ព័ត៌មានជាតិ

ទិវាជំនាញហូកា ឆ្នាំ២០២៣ ចូលរួមលើកកម្ពស់ជំនាញវិជ្ជាជីវៈទេសចរណ៍នៅកម្ពុជា

បានផុស

៣ years មុន

នៅ

ថ្ងៃចន្ទ ២០ មីនា ២០២៣

ដោយ

គណៈកម្មការគ្រប់គ្រងគម្រោងហូកាក្រសួងទេសចរណ៍គ្រោងរៀបចំ «ទិវាជំនាញហូកា ឆ្នាំ២០២៣» (HoKa Skills Day 2023)» ក្រោមប្រធានបទ «ជំនាញវិជ្ជាជីវៈទេសចរណ៍ ជាអាយុជីវិតរបស់អ្នក» ដើម្បីលើកកម្ពស់ជំនាញវិជ្ជាជីវៈទេសចរណ៍នៅកម្ពុជា ដែលនឹងឡើងនៅថ្ងៃទី៣០ ខែមីនា ឆ្នាំ២០២៣ខាងមុខនេះ នៅសណ្ឋាគារ សុខា រ៉េស៊ីដង់ ភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោមកិច្ចសហប្រតិបត្តិការជាមួយកម្មវិធីអភិវឌ្ឍន៍ជំនាញនៃអង្គការ Swiss contact គណៈកម្មការគ្រប់គ្រងគម្រោង ហូកា ធ្វើឡើងដើម្បីបង្ហាញពីភាពជោគជ័យនៃការបណ្ដុះបណ្ដាលបដិសណ្ឋារកិច្ចសម្រាប់អ្នកជំនាញកម្រិតទាប គ្រូបង្គោល អ្នកវាយតម្លៃបង្គោល អ្នកគ្រប់គ្រង និងម្ចាស់អាជីវកម្មទេសចរណ៍នៅទូទាំង ១០ខេត្តគោលដៅទូទាំងប្រទេស។ ព្រមទាំងចែករំលែកបទពិសោធន៍នៃការអនុវត្តល្អៗ ដែលទទួលបានតាមរយៈកាលបណ្ដុះបណ្ដាល និងពង្រឹងសមត្ថភាព ដោយប្រើប្រាស់យន្តការ និងឯកសារបណ្ដុះបណ្ដាលបដិសណ្ឋារកិច្ចកម្ពុជា មានការទទួលស្គាល់ច្បាស់លាស់។

នៅក្នុងកម្មវិធី «ទិវាជំនាញហូកា ឆ្នាំ២០២៣» អ្នកជំនាញនឹងលើកយកប្រធានបទចំនួន ៣ មកពិភាក្សាមានដូចជា៖

១.ការទទួលស្គាល់គុណវុឌ្ឍិ និងវិថីអភិវឌ្ឍន៍ជំនាញសម្រាប់អ្នកជំនាញកម្រិតទាប
២.នវានុវត្តន៍ថ្មីៗ ដើម្បីភាពធន់នៃកម្លាំងពលកម្ម ក្នុងវិស័យ ទេសចរណ៍ ក្នុងនិងក្រោយវិបត្តិជំងឺកូវីដ-១៩
៣.ការចូលរួមរបស់វិស័យឯកជនក្នុងការអភិវឌ្ឍជំនាញរបស់យុវជនកម្ពុជា ដែលសម្របសម្រួល និងចែករំលែកដោយវាគ្មិន ជាតិ និងអន្តរជាតិ ដែលមានចំណេះដឹង និងបទពិសោធន៍ច្រើនឆ្នាំ លើកការអភិវឌ្ឍន៍ជំនាញរបស់យុវជន។

គួរបញ្ជាក់ផងថា តាមរយៈទិវាជំនាញហូកាឆ្នាំ២០២៣ ក៏នឹងបង្ហាញពីវិជ្ជាជីវៈជំនាញសំខាន់ៗក្នុងវិស័យទេសចរណ៍រួមមាន ជំនាញការរៀបចំតុអាហារស្តង់ដារ (Fine Dining Table Setup), បត់កន្សែង និងកម្រាល (Napkin Folding), លាយស្រា និងក្រឡុក (Cocktail), ឆុងកាហ្វេ (Barista-Hand brew and machine), សេវាកម្មស្រាទំពាំងបាយជូរ (Wine Services) និងជំនាញរៀបចំគ្រែ (Bed Making) ជាដើម៕

ដោយ៖ ថារី

Related Topics:ក្រសួងទេសចរណ៍