ព័ត៌មានជាតិ
របាំចំនួន២ កម្ពុជាត្រៀមសម្ដែងទទួលប្រមុខរដ្ឋ ចាប់ពីព្រឹកនេះ នៅអាកាសយានដ្ឋានភ្នំពេញ
ក្រសួងវប្បធម៌ និងវិចិត្រសិល្បៈ នៃព្រះរាជាណាចក្រកម្ពុជា បានជ្រើសរើស និងត្រៀមសម្ដែងរបាំប្រពៃណីចំនួន២ នៅអាកាសយានដ្ឋានអន្តរជាតិភ្នំពេញ ចាប់ពីព្រឹកថ្ងៃទី៨ ខែវិច្ឆិកា ឆ្នាំ២០២២នេះ ដើម្បីទទួលស្វាគមន៍ប្រមុខរដ្ឋ និងគណៈប្រតិភូដែលនឹងអញ្ជើញចូលរួមកិច្ចប្រជុំកំពូលអាស៊ាន ក្នុងនាមកម្ពុជាជាម្ចាស់ផ្ទះដឹកនាំ និងរៀបចំកិច្ចប្រជុំ។
បណ្ឌិត គឹម ពីនន់ អនុរដ្ឋលេខាធិការ នៃក្រសួងវប្បធម៌ និងវិចិត្រសិល្បៈ មានប្រសាសន៍ប្រាប់ “កម្ពុជាថ្មី” ថា ចាប់ពីថ្ងៃទី៨ ដល់ថ្ងៃទី១២ ខែវិច្ឆិកានេះ ក្រសួងវប្បធម៌ និងវិចិត្រសិល្បៈ កម្ពុជា បានត្រៀមនូវរបាំឆៃយ៉ាំ និងរបាំក្ងោកពោធិ៍សាត់ ដែលសម្ដែងដោយ ក្រុមសិល្បៈនាយកដ្ឋានសិល្បៈទស្សនីយភាព ដើម្បីទទួលស្វាគមន៍ការអញ្ជើញមកដល់របស់ ប្រធានាធិបតី ប្រមុខរដ្ឋ រដ្ឋាភិបាល និងគណៈប្រតិភូជាន់ខ្ពស់ទាំងអស់ នៅអាកាសយានដ្ឋានអន្តរជាតិភ្នំពេញ តាមពេលវេលា និងកាលបរិច្ឆេទដែលបានកំណត់ ទាំងព្រឹក ទាំងល្ងាច ឬយប់។
បណ្ឌិត គឹម ពីនន់ បានឱ្យដឹងបន្ថែមថា ចំពោះព្រឹត្តិការណ៍អមកិច្ចប្រជុំកំពូលអាស៊ាន គឺមាន មហោស្រពវប្បធម៌អាស៊ាន ប្រធានបទ “មហោស្រពវប្បធម៌អាស៊ានក្នុងស្មារតីសាមគ្គី ដើម្បីសន្តិភាព” ដោយកម្ពុជា នឹងលើកយក ទម្រង់សិល្បៈចម្រុះ ដែលមានចំណងជើងថា “មហាភារតៈ” សម្ដែង នៅថ្ងៃទី១០ ទី១១ ខែវិច្ឆិកា ចាប់ពីម៉ោង៦ទៅ នៅមហោស្រពចតុម្មុខ។
លោកបានបញ្ជាក់ថា ប្រទេសដែលចូលរួមផ្ទាល់មាន ២ប្រទេស គឺ ឥណ្ឌា និងសឹង្ហបុរី ដោយប្រទេសក្រៅពីនោះចូលដោយផ្ដល់ជាវីដេអូសម្ដែងសិល្បៈសម្រាប់ចាក់បញ្ចាំង។ ពិសេស នៅថ្ងៃទី១១ មាន សិល្បករឥណ្ឌា ចូលរួមសម្ដែងផង ហើយកាន់តែពិសេសនោះ គឺ អនុប្រធានាធិបតីឥណ្ឌានឹងអញ្ជើញចូលរួមទស្សនាទស្សនីយភាពនោះដែរ។
គួរបញ្ជាក់ថា កម្ពុជា ក្នុងនាមជាប្រធានអាស៊ាន ឆ្នាំ២០២២ នឹងធ្វើជាម្ចាស់ផ្ទះ រៀបចំកិច្ចប្រជុំកំពូលអាស៊ានលើកទី៤០ និងទី៤១ និងកិច្ចប្រជុំកំពូលពាក់ព័ន្ធ (40th & 41st ASEAN Summits and Related Summit) ចាប់ពីថ្ងៃទី១០-១៣ ខែវិច្ឆិកា ឆ្នាំ២០២២ ខាងមុខនេះ នៅរាជធានីភ្នំពេញ។ នេះជាលើកទី៣ដែល ដែលកម្ពុជាធ្វើជាម្ចាស់ផ្ទះ កិច្ចប្រជុំកំពូលនេះ ខណៈលើកទី១ នៅឆ្នាំ២០០២ លើកទី២ នៅឆ្នាំ២០១២ ដោយទទួលបានលទ្ធផលជោគជ័យ៕
អត្ថបទ៖ ច័ន្ទ វីរៈ
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សន្តិសុខសង្គម៨ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ