ព័ត៌មានជាតិ
គណៈប្រតិភូមជ្ឈិមរណសិរ្សមាតុភូមិវៀតណាម អបអរសាទរចំពោះជោគជ័យរបស់គណបក្សប្រជាជនកម្ពុជា ក្នុងការបោះឆ្នោតឃុំ-សង្កាត់
សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅព្រឹកថ្ងៃទី ២៩ ខែកក្កដា ឆ្នាំ ២០២២នេះ បានអនុញ្ញាតឲ្យគណៈប្រតិភូមជ្ឈឹមរណសិរ្សមាតុភូមិវៀតណាម ដឹកនាំដោយលោក ដុ វ៉ាន់ចៀន លេខាមជ្ឈឹមបក្សកុម្មុយនិស្តវៀតណាម និងជាប្រធានគណៈកម្មាធិការមជ្ឈឹមរណសិរ្សមាតុភូមិវៀតណាម ចូលជួបសម្ដែងការគួរសម និងពិភាក្សាការងារ នៅវិមានសន្តិភាព។
លោក ស្រ៊ី ថាមរ៉ុង រដ្ឋមន្ត្រីប្រតិភូអមនាយករដ្ឋមន្ត្រី មានប្រសាសន៍ប្រាប់អ្នកសារព័ត៌មានថា នៅក្នុងជំនួបនេះសម្ដេចតេជោនាយករដ្ឋមន្ត្រី បានអបអរសាទរ និងស្វាគមន៍ដំណើរទស្សនកិច្ចរបស់គណៈប្រតិភូមជ្ឈឹមរណសិរ្សមាតុភូមិវៀតណាម ដែលជាឱកាសល្អមួយក្នុងការប្រារព្ធខួបទី ៥៥ឆ្នាំ នៃថ្ងៃបង្កើតទំនាក់ទំនងការទូតរវាងប្រទេសទាំងពីរ កម្ពុជា-វៀតណាម។
ការផ្លាស់ប្ដូរទស្សនកិច្ចទៅវិញទៅមក រវាងថ្នាក់ដឹកនាំគ្រប់ជាន់ថ្នាក់ បានបង្ហាញពីទំនាក់ទំនងល្អប្រសើរ និងកិច្ចសហប្រតិបត្តិការស្អិតរមួតរវាងប្រទេសទាំងពីរ ដែលជាប្រទេសជិតខាងនឹងគ្នា។ ជាមួយគ្នានេះ សម្ដេចតេជោ ហ៊ុន សែន សង្ឃឹមថា ដំណើរទស្សនកិច្ចរបស់គណៈប្រតិភូមជ្ឈឹមរណសិរ្សមាតុភូមិវៀតណាម នឹងជួយពង្រឹងថែមទៀតនូវទំនាក់ទំនងល្អប្រសើររវាងប្រទេសទាំងពីរ។
ជាការឆ្លើយតប លោក ដុ វ៉ាន់ចៀន បានបង្ហាញក្ដីរីករាយ ដែលបានមកបំពេញទស្សនកិច្ចនៅកម្ពុជា ដែលជាឱកាសល្អនៅក្នុងការរឹតបន្តឹង ទំនាក់ទំនងរវាងប្រទេសទាំងពីរ។ ក្នុងឱកាសនេះ លោក ដុ វ៉ាន់ចៀន ក៏បាននាំយកការសួរសុខទុក្ខពីថ្នាក់ដឹកនាំរៀតណាម ជូនចំពោះសម្ដេចតេជោនាយករដ្ឋមន្ត្រី ផងដែរ។
ជាមួយគ្នានេះដែរ គណៈប្រតិភូលេខាមជ្ឈឹមបក្សកុម្មុយនិស្តវៀតណាម ក៏បានអបអរសាទរចំពោះជោគជ័យដ៏ត្រចេះត្រចង់ របស់គណបក្សប្រជាជនកម្ពុជា សម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ឆ្នាំ ២០២២នេះ ហើយជូនពរឲ្យគណបក្សប្រជាជនកម្ពុជា ទទួលបានជោគជ័យថែមទៀត សម្រាប់ការបោះឆ្នោត ជ្រើសតាំងតំណាងរាស្រ្ដនាឆ្នាំ ២០២៣ខាងមុខ។
ក្នុងឱកាសនោះដែរ គណៈប្រតិភូមជ្ឈឹមរណសិរ្សមាតុភូមិវៀតណាម ក៏បានវាយតម្លៃខ្ពស់ចំពោះការដាក់ចេញវិធានការ របស់សម្ដេចតេជោនាយករដ្ឋមន្ត្រី និងរាជរដ្ឋាភិបាលកម្ពុជា ក្នុងការទប់ស្កាត់ការឆ្លងរាលដាលនៃជំងឺកូវីដ-១៩ ប្រកបដោយជោគជ័យ ហើយអត្រាអ្នកចាក់វ៉ាក់សាំងបង្ការជំងឺនេះ ក៏មានការឈានមុខនៅក្នុងតំបន់ និងពិភពលោកផងដែរ។ ជោគជ័យនេះហើយ បានធ្វើឲ្យកម្ពុជាបើកប្រទេសឡើងវិញលើគ្រប់វិស័យ ហើយក៏ចាប់ផ្ដើមស្ដារសេដ្ឋកិច្ចឡើងវិញ ផងដែរ។
នៅក្នុងជំនួបដដែលនេះ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងអំណរគុណចំពោះការនាំយកការសួរសុខទុក្ខពីថ្នាក់ដឹកនាំរៀតណាម ចំពោះសម្ដេច និងគណបក្សប្រជាជនកម្ពុជា ក៏ដូចជាប្រជាជនកម្ពុជា ហើយក៏អរគុណចំពោះការអបអរសាទរដល់គណបក្សប្រជាជនកម្ពុជា សម្រាប់ជោគជ័យនៃការបោះឆ្នោតឃុំ-សង្កាត់នាពេលថ្មីៗនេះ ក៏ដូចជាការជូនពរឲ្យទទួលបានជោគជ័យ សម្រាប់ការបោះឆ្នោតនាឆ្នាំ ២០២៣ខាងមុខ។
សម្ដេចតេជោនាយករដ្ឋមន្ត្រី បានសម្ដែងនូវមោទនភាព នៃការរីកចម្រើនទំនាក់ទំនងល្អប្រសើររវាងប្រទេសទាំងពីរ និងគណបក្សទាំងពីរ ហើយសម្ដែងការពេញចិត្តចំពោះស្ថេរភាព នៃទំនាក់ទំនងរវាងប្រទេសទាំងពីរ ពិសេសការសម្រេចបាននូវការបោះបង្គោលព្រំដែនចំនួន ៨៤ភាគរយ។ ក្នុងជំនួបនេះដែរ ភាគីទាំងពីរក៏បានឯកភាពគ្នាជំរុញការបោះបង្គោលព្រំដែន ដែលនៅសេសសល់ចំនួន ១៦ភាគរយទៀត ឲ្យបានឆាប់រហ័ស។
ជាមួយគ្នានេះសម្ដេចតេជោ ហ៊ុន សែន ក៏បានអបអរសាទរប្រទេសវៀតណាមផងដែរ ដែលបានគ្រប់គ្រងបានល្អ នូវការឆ្លងរាលដាលនៃជំងឺកូវីដ-១៩ ដែលមកដល់ពេលនេះករណីឆ្លងនៅវៀតណាម មានការថយចុះគួរឲ្យកត់សម្គាល់។ គណៈប្រតិភូមជ្ឈឹមរណសិរ្សមាតុភូមិវៀតណាម បានជូនពរសម្ដេចតេជោនាយករដ្ឋមន្ត្រី ឲ្យទទួលបានជោគជ័យសម្រាប់ការធ្វើជាប្រធានអាស៊ានឆ្នាំ ២០២២ និងជូនពរឲ្យកម្ពុជាជោគជ័យ សម្រាប់ការរៀបចំស៊ីហ្គេមនាឆ្នាំ ២០២៣ខាងមុខផងដែរ៕
អត្ថបទ៖ ឃួន សុភ័ក្រ
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»