Connect with us

ព័ត៌មានជាតិ

មន្ទីរ​វប្បធម៌​ខេត្ត​ព្រះវិហារ សម្រុក​ចុះ​បញ្ជី​ដី​ធ្លី​តាម​ទីតាំងប្រាសាទ​​បុរាណ ការពារ​ការ​រំលោភ​ពី​ប្រជាពលរដ្ឋ

បានផុស

នៅ

មន្ទីរ​វប្បធម៌​ខេត្ត​ព្រះវិហារ បាន​កំពុង​សហការ​ជាមួយ​មន្រ្តី​មន្ទីរ​ដែនដី​ដើម្បី​ធ្វើការ​ចុះ​បញ្ជី​ដី​ធ្លី​ក្នុង​​តំបន់​ប្រាសាទ​បុរាណ ដើម្បី​ការពារ​ការ​ចូល​ទន្រ្ទាន​​កាន់កាប់​ពី​ប្រជាពលរដ្ឋ។

​លោក នៅ ចាន់គង់ ​ប្រធាន​មន្ទីរ​វប្បធម៌​ខេត្ត​ព្រះវិហារ​បាន​ប្រាប់​កម្ពុជា​ថ្មី​តាម​ទូរសព្ទ​នៅ​ព្រឹកនេះ​ថា អាជ្ញាធរ​បាន​សហការ​ជាមួយ​មន្ទីរដែន​ដីខេត្ត​ចុះ​បញ្ជី​កម្មសិទ្ធិ​លើ​ទីតាំង​ប្រាសាទ​បុរាណក្នុង​ខេត្ត​ ដើម្បីងាយស្រួល​​គ្រប់គ្រងចៀសវាង​កុំ​ឲ្យ​ពលរដ្ឋ​​​ចូល​ទន្រ្ទាន​កាន់កាន់ដែល​នាំ​ឲ្យប៉ះពាល់តំបន់​បុរាណដ្ឋាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក​បន្តថា រហូត​មក​ដល់​ពេលនេះ មន្ទីរ​បាន​ចុះ​បញ្ជី​កម្មសិទ្ធិ​ដីធ្លី​លើ​ទីតាំង​ប្រាសាទ​បាន​ចំនួន ៤០ កន្លែង ក្នុង​ចំណោម​ប្រាសាទ​ជាង ២០០ នៅ​ទូទាំង​ខេត្ត។ លោក​អះអាង​ថា កន្លងមក​មាន​ពលរដ្ឋ​បាន​ចូល​ទៅ​រុករាន​ដី​នៅ​តាម​តំបន់​ប្រាសាទ​បុរាណ ដែល​នាំ​ឲ្យ​ប៉ះពាល់​ទី​​បុរាណដ្ឋាន​។

«​ពិបាក​ពលរដ្ឋខ្វះដី​ចូលទៅ​​រុករានដីនៅ​តំបន់ប្រាសាទ ចឹង​បានមន្ទីរ​​សហការជាមួយ​មន្រ្តី​ដែនដីចុះ​​​វាស់វែង​ធ្វើ​​ប្លង់រឹង​​បើ​មាន​ការ​ទន្រ្ទានបាន​ន័យថា​គាត់​រំលោភច្បាប់ ហើយ​អាច​ប្តឹង​ឡើង​ទៅតុលាការ»។

លោកបន្តថា ក្រោយពេលអាជ្ញាធរ​បាន​ចុះបញ្ជី​ដីធ្លី​តាម​​ទីតាំង​ប្រាសាទ​មួយ​ចំនួន ថែម​ទាំង​​បោះ​បង្គោលព្រំកំណត់​ច្បាស់លាស់ថែម​ទៀតនោះ ពលរដ្ឋ​មិន​ហ៊ានចូលទៅ​រំលោភទៀតទេ។

លោក​បន្ត​ថា តាមច្បាប់នៅ​តំបន់​បុរាណដ្ឋាន​ត្រូវ​មាន​ចម្ងាយ ១,៥ គីឡូម៉ែត្រ​ជុំវិញ​មិន​អាច​ចូល​ទន្រ្ទានបានទេ។

លោក នៅ ចាន់គង់ បាន​បន្ថែម​ថា មន្ទីរនឹង​សហការ​​ជាមួយ​មន្រ្តី​ជំនាញ​ ដើម្បី​​ចុះ​​បញ្ជី​កម្មសិទ្ធិ​ដីធ្លី​តាម​​តំបន់ទីតាំងប្រាសាទ​ទូទាំង​ខេត្ត​​​បន្ត​រហូត​ដល់​បញ្ចប់​ទាំងស្រុង។

ខេត្ត​ព្រះវិហារ​មាន​សំណង់​ប្រាសាទ​បុរាណ​ចំនួន ២៤៨ ទីតាំង រាយប៉ាយ​គ្រប់​ស្រុក​។ ក្នុង​ចំណោម​ប្រាសាទ​ទាំង ២៤៨ នៅ​​រូបរាង​មាន​ជាង ៧០ ភាគរយ។

ប្រាសាទ​ព្រះវិហារ និង​ក្រុម​ប្រាសាទ​កោះ​កេរ មាន​ការ​ចាប់​អារម្មណ៍ច្រើន​​ពី​ភ្ញៀវ​ទេសចរ​ជាតិ​និង​អន្តរជាតិ។ ប្រាសាទ​ព្រះវិហារ​ត្រូវ​បាន​ចុះ​បញ្ជី​ជា​សម្បត្តិ​បេតិកភណ្ឌ​ពិភពលោក​របស់​អង្គការ​យូណេស្កូ​កាល​ពី​ឆ្នាំ ២០០៨។ ចំណែក​ក្រុម​​ប្រាសាទ​កោះ​កេរ រដ្ឋាភិបាល​ក៏កំពុងជំរុញ​ដើម្បី​ចុះបញ្ជី​របស់​អង្គការ​យូនេស្កូនៅពេល​ឆាប់ៗ​ខាងមុខ​ផងដែរ។

លោក នៅ ចាន់គង់ បាន​ឲ្យ​ដឹង​ថា ខេត្តព្រះវិហារ​មាន​ស្រុក​ចំនួន​ពីរ​បន្សល់ទុក​​ប្រាសាទ​បុរាណ​ច្រើន​ជាង​គេ​គឺ​ស្រុក​គូលែន និង​ស្រុក​ជាំ​ក្សាន្ត។ ស្រុក​គូលែន​ដែល​រួម​បញ្ចូល​ទាំង​តំបន់​ប្រាសាទ​កោះ​កេរ្តិ៍​មាន​ជាង ១០០ ប្រាសាទ ស្រុក​ជាំ​កម្សាន្ត​មាន​ជាង ៨០ ប្រាសាទ។ ចំណែក​បណ្ដា​ស្រុក​ផ្សេង​ទៀត​ក៏​មាន​ច្រើន​ដែរ ដូចជា​ស្រុក​ឆែប​មាន​ជាង ១០ ប្រាសាទ ស្រុក​ជ័យសែន​ជាង ១០ ប្រាសាទ ស្រុក​ត្បែង​មានជ័យ​ជិត ១០ ប្រាសាទ ស្រុក​សង្គម​ថ្មី​ជាង ៤០ ប្រាសាទ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

តំបន់​អា​រ៉ែ​ង ផ្តើម​មាន​ទំនប់​បង្ហៀរ​ឆ្លង​ដងស្ទឹង​ប្រវែង​ជិត​១០០​ម៉ែត្រ

ព័ត៌មានជាតិ៤ ម៉ោង មុន

ក្រសួងការងារ និងGIZ ចុះអនុស្សរណៈលើការអនុវត្តគម្រោងបណ្តុះបណ្តាលបច្ចេកទេស និងវិជ្ជាជីវៈ អាស៊ាន ស្វីស

សេចក្ដីជូនដំណឹង៥ ម៉ោង មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង៥ ម៉ោង មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ៥ ម៉ោង មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៤ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម