ព័ត៌មានជាតិ

សកម្មជន LDP និងពលរដ្ឋចំនួន២៨៣ នាក់បានបន្តចាកចេញពីចម្ការម្រេចលោក ខឹម វាសនា

បានផុស

៤ ខែ មុន

នៅ

ថ្ងៃពុធ ១៤ កញ្ញា ២០២២

ដោយ

សៀមរាប ៖ ពលរដ្ឋនិងសកម្មជន LDP បានបន្តចេញពីជំរំចម្ការម្រេច របស់ លោក ខឹម វាសនា មានចំនួន២៨៣ នាក់ នៅសល់ជិត១០០០នាក់ទៀតប៉ុណ្ណោះ។

សមត្ថកិច្ចបានឲ្យដឹងថា រហូតមកដល់ល្ងាចថ្ងៃទី១៤ ខែកញ្ញា ឆ្នាំ២០២២នេះ មានចំនួនសរុប២៨៣ នាក់ ស្រី ១២៥ នាក់ ក្មេង ៦៧នាក់ ទទួលបណ្ដឹង១ គ្រួសារ ស្វែងរក មនុស្សម្នាក់ ,រថយន្ត ៧ គ្រឿង ម៉ូតូ ១៤ គ្រឿង និង PassApp ចំនួន ២ គ្រឿង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបន្ថែមថា មានពលរដ្ឋខ្លះបានជួលផ្ទះអ្នកភូមិ ក្នុងតម្លៃរាប់រយដុល្លារនៅក្បែរចម្ការម្រេច លោក ខឹម វាសនា ដើម្បីស្តាប់ធម៌ ផងដែរ។

សមត្ថកិច្ចបានបន្ថែមទៀតថា ក្នុងពេលដែលកំពុងធ្វើស្ថិតិពលរដ្ឋចេញពីចំការលោកខឹម វាសនា អាជ្ញាធរក៏បានត្រៀមគ្រូពេទ្យដើម្បីចាំជួយព្យាបាលដល់ពលរដ្ឋផងដែរ។ ពលរដ្ឋដែលចេញពីចម្ការមានសភាពស្គមស្លេកស្លាំងហើយសមត្ថកិច្ចនិងក្រុមគ្រូពេទ្យ បានសួរនាំដើម្បីព្យាបាលតែពួកគាត់មិនព្រមព្យាបាលហើយក៏នាំគ្នាចាកចេញទៅផ្ទះ។

ប្រភពក្រៅផ្លូវការបានបង្ហើបឲ្យដឹងថា ករណីពលរដ្ឋមករស់នៅក្នុងចំការលោកខឹមវាសនា នេះគឺមានគ្រួសារខ្លះបានលក់ផ្ទះ,ដីធ្លី,ឡាន,ម៉ូតូជាដើម ដើម្បីមករស់នៅក្នុងចម្ការ ដោយគិតថាអាចគេចផុតពីសេចក្តីស្លាប់។ តែតាមការពិតលុយដែលពួកគាត់យកមកដាក់ក្នុងប្រអប់ខ្មៅនោះ គេបានដាក់សង្ស័យថាត្រូវបានមនុស្សមួយចំនួនយកទៅទុកជាសម្បត្តិផ្ទាល់ខ្លួននៅកន្លែងមានសុវត្ថិភាពហើយ។

នៅក្នុងបញ្ហានេះដែរ ប្រមុខនៃរាជរដ្ឋាភិបាល បានស្នើឲ្យពលរដ្ឋនិងអាជ្ញាធរពាក់ព័ន្ធមេត្តាកុំរើសអើងនឹងពួកគាត់ ដែលចាញ់បោកគេនេះ គឺពេលទៅដល់មូលដ្ឋានវិញត្រូវជួយលើកទឹកចិត្តពួកគាត់ឲ្យមានការហូបចុកនិងមានរបររកស៊ីធម្មតាដូចគេឯងឡើងវិញ។

យ៉ាងនេះក្តី ប្រមុខនៃរាជរដ្ឋាភិបាលកម្ពុជា បានបញ្ជាក់ថា មិនយកកងកម្លាំងទៅបង្ក្រាបប្រជាពលរដ្ឋ ដែលគ្រាន់តែមកជួបជុំដោយសារមានជំនឿខុសរឿង ដឹកនាំដោយលោក ខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យ នោះទេ។តែបើជារឿងនយោបាយនឹងត្រូវមានវិធានការ៕

ដោយ ៖ កុសល