាន។

រដ្ឋាភិបាល​កម្ពុជា​បាន​ដាក់​គោលដៅ​​ប្រែក្លាយ​ខេត្ត​ព្រះសីហនុ​ ជាតំបន់​សេដ្ឋកិច្ចពិសេស​​ពហុ​បំណង​ដោយ​យក​គំរូ​អភិវឌ្ឍ​តាម​ទីក្រុង​ហ្សិនជិន​ប្រទេស​ចិន ជាមួយ​នឹង​ការ​វិនិយោគ​​លើ​ហេដ្ឋារចនាសម្ព័ន្ធ និង​ការ​លើក​ទឹកចិត្ត​ដើម្បី​ឲ្យ​ខេត្ត​ជាប់​សមុទ្រ​នេះ ក្លាយ​ជា​ទីតាំង​ដ៏​ទាក់ទាញ​បំផុត​មួយ​សម្រាប់​ការ​វិនិយោគ​បរទេស​ចូល​មក​កម្ពុជា។

ការ​ដាក់​គោលដៅ​អភិវឌ្ឍ​ខេត្ត​ព្រះសីហនុជា​តំបន់​សេដ្ឋកិច្ច​ពិសេសពហុបំណង ឆ្លុះ​បញ្ចាំង​ពី​មហិច្ឆតា​របស់​រដ្ឋាភិបាល​កម្ពុជា ក្នុងការ​អភិវឌ្ឍន៍​ខេត្ត​​ព្រះសីហនុ​​ក្លាយ​ជា​តួអង្គ​សំខាន់​មួយ សម្រាប់​ការ​ផលិតនិង​ពាណិជ្ជកម្ម​ដែលជំរុញការនាំចេញ៕

អត្ថបទ៖ ប៊ុណ្ណារ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១៩ នាទី មុន

ប្រទេសលោកខាងលិច និងរុស្ស៊ី តឹងសរសៃ ក ដាក់គ្នាជុំវិញសង្គ្រាមព័ត៌មាន នៅ អ៊ុយក្រែន

ព័ត៌មានអន្ដរជាតិ២៦ នាទី មុន

សេដ្ឋីអាយុ ៦៣ ឆ្នាំ រៀបការជាមួយក្មេងស្រីអាយុ ១៩ ឆ្នាំ ផ្អើល ឥណ្ឌូណេស៊ី (មានវីដេអូ)

សន្តិសុខសង្គម៣៣ នាទី មុន

រថយន្តបុករះពីក្រោយ បណ្តាល​ឲ្យ​មនុស្ស ៤ នាក់ បាន​ស្លាប់

ព័ត៌មានជាតិ១ ម៉ោង មុន

សម្តេចតេជោ ហ៊ុន សែន លើកទឹកចិត្តឲ្យបង្កើនភាពប្រកួតប្រជែងលើទីផ្សារអន្តរជាតិ អំពីផលិតផលខ្មែរ ពិសេសមុខម្ហូបប្រពៃណីជាតិ

សន្តិសុខសង្គម១ ម៉ោង មុន

លើកដំបូង! ​ឆ្កែចចកព្រៃមួយ​ក្បាល​ចេញខាំ​ពលរដ្ឋ​បណ្ដាល​ឱ្យរងរបួស​ ៧ នាក់​នៅកំពង់ឆ្នាំង​

Sokha Hotels

ព័ត៌មានពេញនិយម