Connect with us

ព័ត៌មានជាតិ

សាលារៀនខ្លះនៅខេត្តរតនគិរី និងស្ទឹងត្រែង​ផ្អាកការសិក្សា​បណ្តោះអាសន្ត​ដោយជំនន់ទឹកភ្លៀង

បានផុស

នៅ

លោក រស់ សុវាចា អ្នកនាំពាក្យក្រសួងអប់រំយុវជននិងកីឡាបានមានប្រសាសន៍ នៅព្រឹកថ្ងៃទី១៣ ខែសីហានេះថា គិតត្រឹមពេលនេះ មានសាលារៀនមួយចំនួនតូចនៅខេត្តរតនគិរី និងខេត្តស្ទឹងត្រែង បានផ្អាកដំណើរការសិក្សា​ជាបណ្តោះអាសន្ត ដោយសារជំនន់ទឹកភ្លៀង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណែកសាលារៀនផ្សេងៗទៀត នៅទូទាំងប្រទេស បាននិងកំពុងប្រព្រឹត្តទៅដោយរលូន តាមការគ្រោងទុកបែបគន្លងប្រ​ក្រតីភាពថ្មីនៃវិស័យអប់រំ។

លោក រស់ សុវាចា បានបន្តថា ចំពោះសាលារៀនមួយចំនួនតូចនៅខេត្តរតនគិរី និងខេត្តស្ទឹងត្រែង ដែលផ្អាកដំណើការ​ជាបណ្តោះអាសន្ត ដោយសារជំនន់ទឹកភ្លៀងនោះ ក្រសួងអប់រំអនុវត្តដូចបណ្តាឆ្នាំកន្លងមកដែរ ដោយចាត់វិធានការ​ដោះស្រាយឱ្យសិស្សានុសិស្សដែលសាលារៀនរងផលប៉ះពាល់ដោយសារជំនន់ទឹកភ្លៀងទាំងនោះ អាចទៅរៀន​នៅសាលារៀនក្បែរខាង ឬនៅទីតាំងផ្សេងដែលមានសុវត្ថិភាព អមដោយការរៀនអនឡាញ។

យ៉ាងណាក៏ដោយ លោក រស់ សុវាចា បានបន្តទៀតថា ក្រសួងអប់រំយុវជន និងកីឡាបន្តយកចិត្តទុកដាក់កម្រិតខ្ពស់ តាមដានស្ថានភាពធម្មជាតិ ដោយយោងទៅលើការព្យាករណ៍ឧតុនិយមផ្លូវការ និងទិដ្ឋភាពផ្ទាល់នៅមូលដ្ឋាន។ ក្រសួងមានក្រុមការងារគ្រប់គ្រងគ្រោះមហន្តរាយវិស័យអប់រំ ដែលបានបន្តកិច្ចសហការណ៍​ជាមួយគ្រប់ភាគីពាក់ព័ន្ធដូច​ឆ្នាំកន្លងមកដែរ ជាពិសេសជាមួយគណ:គ្រប់គ្រងគ្រឹះស្ថានសិក្សា និងអាជ្ញាធរមូលដ្ឋានផ្ទាល់​ដើម្បីត្រៀមលក្ខណ:​អន្តរាគមន៍ទៅលើកត្តាចាំបាច់តាមលទ្ធភាពជាក់ស្តែង។

ក្រសួងអប់រំ យុវជន និងកីឡា នៅតែបន្តស្វាគមន៍កិច្ចសហការណ៍វិជ្ជមានពីសំណាក់គ្រប់ភាគី​ពាក់ព័ន្ធលើវិធាន​ការទប់ស្កាត់ និងការឆ្លើយតបលើផលជះពីគ្រោះទឹកជំនន់ និងជំនន់ទឹកភ្លៀងតាមគ្រឹះស្ថានសិក្សា។

អ្នកនាំពាក្យក្រសួងអប់រំ សូមអំពាវនាវដល់សិស្សានុសិស្ស លោកគ្រូ អ្នកគ្រូ បុគ្គលិកអប់រំ មាតាបិតានិងគ្រប់ភាគី​ពាក់ព័ន្ធទាំងអស់បង្កើនការប្រុងប្រយ័ត្ននារដូវភ្លៀងនេះក្នុងការបន្តថែទាំសុខភាពនិងរក្សាសុវត្ថិភាព។

«សូមមាតាបិតាបន្តប្រុងប្រយ័ត្នខ្ពស់ ដើម្បីចូលរួមការពារមិនឱ្យកូនលង់ទឹក។ សូមគ្រប់ភាគីពាក់ព័ន្ធបន្តអនុវត្តវិធាន​ការសុវត្ថិភាពសុខភាពទាំងអស់គ្នាឲ្យចៀសផុតពីការឆ្លងរោគា និងគ្រោះថ្នាក់នានា»។

ចំណែកសិស្សានុសិស្សទាំងអស់ត្រូវបន្តខិតខំរៀនសូត្រក្នុងថ្នាក់និងរៀនខ្លួនឯងបន្ថែម ព្រមទាំងស្តាប់ដំបូន្មានពីសំណាក់​មាតាបិតា។ ក្រៅពីការបន្តរៀនសូត្រ សិស្សានុសិស្សទាំងអស់ត្រូវបន្តអនុវត្តវិធានការសុខាភិបាល, គោរពច្បាប់ចរាចរណ៍, និងចៀសវាងការប្រើប្រាស់ថ្នាំញៀនខុសច្បាប់និងបារីគ្រប់ប្រភេទ ដើម្បីរក្សាសុខភាព និងអាយុជីវិត។ នេះជាការបន្ថែមរបស់អ្នកនាំពាក្យ។

គណៈកម្មាធិការជាតិគ្រប់គ្រងគ្រោះមហន្តរាយបានឱ្យដឹងថា ទឹកជំនន់និងជំនន់ទឹកភ្លៀងមួយរយៈពេលចុងក្រោយនេះ​បានបណ្តាលឱ្យប៉ះពាល់ដល់ខេត្តចំនួន១៦នៅទូទាំងប្រទេសបានបង្កឱ្យប៉ះពាល់ដល់ប្រជាពលរដ្ឋចំនួន២៧០៨គ្រួសារ ស្មើនឹងប្រជាជនជាង៤៩០០នាក់ ជម្លៀសប្រជាពលរដ្ឋ២៧៧គ្រួសារនៅខេត្តរតនគីរី លិចផ្ទះប្រជាពលរដ្ឋចំនួន១៥៩០​ខ្នងក្នុងនោះខូចខាត៤៥ខ្នង លិចសាលារៀន៤កន្លែង វត្តអារាម៤កន្លែងនិងប៉ះពាល់ស្រូវជាង៤ម៉ឺនហិកតាក្នុងនោះ​ខូចខាត​ប្រមាណជាង១ម៉ឺនហិកតា ៕ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ នាទី មុន

ធនាគារ​ជាតិ នៃ​កម្ពុជា រៀបចំ​ពិព័រណ៍​ប្រាក់​រៀល ក្រោម​ប្រធានបទ “​ប្រាក់​រៀល​តែមួយ លើកស្ទួយ​ទីផ្សារ ផ្លែផ្កា​សេដ្ឋកិច្ច​”

ព័ត៌មានជាតិ៤៨ នាទី មុន

អង្គការមនុស្សចាស់កម្ពុជា បើកវេទិកាមនុស្សវ័យចាស់ថ្នាក់ជាតិ​លើកទី២

ព័ត៌មានជាតិ៥៨ នាទី មុន

៧ ខែ ឆ្នាំ ២០២២ រថយន្តអគ្គិសនី​​​ចុះ​​បញ្ជី​​មាន​ជាង ៣០០ គ្រឿង

ព័ត៌មានជាតិ១ ម៉ោង មុន

រដ្ឋមន្ត្រីក្រសួងសាធារណការ ​ជំរុញឱ្យវិស័យឯកជន​ដាក់ទុនវិនិយោគ​ដំឡើង​ស្ថានីយបញ្ចូល​ថាមពលរថយន្តអគ្គិសនី

ព័ត៌មានជាតិ១ ម៉ោង មុន

មកស្គាល់ថ្នាក់ដឹកនាំកំពូលរបស់ក្រុមហ៊ុន ជីប ម៉ុង គ្រុប និងបុត្រសម្ព័ន្ធ

Sokha Hotels

ព័ត៌មានពេញនិយម