ព័ត៌មានជាតិ

កម្ពុជា និងវៀតណាម ទទួលបានសន្ទស្សន៍ភាពចាស់ទុំនៃបច្ចេកវិទ្យារដ្ឋាភិបាលកម្រិត B

បានផុស

១ year មុន

នៅ

ថ្ងៃសៅរ៍ ១៩ វិច្ឆិកា ២០២២

ដោយ

កម្ពុជាទទួលបានសន្ទស្សន៍ភាពចាស់ទុំនៃបច្ចេកវិទ្យារដ្ឋាភិបាល (GovTech Maturity Index — GTMI) កើនឡើងពីកម្រិត C កាលពីឆ្នាំ ២០២០ មកកម្រិត B នៅចុងឆ្នាំ ២០២២ នេះ។

ក្រសួងសេដ្ឋកិច្ចនិងហិរញ្ញវត្ថុបានចូលរួមអបអរសាទរដល់ព្រះរាជាណាចក្រកម្ពុជា ដែលទទួលបានសន្ទស្សន៍ភាពចាស់ទុំនៃបច្ចេកវិទ្យារដ្ឋាភិបាលកម្រិត B នេះផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្មីៗនេះធនាគារពិភពលោកបានបង្ហាញរបាយការណ៍ស្តីពីសន្ទស្សន៍ភាពចាស់ទុំនៃបច្ចេកវិទ្យារដ្ឋាភិបាល (GovTech Maturity Index—GTMI) ឆ្នាំ ២០២២ សម្រាប់ធ្វើការវាស់វែងលើការធ្វើបរិវត្តកម្មឌីជីថលនៅក្នុងរដ្ឋាភិបាល នៅតាមបណ្តាប្រទេសនីមួយៗ។

សន្ទស្សន៍ GTMI គឺជាបន្សំនៃអនុសន្ទស្សន៍ ៤ ទៀតគឺ ១) សន្ទស្សន៍នៃប្រព័ន្ធស្នូលរបស់រដ្ឋាភិបាល (Core Government Systems Index – CGSI), ២)សន្ទស្សន៍ការផ្តល់សេវាសាធារណៈ (Public Service Delivery Index – PSDI), ៣)សន្ទស្សន៍ការចូលរួមរបស់ប្រជាពលរដ្ឋ (Citizen Engagement Index – CEI), និង ៤)សន្ទស្សន៍បច្ចេកវិទ្យារដ្ឋាភិបាលជំរុញ (GovTech Enablers Index – GTEI)។

គួរបញ្ជាក់ថានៅក្នុងតំបន់ ប្រទេសដែលទទួលបានសន្ទស្សន៍ភាពចាស់ទុំនៃបច្ចេកវិទ្យារដ្ឋាភិបាលកម្រិត A រួមមានមាន សិង្ហបុរី, ថៃ, ម៉ាឡេស៊ី, និង ឥណ្ឌូនេស៊ី។ ប្រទេសដែលទទួលបានសន្ទស្សន៍ភាពចាស់ទុំនៃបច្ចេកវិទ្យារដ្ឋាភិបាល កម្រិត B រួមមាន កម្ពុជា, វៀតណាម, ប៊្រុយណេ និងហ្វីលីពិន និង ប្រទេសទទួលបានកម្រិត C គឺប្រទេស ឡាវ និងប្រទេសមីយ៉ាន់ម៉ាទទួលបានកម្រិត D៕

អត្ថបទ៖ សំអឿន