ព័ត៌មានជាតិ
គ្រឿងចក្រចាប់ផ្តើមបញ្ជូនទៅស្ថាបនាផ្លូវចូលរមណីយដ្ឋានទន្លេបាទីឡើងវិញ
ក្រោយផ្អាកជាច្រើនខែ គ្រឿងចក្រត្រូវបានបញ្ជូនដើម្បីបន្តគម្រោងស្ថាបនាផ្លូវចូលទៅរមណីយដ្ឋានទន្លេបាទីឡើងវិញ។
អ្នកភូមិមានលំនៅនៅភូមិទន្លេបាទី ឃុំក្រាំងធ្នង់ដែលបានទាំងផ្ញើរូបភាពគ្រឿងចក្រកំពុងឈូសឆាយផងនោះបានឲ្យដឹងថា គ្រឿងចក្របានបញ្ជូនមកតាំងពីថ្ងៃ ១៥ កុម្ភៈនេះ។ ក្រោយធ្វើទុកចោលជាច្រើនខែបង្កការលំបាកដល់ការធ្វើដំណើរ អ្នកភូមិសង្ឃឹមថាផ្លូវនេះនឹងបន្តស្ថាបនាឲ្យចប់ចុងចប់ដើមមិនទុកចោលកណ្តាលទីទៀតទេ។
ផ្លូវចូលរមណីយដ្ឋានទន្លេបាទីបានផ្អាក ខណៈកន្លែងខ្លះទើបតែបានឈូសឆាយ និងកន្លែងខ្លះទៀតបានចាក់បេតុងមួយចំហៀង។ បើតាមអ្នកភូមិប្រាប់កម្ពុជាថ្មី ផ្លូវនេះផ្អាកក៏មិនដឹងមូលហេតុជាក់លាក់យ៉ាងណា គ្រាន់តែដឹងថាក្រោយក្រុមហ៊ុនឡេង ណាវ៉ាត់ត្រា ដកថយពីគម្រោងអភិវឌ្ឍដីឡូត៍នៅរមណីយដ្ឋានភ្នំតាម៉ៅ។
កាលពីខែ កុម្ភៈ ឆ្នាំ ២០២២ អាជ្ញាធរស្រុកបាទីបានជូនដំណឹងពីការស្ថាបនាផ្លូវខេត្តលេខ ១២០B ឆ្លងកាត់ភូមិទន្លេបាទី ភូមិថ្នល់ទក្សិណ ភូមិខ្នា និងភូមិត្បែង ឃុំក្រាំងធ្នង់ ជួសជុលពង្រីកដោយចាក់ក្រាលកៅស៊ូ (DBST) ប្រវែង ៤.៥៩០ម ចាប់ពីចន្លោះ គ.ម០៦+០០០ ដល់ គ.ម ១៣+៩៥០។
ក្នុងសេចក្តីជូនដំណឹងក៏ណែនាំបន្ថែមដល់ប្រជាពលរដ្ឋដែលមានសំណង់ប៉ះពាល់ ដែលបានសាងសង់រួចនិងកំពុងសាងសង់រំលោភចូលមកលើដីចំណីផ្លូវសាធារណៈ ត្រូវរុះរើនិងរំកិលយ៉ាងតិចឲ្យបាន ២០ ម៉ែត្រ ពីអ័ក្សផ្លូវសងខាង។
ផ្លូវចូលរមណីយដ្ឋានទន្លេបាទីជាបណ្តាញផ្លូវដ៏សំខាន់មួយតភ្ជាប់ពីផ្លូវជាតិលេខ ២ ដល់ផ្លូវជាតិលេខ ៣ មានប្រវែងជាង ២០ គីឡូម៉ែត្រ។ បច្ចុប្បន្នផ្លូវនេះមានការប្រើប្រាស់និងដឹកជញ្ជូនច្រើន ហើយតាមពីអ្នកភូមិប្រាប់មានរថយន្តធំៗបើកបរកាត់ជារៀងរាល់ថ្ងៃ ជាពិសេសរថយន្តដឹកសម្ភារៈទៅស្ថាបនាព្រលានយន្តហោះថ្មីនៅខេត្តកណ្តាល៕
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច១ សប្តាហ៍ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល