ព័ត៌មានជាតិ
ស្រុកចំនួន៣ជាប់ព្រំដែនថៃ រងផលប៉ះពាល់ដោយសារទឹកជំនន់
យ៉ាងហោចណាស់ក៏មានស្រុកចំនួន៣ដែរដែលកំពុងរងផលប៉ះពាល់ដោយសារជំនន់ទឹកភ្លៀង ដែលបានបង្កអោយមានការខូចខាតផលដំណាំ ផ្លូវថ្នល់ និងសាលារៀនមួយចំនួនត្រូវផ្អាកជាបណ្តោះអាសន្ន។
ជាក់ស្តែងកាលពីថ្ងៃទី២៨ ខែកញ្ញា ឆ្នាំ២០២២ គឺស្រុកចំនួន៣ ដែលស្ថិតនៅជាប់ព្រំប្រទល់ប្រទេសថៃ គឺស្រុកកំរៀង ស្រុកភ្នំព្រឹក និងស្រុកសំពៅលូន ដែលតំបន់មួយចំនួនបានទទួលរងនូវទឹកជំនន់ធ្វើអោយផលដំណាំរបស់ប្រជាពលរដ្ឋមួយចំនួនត្រូវខ្ទេចខ្ទីយ៉ាងធ្ងន់ធ្ងរ។
បើតាមប្រភពពីអាជ្ញាធរក្នុងតំបន់នោះបានបញ្ជាក់ថា តំបន់ខ្លះគឺរងគ្រោះដោយសារជំនន់ទឹកភ្លៀង ឯតំបន់ខ្លះទៀត ដូចជានៅក្នុងស្រុកកំរៀង គឺរងគ្រោះដោយសារទឹកស្ទឹងម្នាស់កាលជន់ជោរហូរហៀរខ្លាំង បណ្តាលអោយលិចនៅចំណុច អូរសាមសិប និងចម្ការមៀន ដំឡូង និងពោត ជាដើម ។ល។ ចំណែកផ្លូវប្រវែងជិត ៥០ ម៉ែត្រ នៅត្រង់ចំណុច ភូមិកំពង់ចម្លងលើ ក្នុងឃុំតាក្រី ត្រូវបានខូចខាតទាំងស្រុង ។
ឯស្រុកពីរទៀត គឺទឹកជំនន់ទឹកភ្លៀង បានបំផ្លាញផលដំណាំនៅក្នុងចម្ការយ៉ាងធ្ងន់ធ្ងរ ដូចជានៅចំណុចចម្ការ១០០ ចំណុចបឹងត្រកួន ស្ថិតក្នុងឃុំបួរ និងឃុំគនរបេង ។ ម៉្យាងវិញទៀតសាលាបឋមសិក្សាមួយចំនួន ក៏ត្រូវបានផ្អាកកាសិក្សាជាបណ្តោះអាសន្ន ដោយសារទឹកលិចបរិវេណសាលា ដូចជាសាលាបឋមសិក្សា ស្រះកំប្លោក និងសាលាបឋមសិក្សា បឹងត្រកួន ជាដើម។
រហូតមកដល់ព្រឹកថ្ងៃទី២៩ កញ្ញានេះ ទឹកនៅមិនទាន់ថយចុះនៅឡើយទេ ដោយសារតែភ្លៀងនៅតែបន្តធ្លាក់មកឥតឈប់ឈរ ដូច្នេះទឹកអាចបន្តជន់ជោរទៅកាន់តំបន់ដ៏ទៃទៀត និងស្រុកផ្សេងទៀត ៕
អត្ថបទ៖ សោ និយមរ័ត្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ