ព័ត៌មានជាតិ
មន្ត្រីជំនាញពន្យល់ពីគ្រោះថ្នាក់ពីការប្រើជីគីមីនិងថ្នាំពុលហួសកម្រិត
មន្ត្រីមជ្ឈមណ្ឌលត្រួតពិនិត្យបន្លែផ្លែឈើ នៃមន្ទីរកសិកម្មរុក្ខាប្រមាញ់ និងនេសាទខេត្តស្ទឹងត្រែង ពិសោធន៍បង្ហាញ ពីគុណភាព និងពន្យល់ពីកាលការប្រើជីគីមី និងថ្នាំពុលហួសកម្រិតលើគុណភាពបន្លែដើម្បីលើកកម្ពស់ផ្នែកទីផ្សារ និងទឹកចិត្តកសិករឱ្យដាំបន្លែប្រើប្រាស់ជីធម្មជាតិសម្រាប់នាំយកទៅផ្គត់ផ្គង់ទីផ្សារ។
លោក ខាវ វុទ្ធី អ្នកត្រួតពិនិត្យគុណភាពបន្លែផ្លែឈើនៅមជ្ឈមណ្ឌលត្រួតពិនិត្យបានបញ្ជាក់ថា៖ នេះជាផ្នែកមួយជំរុញឲ្យបងប្អូនកសិករកាន់តែបង្កើនផែនការដាំដុះបន្លែប្រភេទបែបនេះបន្ថែមទៀត នៅពេលអតិថិជនមានជំនឿ និងនិយមបរិភោគបន្លែមិនប្រើប្រាស់ជីគីមី និងថ្នាំពុលពួកកម្រិត។
លោកកត់សំគាល់ថា៖ បន្លែធម្មជាតិដែលកសិករដាំនៅឆ្នាំ២០២២នេះបានកើនឡើងរហូតដល់ទៅប្រមាណ៧០%កំពុងដាក់លក់នៅទីផ្សារក្នុងខេត្តហើយមន្ត្រីជំនាញក៍ប្រឹងប្រែងរៀបចំឱ្យមានស្តង់ដាដើម្បីបង្កើនទំនុកចិត្តដល់អ្នកបរិភោគ។
លោក ទំ នីរ៉ូ ប្រធានមន្ទីរកសិកម្មរុក្ខាប្រមាញ់ និងនេសាទខេត្តស្ទឹងត្រែងបានបញ្ជាក់ថា៖ កិច្ចការងារដាំដុះទាំងបន្លែ និងឈើហួមផ្លែ បើឆ្លងតាមការតាមដានរបស់មន្ត្រីបច្ចេកទេសមន្ទីរកសិកម្មពិនិត្យឃើញថាប្រជាកសិករបានផ្លាស់ប្តូ ទំលាប់នៃការដាំដុះ ងាកមកអនុវត្តតាមបច្ចេកទេស ហើយបច្ចុប្បន្នយើងបង្កើតបានក្រុមបន្តុំកសិករដាំបន្លែបាន១៦៨ក្រុមហើយដែរ។
លោកស្រី វីឡែន អ្នកលក់បន្លែនៅផ្សារសាមគ្គី ស្ទឹងត្រែងបានទទួលស្គាល់ថា៖ ប្រភេទបន្លែដែលកសិករខេត្តស្ទឹងត្រែងផលិតបាន អតិថិជននិយមបរិភោគច្រើន ព្រោះបន្លែទាំងនេះបានឆ្លងកាត់តាមការត្រួតពិនិត្យរបស់មន្ត្រីជំនាញកសិកម្មបង្ហាញពីបន្លែមានគុណភាពទាំងបន្លែផ្លែនិងបន្លែស្លឹក។
សូមបញ្ជាក់ថា៖ ការនិយមបរិភោគបន្លែធម្មជាតិនេះ បានកើនឡើងខណៈប្រជាពលរដ្ឋកាន់តែយល់អំពីគ្រោះថ្នាក់ចំពោះសុខភាព ដែលបណ្តាលមកពីការទទួលទានបន្លែដាំដុះដោយប្រើជីគីមីនិងថ្នាំពុលកសិកម្មច្រើនហួសកំរិត ឬបន្លែនាំចូលគ្មានប្រភពច្បាស់លាស់មកពីតំបន់ផ្សេងៗឬពីប្រទេសជិតខាង៕
អត្ថបទ៖ ងិនលីម
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៦ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៣ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)