Connect with us

ព័ត៌មានជាតិ

ក្រសួងសុខាភិបាល​បា​នប​ញ្ជូន​បុរស​ជនជាតិ​នី​ហ្សេ​រី​យ៉ា​មាន​ឆ្លង​ជំងឺ​អ៊ុត​ស្វា​ទៅ​ព្យាបាល​នៅ​ពេទ្យ​រុស្សី

បានផុស

នៅ

ក្រ​សូង​សុខាភិបាល​បា​នប​ញ្ជូន​បុរស​ជនជាតិ​នី​ហ្សេ​រី​យ៉ា​កើត​ជំងឺ​អ៊ុត​ស្វា​គេច​មកពី​ប្រ​ទេស​ថៃ​ចូលមក​កម្ពុជា​ទៅ​ព្យាបាល​ជំងឺ​នៅ​មន្ទីរពេទ្យ​រុស្សី​កាលពី​ម៉ោង​១៩​និង​១០​នាទី​ក្រោយ​សមត្ថកិច្ច​រាជធានី​ភ្នំពេញ​ធ្វើការ​ឃាត់ខ្លួន​បុរស​នេះ​កាលពី​ល្ងាច​ថ្ងៃទី​២៣​កក្កដា​នេះ​រួចមក​។

យោងតាម​សេចក្ដីប្រកាស​ព័ត៌មាន​របស់​ក្រសួងសុខាភិបាល ស្តីពី​ការរកឃើញ​បុរស​ជនជាតិ​នី​ហ្សេ​រី​យ៉ា​មាន​ជំងឺ​អ៊ុត​ស្វា​ចុះ​នៅ​យប់​នៅ​ថ្ងៃ​ទី​២៣​កក្កដា​នេះ​បាន​ឲ្យ​ដឹង​ថា ក្រោយពីទទួលបាន​ព័ត៌មាន​ពី​អាជ្ញាធរ​សុខាភិបាល​នៃ​ព្រះ​ជាណា​ចក្រ​ថៃ​ កាលពី​យប់​ថ្ងៃទី​២២ ខែកក្កដា ឆ្នាំ​២០២២ ស្ដីអំពី​លទ្ធភាព​នៃ​ការ​គេចខ្លួន របស់​បុរស​ជនជាតិ​នី​ហ្សេ​រី​យ៉ា ដែល​អាជ្ញាធរ​សុខាភិបាល​ថៃ​បានធ្វើ​រោគវិនិច្ឆ័យ​ឃើញ​មាន​វិជ្ជមាន​វីរុស​អុត​ស្វា​ធ្វើដំណើរ ឆ្លង​ព្រំដែន​មកកាន់​ព្រះរាជាណាចក្រ​កម្ពុជា​មក​,ថ្នាក់ដឹកនាំ និង​មន្ដ្រី​ឆ្លើយតប​បន្ទាន់​ក្រសួងសុខាភិបាល រួមជាមួយ​រដ្ឋបាល​ថ្នាក់ក្រោម ជាតិ អាជ្ញាធរមាន​សមត្ថកិច្ច និង​មន្ត្រី​សុខា​ភិ​បាល​រាជ​ធានី​-​ខេត្ត​ទាំងអស់ បានធ្វើ​សកម្មភាព​ដោយបាន​ត្រួត​ពិនិត្យ និង​ស្វែងរក អ្នកជំងឺ​អ៊ុត​ស្វា​ដែលជា​ជនជាតិ​នី​ហ្សេ​រី​យ៉ា​នេះ រហូតមកដល់​ម៉ោង​ប្រហែលជា ១៧និង៣០​នាទី​ល្ងាច ថ្ងៃទី​២៣ ខែកក្កដា ឆ្នាំ​២០២២ អាជ្ញាធរ​សមត្ថកិច្ច​ថ្នាក់ជាតិ និង​សាលា​រាជធានី​ភ្នំពេញ ព្រមទាំង​ផ្នែក​ពាក់ព័ន្ធ​ផ្សេងទៀត បាន​រកឃើញ​បុរស​នេះ ដែល​កំពុងតែ​ស្នាក់នៅ​ផ្ទះសំណាក់​មួយ នៅ​ផ្លូវ ៤៣០ សង្កាត់​ទួល​ទំពូង (​ផ្សារ​ដើមថ្កូវ ខណ្ឌ​ចំការ រាជធានី​ភ្នំពេញ។

បុរស​ជននី​ហ្សេ​រី​យ៉ា​រូប​នេះ​មានឈ្មោះ អូស​ម៉ុង​សាហា​ហ្សី​រី​ម (OSMOND CHHAZIRIM) អាយុ ២៧​ឆ្នាំ កាន់​ប៉ា​ស្តី​លេខ A10414328 ជា​អ្នក​ទេសចរណ៍ និង​មាន​ប្រវត្តិ​នៃ​ការធ្វើដំណើរ​ចូល​មក​ទឹកដី​ថៃ កោះ​ភូ​កេ​ត នៅ​ថ្ងៃទី​២១ ខែតុលា ឆ្នាំ​២០២២​។ ប​ច្ចុ​ប្បន្ន​អ្នកជំងឺ​អុត​ស្វា​ខាងលើនេះ ត្រូវបាន​មន្ទីរ​សុខា​ភិ​បាល​រាជធានី​ភ្នំពេញ​ចាត់ចែង​ដឹក​តាម​រថយន្ត​សង្គ្រោះបន្ទាន់ បញ្ជូនទៅ​កាន់​មន្ទីរពេទ្យ មិត្តភាព​ខ្មែរ​-​សូ​វៀត និង​បាន​ដាក់ឱ្យ​សម្រាក​ព្យាបាល​នៅក្នុង​មន្ទីរពេទ្យ​នេះ​នៅវេលា​ម៉ោង ១៧:១០​នាទី រួច​ល់ហើយ​។

ដើម្បី​ការពារ​ការ​ចម្លង​នៃ​វីរុស​អ៊ុត​ស្វា​ក្រសួងសុខាភិបាល សូម​អំពាវ​នា​អ្នក​ដែល​បាន​ប៉ះពាល់​ផ្ទាល់​ជាមួយ​អ្នកជំងឺ​ជនជាតិ​នី​ហ្សេ​រី​យ៉ា​ទាំងអស់ ដាក់ខ្លួន​ដោយឡែក ហើយ​ស្វែងរក​ការពិនិត្យ​សុខភាព ឬ​ផ្តល់ព័ត៌មាន​មក​ក្រុមគ្រូពេទ្យ​ដែល​នៅ​ជិត​លោកអ្នក ឬ​ជូន ព័ត៌មាន​ទៅ​លេខ ១១៥ ដើម្បី​ទទួលបាន​ការជួយជ្រោមជ្រែង ពិនិត្យ​សុខភាព ស្វែងរក​ការចម្លង​បន្ត និង​ដើម្បី​ចូលរួម​កាច់​ផ្តាច់​ខ្សែចម្លង​រុស អុត​ស្វា​នេះ​បាន​ទាន់ពេលវេលា​។

​សូម​បងប្អូន​ប្រជាពលរដ្ឋ​ទាំងអស់ បន្ត​អនុវត្ត​វិធានការ​ការពារ​ការចម្លង​វីរុស​អ៊ុត​ស្វា ដែល​ក្រសួង​បានចេញ សេចក្តីណែនាំ​ជារឿយៗ ជាពិសេស មិនត្រូវ​ប៉ះពាល់​ជាមួយ​អ្នកជំងឺ​អ៊ុត​ស្វា សត្វព្រៃ និង​ត្រូវ​បរិភោគ​អាហារ​ឆ្អិន​ល្អ ព្រមទាំង អនាម័យ​ខ្លួនប្រាណ​ឱ្យបាន​ស្អាត ដោយ​ឧស្សាហ៍​លាង​សម្អាង​ដៃ​ជាមួយ​សាប៊ូ ឬ​អាល់កុល ឬ​ជែ​ល និង​ស្វែងរក​ការពិនិត្យ ព្យាបាល​ប្រសិន​បើសិន​មាន​រោគសញ្ញា​សង្ស័យ​។ ក្រសួងសុខាភិបាល និង​បន្តធ្វើ​ការជូនដំណឹង​ដល់​សាធារណជន អំពី​ការវិវត្តន៍​នៃ​បញ្ហា សុខភាព​តាម​ទំព័រ​ហ្វេ​ស​ប៊ុ​ក និង​គេហទំព័រ​របស់​ក្រសួងសុខាភិបាល៕

ដោយ ៖ សំអឿន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម