​ជាងម៉ៅការសាងសង់មួយកន្លែង​ដាក់លូខុសបច្ចេកទេស​អាជ្ញាធរចុះដល់ទីតាំង​

អាជ្ញាធរខណ្ឌច្បារអំពៅ បានចុះដល់ការដ្ឋានសាងសង់មួយកន្លែងស្ថិតនៅតាមបណ្តោយផ្លូវ៣៥៧ ភូមិដើមស្លែង សង្កាត់ច្បារអំពៅទី២ ខណ្ឌច្បារអំពៅរាជធានីភ្នំពេញ ដែលបានដាក់លូតម្រៀមលើផ្លូវដោយគ្រាន់តែកាយផ្លូវបេតុងសើៗកុំឲ្យតែលូប្រមៀលចេញរួចចាក់ក្រាលបេតុងពីលើផ្លូវខុសពីបច្ចេកទេសទាំងស្រុង។

បងប្អូនប្រជាពលរដ្ឋរស់នៅក្បែរទីតាំងជីកដាក់លូបានឃើញខុសពីបច្ចេកទេសក៏បានថតរូបរួចបង្ហោះតាមរយៈហ្វេសប៊ុកបានដឹងដល់លោក ចេង មុនីរ៉ា អភិបាលខណ្ឌច្បារអំពៅ និងលោក សាំ ពិសិដ្ឋ ប្រធានមន្ទីរសាធារណការរាជធានីភ្នំពេញចុះទៅពិនិត្យដល់ការដ្ឋានកាលពីថ្ងៃទី ១៧ ខែកក្កដាទើបដឹងថា ក្រុមជាងយកលូទៅតម្រៀបលើផ្លូវរួចបិទសុីម៉ង់ត៍ដែលគេដឹងថាប្រពន្ធ័លូនេះខ្ពស់ជាងផ្លូវចាស់នឹងមិនអាចឲ្យទឹកហូបានបង្កឲ្យមានការលិចលង់ផ្ទះសម្បែងប្រជាពលរដ្ឋ។

លោក ជូ ចាន់នី ជំនួយការសាលាសង្កាត់ច្បារអំពៅទី២បានឲ្យដឹងថា មកដល់ថ្ងៃទី ២២ ខែកក្កដានេះក្រុមកម្មករជីកដាក់ប្រពន្ធ័បានជីកបង្កប់លូតាមបច្ចេកទេសវិញហើយ។ ខុសប្លែកពីតំបូងគឺហាក់បីដូចជាយកលូទៅតម្រៀបលើផ្លូវហើយចាក់បេតុងខ្ពស់ជាងផ្ទះប្រជាពលរដ្ឋមិនដឹងជាអ្នកម៉ៅការបានសិក្សាពីបច្ចេកទេសនេះដែរឬទេ៕

អត្ថបទ៖ នរា