Connect with us

ព័ត៌មានជាតិ

​ទឹកឃ្មុំព្រៃ​ធម្មជាតិ​អាច​រក្សាទុកបានយូរ​បំផុតប្រមាណ​ ២ ទសវត្សរ៍

បានផុស

នៅ

​ប្រធានសមាគមអភិរក្សទឹកឃ្មុំព្រៃ​នៅខេត្តមណ្ឌលគិរីលោក ​ឈឺន វុទ្ធី ​បានប្រាប់កម្ពុជាថ្មីថា ​ទឹកឃ្មុំព្រៃដែលរកបានពីធម្មជាតិ អាចរក្សាទុកបានយូររហូតដល់ទៅជិត ២ ទសវត្សរ៍ ដោយត្រូវរក្សាសីតុណ្ហភាពក្នុងម្លប់ ឬទូឱ្យបានត្រឹមត្រូវ និងមិនដាក់សារធាតុបន្ថែម គឺអាចរក្សាបានរសជាតិល្អដដែល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​លោក ឈឺន វុទ្ធី បានបន្តថា រាល់ទឹកឃ្មុំព្រៃនៅក្នុងខេត្តមណ្ឌលគិរីសុទ្ធតែជាទឹកឃ្មុំល្អទាំង​គុណភាព ​និងរសជាតិខុសពីទឹកឃ្មុំចិញ្ចឹមព្រោះឃ្មុំព្រៃអាចក្រេបជញ្ជក់ផ្កាបានច្រើនប្រភេទ។

​ប្រធានសមាគមន៍អភិរក្ខទឹកឃ្មុំព្រៃរូបនេះអះអាងថា ទឹកឃ្មុំសុទ្ធល្អព្រោះតាម​ក្រុមនីមួយៗ​ក្នុង​សមាគមន៍ តែងតែបង្ហាញផែនទី ឬទីកន្លែងភ្នំ ​និងពេលវេលាច្បាស់លាស់ដែលបាន​ចេញ​ទៅ​យក​ឃ្មុំម្តងៗ​មកដល់មេក្រុម​ដើម្បីឲ្យខាងអ្នកបញ្ជាទិញ​មានទំនុកចិត្តថាទទួលបានទឹកឃ្មុំសុទ្ធល្អ។

លោក ឈឺន វុទ្ធី ប្រាប់ថា​ ដោយសារតែការ​នាំចូល​នៅមាន​កម្រិត ​និង​ទីផ្សារទឹកឃ្មុំ​ទើបតែ​មាន​ការទទួលស្គាល់​ច្រើន​នាពេលថ្មីៗ ដូច្នេះលោកមិនអាចនាំចូលទឹកឃ្មុំពីក្នុងសមាគមហួសពីតម្រូវ​ការទីផ្សារ ឬយកមកទុកចោលនោះទេ​ ក្នុងមួយខែអាចនាំចូល​ និងផលិតសម្រេចបាន​ប្រហែល​២០០គីឡូប៉ុណ្ណោះ ខណៈទឹកឃ្មុំ ៦០០ក្រាម ​អាចលក់បានក្នុងតម្លៃ ១២ដុល្លារ ធូរថ្លៃជាង​នៅលើទីផ្សារ​ និង​សមល្មម​អាចឲ្យប្រជាពលរដ្ឋហានចំណាយទិញ។

​ម្យ៉ាងទៀត​កាលដែលទឹកឃ្មុំព្រៃអាចមានទីផ្សារបានប្រសើរ​ ដោយសារ​ការផលិតទឹកឃ្មុំ​របស់​សហគមន៍​នៃខេត្តមណ្ឌលគិរី មានច្បាប់ទទួលស្គាល់ពីក្រសួងពាណិជ្ជកម្ម និងស្ថាប័ន​ជាច្រើនដែល​បានដឹងច្បាស់ពីគុណភាព អានាម័យ និងការវិចខ្ចប់។

លោក វុទ្ធី បានឲ្យដឹងទៀតថា ទឹកឃ្មុំខែវស្សា មានការពិបាកបន្តិចក្នុងការសំងួតទឹកចេញ ដោយសារតែមានទឹកភ្លៀង​ច្រើនធ្វើឲ្យសត្វឃ្មុំ​ក្រេប​ជញ្ជក់​ទៅក្នុងសំបុក ដែលត្រូវការចំណាយពេលយូ និងបាត់បង់ជាតិទឹកឃ្មុំក្នុង ១គីឡូប្រហែល៤០% តែសម្រាប់រដូវប្រាំង ១គីឡូអាចបាត់ត្រឹមតែ២០%ប៉ុណ្ណោះ។

សូមជំរាបផងដែរថា ​សម្រាប់ទឹកឃ្មុំព្រៃខេត្តមណ្ឌលគិរីនាពេលបច្ចុប្បន្ននេះ បានយកទៅតាំងពិព័រណ៍​នៅរាជធានីភ្នំពេញ មានតាំងលក់នៅក្នុងផ្សារទំនើប អ៊ីអន១ និងបាននាំចេញទៅផ្សព្វផ្សាយនៅទីផ្សារប្រទេស​ស្វីស និងគ្រោងនាំទៅផ្សព្វផ្សាយនៅជប៉ុនផងដែរ៕

អត្ថបទ៖ ឌឿន ចាន់ថារី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៣ ម៉ោង មុន

ឯកឧត្តម ឌី វិជ្ជា ជួយសម្រួលការព្យាបាល និងឧបត្ថម្ភ១ពាន់ដុល្លារដល់កីឡាករ ម៉ើល ចាន់រ៉ា របួស

ព័ត៌មានជាតិ៤ ម៉ោង មុន

លោក ទេសរដ្ឋមន្ត្រី លី ធុជ ៖ កម្ពុជា នឹង​ផ្តល់​ការ​គាំទ្រ​បច្ចេកទេស ចំណេះដឹង និង​ជំនាញ​ដល់​ប្រទេស​ម៉ុង​ហ្គោ​លី លើ​ការងារ​បោសសម្អាត​មីន និង​គាំទ្រ​ដល់​ម៉ុង​ហ្គោ​លី​អនុវត្ត​បទដ្ឋាន​របស់​អនុសញ្ញា​អូ​តា​វ៉ា

ព័ត៌មានជាតិ៤ ម៉ោង មុន

សិស្ស​ប៊ែ​ល​ធី​ថ្នាក់​ទី​១២ ជំនា​ន់ទី​១៨ ចំនួន ២,១១២​នាក់ ទទួល​សញ្ញាប័ត្រ​មធ្យមសិក្សា​ទុតិយភូមិ​ប៊ែ​ល​ធី

សន្តិសុខសង្គម៤ ម៉ោង មុន

ស្ត្រីម្នាក់​ទើប​ឆ្លង​ទន្លេ​បាន​កូនភ្លោះ​ ខ្ចីលុយ​គេ១ម៉ឺនទិញថ្នាំឱ្យកូនលេប ស្រាប់តែ​ត្រូវ​រថយន្ត​ដឹកដីបុកកិនស្លាប់

កីឡា៤ ម៉ោង មុន

គ្មានក្រុមណាអាចយកឈ្នះវិសាខាបានទេក្នុងតេជោលីគជុំទី១

Sokha Hotels

ព័ត៌មានពេញនិយម