ព័ត៌មានជាតិ
ក្រុមប្រឹក្សាស្នើរដ្ឋបាលខណ្ឌព្រែកព្នៅ ទប់ស្កាត់រថយន្ដធុនធ្ងន់ឡើងវិញ នៅស្ពានបឹងក្រចាប់
ក្នុងកិច្ចប្រជុំសាមញ្ញលើកទី៣៩ អណត្តិទី៣ របស់ក្រុមប្រឹក្សាខណ្ឌព្រែកព្នៅ នាព្រឹកថ្ងៃទី២៦ ខែសីហានេះ លោក អុល សំអឿន សមាជិកក្រុមប្រឹក្សាខណ្ឌព្រែកព្នៅ បានស្នើឱ្យរដ្ឋបាលខណ្ឌ រៀបចំឡើងវិញនូវបំពង់លូដាក់លើទ្រូងផ្លូវ សម្រាប់ទប់ស្កាត់រថយន្ដធន់ធ្ងន់ នៅចំណុចស្ពានបឹងក្រចាប់ ក្នុងសង្កាត់ពន្សាំង។ ព្រោះបច្ចុប្បន្ន រថយន្ដប្រភេទធន់ធ្ងន់ អាចបើកបរឆ្លងកាត់បាន ពុំអាចរាំងឃាត់រថយន្ដទាំងនោះបានឡើយ។
លោកបានស្នើឱ្យដកលូដាក់នៅលើទ្រូងផ្លូវនេះចេញ ព្រោះនៅពេលមានបុណ្យទានម្ដងៗ ការដាក់លូនៅលើទ្រូងផ្លូវនេះ ធ្វើឱ្យមានការកកស្ទះចរាចរណ៍ ពិសេសអាចបង្កឱ្យមានគ្រោះថ្នាក់ចរាចរណ៍ ដោយសារពុំមានសញ្ញាសម្គាល់អ្វីច្បាស់លាស់នៅពេលយប់ ពិសេសអ្នកមកពីចម្ងាយ ដែលពុំសូវបានស្គាល់ភូមិសាស្ដ្រ។
ចំណែកលោក ម៉ៅ បូរ៉ា ប្រធានក្រុមប្រឹក្សាខណ្ឌព្រែកព្នៅ ក៏បានស្នើដល់រដ្ឋបាលខណ្ឌ និងសង្កាត់ទាំង៥ សូមឱ្យជួសជុលផ្លូវ និងស្តារលូក្នុងមូលដ្ឋានឱ្យបានល្អប្រសើរ ព្រោះនេះជារដូវភ្លៀង អាចមានការដកទឹកនៅកន្លែងមួយចំនួន ធ្វើឱ្យខូចផ្លូវ និងពិបាកក្នុងការធ្វើដំណើររបស់ប្រជាពលរដ្ឋ។
ឆ្លើយតបនឹងសំណើខាងលើ លោក ទៀប យុទ្ធារម្យ ប្រធានការិយាល័យសាធារណការ ដឹកជញ្ជូន អនាម័យ បរិស្ថាន និងសណ្ដាប់ធ្នាប់បានលើកឡើងថា ស្ពានបឹងក្រចាប់ ពីមុនមានទំហំតូច ក្រោយមករដ្ឋបាលខណ្ឌបានធ្វើការជួសជុលកែលម្អ ដោយពង្រីកទំហំទទឹង ២ ម៉ែត្រកន្លះបន្ថែម ដែលជាមូលនិធិរបស់ខណ្ឌ ប៉ុន្ដែស្ពាននេះអាចទ្រទម្ងន់បានត្រឹមតែ ១០ តោនប៉ុណ្ណោះ ទើបដាក់លូទប់ស្កាត់ដើម្បីការពារកុំឱ្យរថយន្ដធន់ធ្ងន់ឆ្លងកាត់បាន។ ប៉ុន្ដែក្រោយមក ដោយសារមានរថយន្ដមួយចំនួន ពិសេសរថយន្ដដឹកដី បានបើកបរប៉ះពារលូនេះម្ដងបន្ដិចៗ ធ្វើឱ្យចន្លោះរនាំងលូនេះ កាន់តែរីកធំទៅៗ ធ្វើឱ្យរថន្ដគ្រប់ធន់បើករគ្មានទើស។
លោកប្រធានការិយាល័យសាធារណការ បានបញ្ជាក់ជូនថា លូនេះមិនអាចដកបានឡើយ ព្រោះបើដាក់ទំហំមិនឱ្យឡានធំចូលបាន ឡានសំរាមក៏មិនអាចឆ្លងកាត់បានដែរ ដូចនេះត្រូវរៀបចំឡើងវិញ ហើយដាក់ស្លាកសញ្ញា និងចំណាំងពន្លឺបន្ថែម ដើម្បីកាត់បន្ថយគ្រោះថ្នាក់។
ដោយឡែកលោក ធឹម សំអាន អភិបាល នៃគណៈអភិបាលខណ្ឌព្រែកព្នៅ បានមានប្រសាសន៍ថា ចាប់ពីពេលនេះទៅលោក និងលោកស្រីអភិបាលរង នឹងចុះរៀបចំរបៀបរៀបរយតាមដងផ្លូវសំខាន់ៗ ជួសជុលកែលម្អផ្លូវក្នុងមូលដ្ឋាន មានផ្លូវ១៥១ ផ្លូវលេខ៤២ និងផ្លូវតាមបណ្ដាសង្កាត់ជាច្រើនទៀត។
លោកអភិបាលខណ្ឌ បញ្ជាក់ថា លូដាក់នៅជិតស្ពានបឹងក្រចាប់ មិនអាចដកចេញបានទេ ព្រោះវាផ្តល់ផលប្រយោជន៍ច្រើនដែរ ហើយបើរថយន្តណាដឹកលើសទម្ងន់ធ្វើឱ្យបាក់ ឬខូច រថយន្តនោះជាអ្នកទទួលខុសត្រូវ។ លោកក៏បានណែនាំ ឱ្យមន្ដ្រីសាលាខណ្ឌ និងរដ្ឋបាលសង្កាត់ មិនត្រូវយកការងាររបស់ខ្លួនយកមកលាយលំជាមួយនឹងការងាររដ្ឋនោះឡើយ ហើយយើងនាំគ្នាបន្ដខិតខំបន្ថែមទៀត ដើម្បីសុខសុវត្ថិភាពជូនប្រជាពលរដ្ឋ និងលើកកម្ពស់ជីវភាពរស់នៅរបស់ប្រជាពលរដ្ឋឱ្យបានកាន់តែប្រសើរថែមទៀត៕
អត្ថបទ៖ ឧត្តរ៉ា
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ