Connect with us

ព័ត៌មានជាតិ

មាន​ដំណឹង​ រុស្សីចង់បង្កើតរោងចក្រចម្រាញ់ប្រេងកាតនៅកម្ពុជា

បានផុស

នៅ

ភ្នំពេញ៖ ក្រុមហ៊ុនរុស្សីមានបំណងវិនិយោគក្នុងវិស័យប្រេងនិងឧស្ម័ន រួម​ទាំង​ការបង្កើតរោងចក្រចម្រាញ់ប្រេងកាត​នៅ​ប្រទេស​កម្ពុជា។

ក្នុងជំនួបរវាង លោក ស៊ុយ សែម រដ្ឋមន្ត្រីក្រសួងរ៉ែនិងថាមពល ជាមួយលោក អាណាតូលី បូរ៉ាវីក ឯកអគ្គរដ្ឋទូតវិសាមញ្ញ​សហព័ន្ធរុស្សី ភាគីទាំងពីរ​បានលើក​ពី​គម្រោងកិច្ចសហប្រតិបត្តិការភូគព្ភសាស្ត្រនិងការអភិវឌ្ឍធនធានរ៉ែ រវាងក្រសួងរ៉ែនិងថាមពលកម្ពុជា និងក្រសួងធនធានធម្មជាតិនិងបរិស្ថានរុស្សី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកអគ្គរដ្ឋទូតរុស្សី បាន​សម្តែង​ការអបអរសារទរ ដែលកម្ពុជាទទួលបាន​តំណក់ប្រេងដំបូងក្នុងប្រវត្តិសាស្រ្ត​កាល​ពីចុងឆ្នាំ២០២០ កន្លងទៅ។ លោក​បាន​បញ្ជាក់ពី​គម្រោងកិច្ចសហប្រតិបត្តិការក្នុងការប្រើប្រាស់ថាមពលបរមាណូសម្រាប់បម្រើឱ្យគោលបំណងសន្តិភាព។

លោក​ឯកអគ្គរដ្ឋទូតថ្លែង​ថា ក្រុមហ៊ុន​រុស្សី​ចង់​​បង្កើត​គម្រោងវិនិយោគ ក្នុងវិស័យថាមពលកកើតឡើងវិញរួមមាន ថាមពលដើរដោយខ្យល់ និងថាមពលដើរដោយពន្លឺព្រះអាទិត្យ និងការផ្តល់អាហារូបករណ៍និងគម្រោងកសាងសមត្ថភាពសម្រាប់មន្ត្រីនិងសិស្សនិសិ្សតកម្ពុជា ក្នុងវិស័យថាមពលប្រេងនិងឧស្ម័ន។

ក្នុង​ឱកាស​នោះ លោក រដ្ឋមន្ត្រី ស៊ុយ សែមបានស្វាគមន៍យ៉ាងកក់ក្តៅនិងគាំទ្រដល់ការវិនិយោគរុស្សីមកកម្ពុជា ជាពិសេសឱកាសក្នុងការបង្កើតរោងចក្រចម្រាញ់ប្រេងកាត។

កាលពី​ឆ្នាំ​២០១៧ ក្រុមហ៊ុន​វិនិយោគ​ក្នុងស្រុក​ គឺ ក្រុមហ៊ុន Cambodian Petrochemical Co.,Ltd និង​ក្រុមហ៊ុន CNPC Northeast Refining and Chemical Engineering Co.,Ltd មកពី​ប្រទេស​ចិន​ បានវិនិយោគ​សាងសង់រោងចក្រ​ចម្រាញ់ប្រេង​ដំណាក់កាល​ទី​មួយនៅ​ខេត្ត​ព្រះសីហនុ ដោយ​ប្រើ​ទុនវិនិយោគ​ជាង ៦២០ លាន​ដុល្លារ។ ប៉ុន្តែ​មកដល់ពេលនេះ ដំណើរការ​សាងសង់​រោងចក្រ​​ត្រូវបាន​ផ្អាក​បណ្តោះអាសន្ន ដោយសារ​ភាគី​ដៃគូ​វិនិយោគ​ជួប​បញ្ហា​ហិរញ្ញវត្ថុ​៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ នាទី មុន

ក្នុង​ឱកាស​បុណ្យចូលឆ្នាំ​ថ្មី​នេះ រដ្ឋបាល​រាជធានី​ហាម​ដាច់ខាត​ការ​លេង​ល្បែងស៊ីសង ការ​ជះ​ទឹក គប់​ស្បោង​ទឹក លាប​ធ្យូង ឬ​ប៉ាត​ម្សៅ​ទៅលើ​អ្នកដំណើរ

ព័ត៌មានជាតិ៣៩ នាទី មុន

កម្មករ និងសហជីព ពេញចិត្ត គាំទ្រដំណោះស្រាយទាំងបីចំណុចចំពោះករណីរោងចក្រ R.G

ជីវិតកម្សាន្ដ៤ ម៉ោង មុន

សុខ ស្រីម៉ុច អំពាវនាវពលរដ្ឋខ្មែរបន្តជួយថែរក្សាមរតកដូនតាខ្មែរ

ព័ត៌មានអន្ដរជាតិ៤ ម៉ោង មុន

វេទិកាបូអាវ ៖ សេដ្ឋកិច្ច អាស៊ី នឹងលូតលាស់ដល់ ៤.៥ ភាគរយក្នុងឆ្នាំនេះ

ព័ត៌មានជាតិ៤ ម៉ោង មុន

អភិបាលរងរាជធានី បញ្ជាឱ្យបង្កើតទំព័រហ្វេសប៊ុកប្រតិកម្មរហ័ស ដើម្បីទទួលដោះស្រាយបញ្ហាជូនពលរដ្ឋ

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៣ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៤ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម