ព័ត៌មានជាតិ

កម្ពុជានៅសល់អគ្គិសនីជាង ២ ពាន់មេហ្គាវ៉ាត់ ប្រើមិនទាន់អស់

បានផុស

៤ years មុន

នៅ

ថ្ងៃព្រហស្បតិ៍ ១ ធ្នូ ២០២២

ដោយ

ក្នុងរយៈពេល ៥ ឆ្នាំចុងក្រោយនេះ រដ្ឋាភិបាលកម្ពុជាបានខិតខំអភិវឌ្ឍប្រភពថាមពលអគ្គិសនី ដើម្បីជំរុញកំណើនសេដ្ឋកិច្ចជាតិ។

លោក ស៊ុយ សែម រដ្ឋមន្រ្តីក្រសួងរ៉ែ និងថាមពលបានឲ្យដឹងថា គោលនយោបាយរបស់រដ្ឋាភិបាលគឺការអភិវឌ្ឍប្រភពថាមពលអគ្គិសនីមានចីរភាព អាចទុកចិត្តបាន មានគុណភាព និងមានតម្លៃសមរម្យសម្រាប់អ្នកប្រើប្រាស់គ្រប់ប្រភេទ នៅគ្រប់ទីកន្លែងទូទាំងប្រទេស។ រដ្ឋាភិបាលបានយកចិត្តទុកដាក់ក្នុងការអភិវឌ្ឍប្រភពថាមពលនានា រហូតមកដល់ពេលនេះកម្ពុជានៅសល់ថាមពលលើសពីតម្រូវការប្រើប្រាស់ប្រចាំថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងកម្មវិធីកិច្ចសន្ទនាពិសេសធ្វើឡើងនៅក្រសួងកសិកម្មកាលពីពេលថ្មីៗកន្លងទៅនេះ លោកស៊ុយ សែម បានប្រៀបធៀបរយៈពេល ៥ ឆ្នាំចុងក្រោយ ឆ្នាំ ២០១៨ កម្ពុជាមានប្រភពថាមពលប្រើប្រាស់ត្រឹមតែ ២៦៥០ មេហ្គាវ៉ាត់ ដល់ឆ្នាំ ២០២២ មានរហូតដល់ ៤២៤៦ មេហ្គាវ៉ាត់ ដែលកើនឡើងជាង ៦០ ភាគរយ។

លោកបន្តទៀតថា សព្វថ្ងៃការប្រើប្រាស់ភ្លើងអគ្គិសនីប្រចាំថ្ងៃមានត្រឹមតែជាង ២១០០ មេហ្គាវ៉ាត់នៃសេចក្តីប្រើប្រាស់គ្រប់ប្រភេទ។

នៅទូទាំប្រទេសកម្ពុជាមានភូមិស្មើ ៩៨ ភាគរយ មានអគ្គិសនីប្រើប្រាស់ ខណៈនៅសល់ ២៤៥ ភូមិ ឬស្មើ ១,៧៣% ដែលពុំទាន់មានអគ្គិសនីប្រើប្រាស់នៅឡើយ។

លោក ស៊ុយ សែម លើកឡើងភូមិដែលមិនទាន់មានអគ្គិសនីដោយសារជាភូមិដាច់ស្រយាល គ្មានផ្លូវធ្វើដំណើរ ភូមិនៅក្នុងព្រៃ ភូមិក្នុងតំបន់កោះ ភូមិបណ្តែតទឹក និងភូមិលិចទឹកក្នុងរដូវវស្សាពិបាកអូសខ្សែទៅ ប៉ុន្តែបានរៀបចំប្រភពថាមពលពីពន្លឺព្រះអាទិត្យប្រើប្រាស់ជំនួសវិញ៕

Related Topics:លោក ស៊ុយ សែម