ព័ត៌មានជាតិ

គម្រោងសាងសង់សាលាដំណាក់សាមគ្គីនៅតំបន់ប្រាសាទតាមាន់សែនជ័យជិតរួចរាល់ជាស្ថាពរមួយរយភាគរយហើយ

បានផុស

៣ years មុន

នៅ

ថ្ងៃព្រហស្បតិ៍ ២ កុម្ភៈ ២០២៣

ដោយ

ឧត្តរមានជ័យ ៖ ទឹកដីតំបន់ប្រាសាទតាមាន់ដែលជាតំបន់ជាប់ព្រំដែនថៃនឹងជាកន្លែងសមរភូមិដ៏ក្ដៅគគុកបច្ចុប្បន្ននេះ ប្រែក្លាយទៅជាតំបន់ដែលទាហានឈរជើងនិងជាកន្លែង ទេសចរណ៍មួយដ៏គួរឲ្យទាក់ទាញសម្រាប់ភ្ញៀវ មកពីបណ្ដាខេត្តផ្សេងៗតែងតែទៅទស្សនាកម្សាន្តនៅរដូវពេលបុណ្យទានឬក៏ជាថ្ងៃឈប់សៅរ៍ថ្ងៃអាទិត្យ ជាក់ស្ដែង គម្រោង សាងសង់សាលាដំណាក់សាមគ្គីនេះផងដែរ គឺមានទីតាំងស្ថិតនៅច្រកផ្លូវឡើងលើភ្នំប្រាសាទតាមាន់សែនជ័យ ភូមិតាមាន់សែនជ័យ ឃុំ ឃុំគោកមន ស្រុកបន្ទាយអំពិលខេត្តឧត្តរមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្តមសេនីយ៍ត្រីនាក់វង្ស មេបញ្ជាការរងនិងជានាយសេនាធិការកងពលតូចថ្មើរជើងលេខ៤២បានបញ្ជាក់ប្រាប់ឲ្យដឹងនៅថ្ងៃទី០២ ខែកុម្ភៈ ឆ្នាំ២០២៣នេះថា ការផ្តួចផ្តើមកសាងសាលាដំណាក់តាមាន់សាមគ្គីនេះផងដែរ គឺធ្វើឡើងដើម្បីជាទីកន្លែងសម្រាប់បងប្អូនប្រជាពលរដ្ឋទូទៅមកដើរលេងកំសាន្តឡើងភ្នំប្រាសាទតាមាន់ហើយនៅពេលចុះមកវិញមានកន្លែងឈប់សម្រាក។

ម្យ៉ាងវិញទៀត ទីតាំងគម្រោងសាងសង់សាលាដំណាក់សាមគ្គីនេះជាកន្លែងយោធាដែលឈរជើងនៅទីនោះតាំងពីមានការប៉ះទង្គិចគ្នារវាងទ័ពខ្មែរនិងទ័ពសៀមកាលពីអំឡុងឆ្នាំ២០០៧នឹង២០០៨កន្លងមក។

ចំពោះការសាងសង់ធ្វើទីកន្លែងសាលាដំណាក់សាមគ្គីនេះ សម្រាប់មនុស្សម្នាទូទៅមកអង្គុយជាលក្ខណៈគ្រួសារឬក៏មានភ្ញៀវជាតិនិងអន្តរជាតិមកលេងកម្សាន្តម្ដងម្កាលផង ហើយតំបន់ប្រាសាទតាមាន់នេះដែរលោកមេបញ្ជាការរងកងពលតូចថ្មើរជើងលេខ៤២លោកនឹងរៀបចំបន្ថែមនៅខ្ចុះសម្រាប់លក់មុខម្ហូបអាហារផ្សេងឲ្យទីកន្លែងឈរជើងរបស់កងទ័ពទៅជាកន្លែងទេសចរណ៍មួយសម្រាប់ខេត្តឧត្តរមានជ័យនៅថ្ងៃអនាគត។

លោកបន្តថា ចំពោះការសាងសង់គម្រោងធ្វើសាលាដំណាក់សាមគ្គីដែរ ក៏មានការចូលរួមសហការចង្អុលបង្ហាញពីលោកឧត្តមសេនីយ៍ទោប៉ែនវ៉ូយមេបញ្ជាការកងពលតូចថ្មើរជើងលេខ៤២ដូចជា វិទ្យុអេប៊ីស៊ីនិងសប្បុរសជនជាច្រើននាក់ចូលរួមសាងសង់ដែលចំណាយទឹកប្រាក់ប្រមាណជាពីរម៉ឺនដុល្លារអាមេរិក។ ហើយការសាងសង់នេះទៀតសោតបើបងប្អូនជនរួមជាតិទាំងនៅក្នុងប្រទេសរឺប្រទេសចង់ចូលរួមជួយកសាងបន្ថែមតាមទឹកចិត្តសទ្ធាអាចទំនាក់ទំនងផ្ទាល់ទៅកាន់វិទ្យុABCរៀងរាល់ម៉ោងធ្វើការបាន។

សូមបញ្ជាក់ផងដែរថា គម្រោងសាងសង់សាលាដំណាក់សាមគ្គីនេះដែរ ជិតរួចរាល់មួយរយភាគរយហើយនៅរយ:ពេលដ៏ខ្លីនាថ្ងៃខាងមុខនេះហើយក្នុងនោះក៏មានបន្ទប់ទឹកស្អាត មានផាសុកភាពសុវត្ថិភាពព្រោះទីតាំងកន្លែងសាលាដំណាក់នោះមានទាហានឈរជើងការពារសន្តិសុខជាប់ជាប្រចាំ ហើយនិងជាទីកន្លែងសម្រាប់បងប្អូនប្រជាពលរដ្ឋបត់ដៃបត់ជើងនៅពេលដែលមកលេងកម្សាន្តនៅលើប្រាសាទតាមាន់សែននឹងថតរូបសែលហ្វីតាមសប្បាយផងដែរ៕

ដោយ ៖ ចាន់ ធី