តុលាការ​ដោះលែង​សកម្មជន​នារី LDP ទាំង ៦ នាក់​ឱ្យនៅក្រៅឃុំបណ្ដោះអាសន្ន​

សមត្ថកិច្ចនគរបាលបានឲ្យដឹងថា​នៅល្ងាច ថ្ងៃទី ៤ ខែកញ្ញា ឆ្នាំ២០២២​ តុលាការខេត្តសៀម​រាប​បានសម្រេចឱ្យសកម្មជននារី LDP ចំនួន០៦នាក់ ចេញក្រៅឃុំជាបណ្តោះអាសន្ន ដោយដាក់​ស្ថិត​នៅក្រោមការត្រួតពិនិត្យរបស់កម្លាំងមានសមត្ថកិច្ច។

​សមត្ថកិច្ចបានបន្តទៀតថា ដោយឡែកនៅខាងក្រៅពន្ធនាគាមានក្រុមការងារ LDP ប្រមាណ២២​នាក់ ចាំទទួលយកស្ត្រីទាំង៦នាក់ខាងលើផងដែរ។ រថយន្តតាំង៥ គ្រឿងបានចេញទៅចំការម្រេចវិញ។

កាលពីថ្ងៃទី ២ ខែកញ្ញា ឆ្នាំ២០២២ ស្ត្រីទាំង ៦នាក់ខាងលើបានបើកបររថយន្តបុកការត្រួតពិនិត្យរបស់កម្លាំងសមត្ថកិច្ចចម្រុះចូលទៅដីចំការម្រេចលោក ខឹម វាសនា ពេល​នោះក៏បានរករឿងមន្ត្រីទាំងនោះដែលកំពុងធ្វើការ នៅភូមិថ្មជល់ ឃុំត្បែង ស្រុកបន្ទាយស្រី ខេត្តសៀមរាប នាជើងភ្នំគូលែន៕

អត្ថបទ៖ កុសល