ព័ត៌មានជាតិ

សូមប្រុងប្រយ័ត្ន ! មានជនខិលខូចមួយរូបដើរប្រាប់ថាម្ដាយរបស់ លោក ម៉ូវ ម៉ានិត ទទួលមរណភាព និងសុំលុយចូលបុណ្យ

បានផុស

៥ years មុន

នៅ

ថ្ងៃពុធ ១៣ មករា ២០២១

ដោយ

លោក ម៉ូវ ម៉ានិត អភិបាលខណ្ឌសែនសុខ ប្រកាសថ្កោលទោសជនខិលខូចមួយរូបដែលដើរសុំលុយតាមបណ្ដាទីតាំងលក់ដូផ្សេងៗ ដោយប្រាប់ថា យកទៅធ្វើបុណ្យម្ដាយលោកនៅខេត្តត្បូងឃ្មុំ។

ក្រោយពីឃើញដូចនេះលោក ម៉ូវ ម៉ានិត អភិបាលខណ្ឌសែនសុខ បានធ្វើការបដិសេធ និងបញ្ជាក់នៅលើហ្វេសប៊ុកផ្លូវការរបស់លោកយ៉ាងដូច្នេះថា «ខ្ញុំបាទ ម៉ូវ ម៉ានិត សូមធ្វើការបញ្ជាក់ជូនសាធារណជនមេត្តាជ្រាបថា នៅព្រឹកថ្ងៃទី១៣ ខែមករា ឆ្នាំ២០២១នេះ មានជនឆបោក បានប្រឌិតព័ត៌មានថា ម្តាយរបស់ខ្ញុំបានទទួលមរណភាព ហើយដើរតាមបណ្តាទីតាំងអាជីវកម្មនានា ក្នុងខណ្ឌសែនសុខ ដើម្បីសុំថវិកាចូលបុណ្យ»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខ្ញុំសូមធ្វើការថ្កោលទោសចំពោះជនដែលបានប្រឌិតព័ត៌មាននេះ ក្នុងន័យបោកប្រាស់ថវិកាពីសាធារណជន។ ជាមួយគ្នានេះ ខ្ញុំបានដាក់ពាក្យបណ្តឹងនៅអធិការដ្ឋាននគរបាលខណ្ឌសែនសុខ ដើម្បីចាប់ខ្លួនជនឆបោកនេះ មកទទួលទោសឲ្យខានតែបាន។

អាស្រ័យហេតុនេះ សូមសាធារណជនមេត្តាជ្រាប និងកុំចាញ់បោកបុគ្គលខាងលើនេះ។

ពាក់ព័ន្ធបញ្ហានេះ កម្ពុជាថ្មីបានធ្វើការទំនាក់ទំនងទៅលោក ម៉ូវ ម៉ានិត ដោយលោកបានបញ្ជាក់ថា ម្ដាយរបស់លោកមិនបានទទួលមរណភាពដូចអ្វីដែលជនខាងលើនេះលើកឡើងនោះទេ ហើយលោកក៏បានដាក់ពាក្យបណ្ដឹងទៅអធិការដ្ឋាននគរបាលខណ្ឌសែនសុខរួចហើយដែរ ដើម្បីស្រាវជ្រាវយកមកផ្ដន្ទាទោសតាមផ្លូវច្បាប់៕

Related Topics:ករណីឆបោក