Connect with us

ព័ត៌មានជាតិ

កម្ពុជា​នៅ​សល់​អគ្គិសនី​ជាង ២ ពាន់​មេហ្គាវ៉ាត់ ប្រើ​មិនទាន់អស់

បានផុស

នៅ

ក្នុងរយៈពេល ៥ ឆ្នាំចុងក្រោយ​នេះ រដ្ឋាភិបាល​កម្ពុជា​បាន​ខិតខំ​អភិវឌ្ឍប្រភពថាមពលអគ្គិសនី ដើម្បីជំរុញ​កំណើន​សេដ្ឋកិច្ច​ជាតិ។

លោក ស៊ុយ សែម រដ្ឋមន្រ្តី​ក្រសួង​រ៉ែ និង​ថាមពល​បាន​ឲ្យ​ដឹង​ថា គោល​នយោបាយ​របស់​រដ្ឋាភិបាល​គឺ​ការ​អភិវឌ្ឍ​ប្រភព​ថាមពល​អគ្គិសនី​​មានចីរភាព អាចទុកចិត្តបាន មានគុណភាព ​និងមាន​តម្លៃ​សមរម្យសម្រាប់​អ្នកប្រើប្រាស់គ្រប់ប្រភេទ នៅគ្រប់ទីកន្លែងទូទាំងប្រទេស។​ រដ្ឋាភិបាល​បាន​យកចិត្តទុកដាក់​ក្នុង​ការ​អភិវឌ្ឍ​ប្រភព​ថាមពល​នានា រហូត​មក​ដល់​ពេល​នេះ​កម្ពុជា​នៅសល់ថាមពល​លើស​ពី​តម្រូវការ​​ប្រើប្រាស់​ប្រចាំ​ថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែង​ក្នុង​កម្មវិធី​កិច្ចសន្ទនា​​ពិសេស​ធ្វើឡើងនៅ​ក្រសួង​កសិកម្មកាលពីពេលថ្មីៗ​កន្លងទៅនេះ លោក​ស៊ុយ សែម បាន​ប្រៀបធៀប​រយៈពេល ៥ ឆ្នាំ​ចុងក្រោយ ឆ្នាំ ២០១៨ កម្ពុជា​មានប្រភពថាមពល​ប្រើប្រាស់​ត្រឹមតែ ២៦៥០ មេហ្គាវ៉ាត់ ​ដល់​ឆ្នាំ ២០២២ មាន​រហូត​ដល់ ៤២៤៦ មេហ្គាវ៉ាត់ ដែល​កើន​ឡើង​ជាង ៦០ ភាគរយ។

លោក​បន្ត​ទៀត​ថា សព្វថ្ងៃ​ការ​ប្រើប្រាស់​ភ្លើង​អគ្គិសនី​ប្រចាំ​ថ្ងៃ​មាន​ត្រឹម​តែ​ជាង ២១០០ មេហ្គាវ៉ាត់​នៃ​សេចក្តីប្រើប្រាស់​គ្រប់​ប្រភេទ។

នៅទូទាំប្រទេស​កម្ពុជា​មាន​ភូមិ​ស្មើ ៩៨ ភាគរយ មានអគ្គិសនី​ប្រើប្រាស់ ខណៈ​នៅ​សល់ ២៤៥ ភូមិ ឬ​​ស្មើ ១,៧៣% ដែល​ពុំទាន់​មាន​អគ្គិសនី​ប្រើប្រាស់នៅឡើយ។

លោក ស៊ុយ សែម ​លើក​ឡើង​ភូមិ​ដែល​មិន​ទាន់​មាន​អគ្គិសនី​​​ដោយសារ​ជា​ភូមិ​ដាច់​ស្រយាល គ្មាន​ផ្លូវ​ធ្វើ​ដំណើរ ភូមិ​នៅ​ក្នុង​ព្រៃ ភូមិ​ក្នុង​តំបន់​កោះ ភូមិ​បណ្តែត​ទឹក និង​ភូមិ​លិច​ទឹក​ក្នុង​រដូវ​វស្សា​ពិបាក​អូស​ខ្សែ​ទៅ ប៉ុន្តែ​បាន​រៀបចំ​ប្រភព​ថាមពល​ពីពន្លឺ​ព្រះអាទិត្យ​ប្រើប្រាស់​ជំនួសវិញ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ ម៉ោង មុន

ខេត្តរតនគិរីមានផ្ទៃដីក្រហមប្រមាណ៧០% អំណោយផលដល់ដំណាំកសិ-ឧស្សហកម្មគ្រប់ប្រភេទ

ព័ត៌មានជាតិ៩ ម៉ោង មុន

ក្នុង​ឱកាស​បុណ្យចូលឆ្នាំ​ថ្មី​នេះ រដ្ឋបាល​រាជធានី​ហាម​ដាច់ខាត​ការ​លេង​ល្បែងស៊ីសង ការ​ជះ​ទឹក គប់​ស្បោង​ទឹក លាប​ធ្យូង ឬ​ប៉ាត​ម្សៅ​ទៅលើ​អ្នកដំណើរ

ព័ត៌មានជាតិ៩ ម៉ោង មុន

កម្មករ និងសហជីព ពេញចិត្ត គាំទ្រដំណោះស្រាយទាំងបីចំណុចចំពោះករណីរោងចក្រ R.G

ជីវិតកម្សាន្ដ១២ ម៉ោង មុន

សុខ ស្រីម៉ុច អំពាវនាវពលរដ្ឋខ្មែរបន្តជួយថែរក្សាមរតកដូនតាខ្មែរ

ព័ត៌មានអន្ដរជាតិ១២ ម៉ោង មុន

វេទិកាបូអាវ ៖ សេដ្ឋកិច្ច អាស៊ី នឹងលូតលាស់ដល់ ៤.៥ ភាគរយក្នុងឆ្នាំនេះ

Sokha Hotels

ព័ត៌មានពេញនិយម