ព័ត៌មានជាតិ
វរសេនីយ៍ឯក សាន សុខសីហា អំពាវនាវសូមប្រុងប្រយ័ត្នខ្ពស់ អគ្គិភ័យពេលចូលឆ្នាំចិន
វរសេនីយ៍ឯក សាន សុខសីហា អ្នកនាំពាក្យស្នងការនគរបាលរាជធានីភ្នំពេញ បានអំពាវនាវឱ្យប្រជាពលរដ្ឋត្រូវបង្កើនការប្រុងប្រយ័ត្នខ្ពស់ ចំពោះអគ្គិភ័យនៅក្នុងកំឡុងពេលបុណ្យសែន និងបុណ្យចូលឆ្នាំចិន វៀតណាម ដែលនឹងឈានចូលមកដល់នៅថ្ងៃទី២១ ខែមករា ឆ្នាំ២០២៣នេះ។
តាមរយៈសារជាសំឡេងនៅក្នុងតេឡេក្រាម នៅថ្ងៃទី១៨ ខែមករានេះ វរសេនីយ៍ឯក សាន សុខសីហា មានប្រសាសន៍ថា៖ “ខ្ញុំសូមអំពាវនាវដល់ប្រជាពលរដ្ឋក្នុងភូមិសាស្រ្តរាជធានីភ្នំពេញឱ្យមានការប្រុងប្រយត្នខ្ពស់ មុន និងចេញដំណើរចេញពីផ្ទះ ត្រូវត្រួតពិនិត្យឱ្យបានច្បាស់លាស់នូវ ភ្លើងទៀនធូប ឬភ្លើងអគ្គិសនីផ្សេងៗ ចៀសវាងករណីអគ្គិភ័យកើតឡើងជាយថាហេតុ។ ករណីម្ចាស់ផ្ទះចេញទៅដើរកម្សាន្តតាមខេត្ត ត្រូវត្រួតពិនិត្យទ្វារបង្អួចឱ្យបានត្រឹមត្រូវ”។
វរសេនីយ៍ឯក សាន សុខសីហា មានប្រសាសន៍បន្តថា បន្ថែមពីលើនេះ សម្រាប់កម្លាំងសង្រ្គោះអគ្គិភ័យ ក៏បានត្រៀមខ្លួន ២៤ម៉ោង លើ២៤ម៉ោង ដើម្បីជួយសង្រ្គោះហេតុការណ៍អគ្គិភ័យណាមួយកើតឡើង ជាយថាហេតុ។
វរសេនីយ៍ឯក សាន សុខសីហា បានបន្ថែមថា ស្នងការដ្ឋាននគរបាលរាជធានីភ្នំពេញ ត្រៀមកម្លាំងប្រមាណជាង ១ ៥០០នាក់ ដើម្បីការពារសុវត្ថិភាព និងសណ្តាប់ធ្នាប់សាធារណៈជូនប្រជាពលរដ្ឋក្នុងរាជធានីភ្នំពេញ អំឡុងពេលបុណ្យចូលឆ្នាំប្រពៃណីជនជាតិចិន-រៀតណាម ដែលនឹងឈានចូលមកដល់នៅប៉ុន្មានថ្ងៃខាងមុខនេះ និងបានត្រៀមកម្លាំងអន្តរាគមន៍ចេញល្បាតទាំងយប់ទាំងថ្ងៃ ដើម្បីការពារសន្តិសុខសណ្តាបធ្នាប់ ក៏ដូចជាការការពារកុំឱ្យមានបទល្មើសផ្សេងៗ។
គួរបញ្ជាក់ថា ក្នុងឆ្នាំ២០២២កន្លងទៅ រាជធានីភ្នំពេញមានអគ្គិភ័យកើតឡើងចំនួន ១០៥លើក បណ្តាលឱ្យឆេះផ្ទះចំនួន ២៥៥ខ្នង ឆេះតូបផ្សារ ២៩តូប ឃ្លាំងទំនិញ ២១កន្លែង និងរោងចក្រសិប្បកម្ម ៤កន្លែង បណ្ដាលឱ្យស្លាប់មនុស្សចំនួន ៥នាក់ និងរងរបួស ២២នាក់៕
អត្ថបទ៖ សំអឿន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៥ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)