ព័ត៌មានជាតិ
ត្រីមេពូជធំៗកំពុងរងគ្រោះដោយអ្នកនេសាទខុសច្បាប់នៅរដូវបិទនេសាទ
នៅរដូវភ្លៀងធ្លាក់ខ្លាំងទឹកដំឡើងត្រីមេពូជធំៗកំពុងរកកន្លែងពងកូននៅតាមដៃអូព្រែកវាលទំនាប និងរងគ្រោះដោយអ្នកនេសាទធ្វើការនេសាទខុសច្បាប់នៅរដូវបិទនេសាទហាក់បីដូចពុំមានការទប់ស្កាត់ពីសមត្ថកិច្ចជំនាញឲ្យបានល្អប្រសើរនៅឡើយ។
នៅព្រឹកថ្ងៃទី ១២ សីហានេះគេសង្កេតឃើញទូកអ្នកនេសាទជាច្រើនបានដឹកត្រីជាប្រភេទ ត្រីមេពូជធំៗដែលមានទម្ងន់ចាប់ពី១គីឡូ ២គីឡូ ៣គីឡូរហូត ៤ដល់៥ គីឡូ និងខ្លះរហូតមួយក្បាលជិត១០គីឡូក៏មានដែរ ដោយបានដឹកតាមទូកមកចំណុចកំពុងសាឡាង ធ្វើការលក់ទៅឲ្យឈ្មួញលក់នៅផ្សារសាមគ្គីស្ទឹងត្រែង នឹងលក់បន្តទៅកាន់រាជធានី និងបណ្ដាខេត្តនានាផ្សេងទៀត។
ត្រីមេពូជធំៗជាច្រើនប្រភេទដែលកំពុងរងគ្រោះនោះមានដូចជា ត្រីត្រសក់ ត្រីក្រាយ ត្រីខ្យា ត្រីលេង ត្រីស្ទក់ ត្រីក្រពាត់ ត្រីកេស ត្រីក្លាំងហាយ ត្រីដំរី ត្រីឆ្កោក ត្រីក្អែក ត្រីព្រួល ត្រីខ្លា និងត្រីជាច្រើនប្រភេទទៀតកំពុងត្រូវបានគេនេសាទយកមកលក់នៅលើទីផ្សារ។
ត្រីមេពូជទាំងនេះត្រូវបានគេនិយាយថា ឲ្យតែដល់រដូវភ្លៀងធ្លាក់ខ្លាំងទឹកឡើងចូលទៅតាមដៃអូរព្រែក និងវាលទំនាប ដែលអាចវាពងកូនបានវាឡើងរកទីជម្រកពងកូនដែលធ្វើឱ្យអ្នកនេសាទមានឱកាសក្នុងការលបលួចធ្វើការនេសាទខុសច្បាប់ ភាគច្រើននៅពេលយប់ដែលសមត្ថកិច្ចជំនាញពិបាកក្នុងការទប់ស្កាត់។
លោក ស្រី សំវិចិត្រនាយខណ្ឌស្ដីទីបានបញ្ជាក់តាមតេលេក្រាមថា ទាក់ទងនឹងរដូវបិទនេសាទនេះខាងជំនាញជលផល ឆ្នាំទន្លេបានសហការជាមួយសហគមន៍នេសាទ ចុះទប់ស្កាត់និងបង្រ្កាបបទល្មើសជលផលយ៉ាងសកម្មទាំងថ្ងៃទាំងយប់ពិសេសពេលដែលទឹកកំពុងហក់ឡើងម្ដងៗប៉ុន្តែការលួចធ្វើនេសាទរបស់ប្រជានេសាទគឺភាគច្រើននៅពេលយប់ដែលមានភ្លៀងខ្យល់។
លោកបានបន្តទៀតថា:បច្ចុប្បន្នអ្នកនេសាទមានភាពឆ្លាតវៃ ពួកគាត់ប្រើមងខ្លីៗបណ្ដែត ពេលឮសំឡេងទូកក្រុមការងារចុះទៅពួកគាត់ចាប់ផ្ដើមសារចេញ និងអែបទូកចូលកៀនបាត់។នៅក្នុងការចុះល្បាតនេះ ជំនាញមានភាពលំបាកច្រើន ដោយសហគមន៍ ឆ្មាំទន្លេ មានចំនួនតិច មធ្យោបាយទូកតូច ចាស់ពិបាកពេលមានភ្លៀងខ្យល់ ដែលមិនអាចធ្វើការទប់ស្កាត់ទាន់ពេលវេលា។
លោកនាយខណ្ឌសំណូមពរដល់អាជ្ញាធរមូលដ្ឋានកងកម្លាំងទាំងបីប្រភេទ ពិសេសប៉ុស្តិ៍នគរបាលរដ្ឋបាល នៅចំណុចទីតាំងដែលមានបទល្មើស ជួយទប់ស្កាត់និងផ្សព្វផ្សាយនូវរដូវបិទនេសាទនេះបន្ថែម ដោយសារកម្លាំងរបស់ជលផលមានតែ៣ទៅ៤នាក់ សហការជាមួយគណៈកម្មការសហគមន៍នេសាទតែប៉ុណ្ណោះ៕
អត្ថបទ៖ ងិនលីម
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ