ព័ត៌មានជាតិ
សម្ដេចតេជោ ចង់ឱ្យមានការកែប្រែលក្ខខណ្ឌបំបែកឯតទគ្គកម្មពិភពលោក
សម្តេចតេជោ ហ៊ុន សែន នាយករដ្ឋមន្ត្រីកម្ពុជា មានបំណងចង់ឱ្យមានការកែប្រែលក្ខខណ្ឌបំបែកឯតទគ្គកម្មពិភពលោក ទាក់ទងទៅនឹងការកំណត់ចំនួនបំបែកឯតទគ្គកម្ម និងចំនួនអ្នកចូលរួម ដោយគិតជាភាគរយនៃចំនួនប្រជាជនសរុបនៃប្រទេស។
ថ្លែងក្នុងពិធីបើក ព្រឹត្តិការណ៍អង្គរសង្ក្រាន្ត ឆ្នាំ២០២៣ ដែលជាឆ្នាំទី១០ នៃព្រឹត្តិការណ៍អង្គរសង្ក្រាន្ត នៅព្រឹកថ្ងៃទី១៤ ខែមេសា ឆ្នាំ២០២៣នេះ សម្ដេចតេជោ បានបង្ហាញសេចក្ដីអបអរ ខណៈកម្ពុជាទើបកម្ពុជាបានបំបែកឯតទគ្គកម្មពិភពលោកមួយទៀត គឺ “បត់បេះដូងក្រដាសច្រើនជាងគេលើពិភពលោក” ចំនួនជិត ៤លាន គឺ ៣ ៩១៧ ៨០៥ បេះដូង ដោយបំបែកឯតទគ្គកម្មពិភពលោកចាស់ ពីចក្រភពអង់គ្លេស ដែលមានបេះដូងបត់ចំនួន ៥៣ ៧០៤ បេះដូង។
សម្ដេចតេជោ ហ៊ុន សែន លើកឡើងថា លទ្ធផលនេះ បង្ហាញពីចំណាប់អារម្មណ៍ ការចូលរួមរបស់ប្រជាពលរដ្ឋកម្ពុជាដ៏ច្រើន មានចាប់ពីអាយុ ៤ឆ្នាំ ដល់ ៨០ឆ្នាំ ក្នុងការបំបែកឯតទគ្គកម្មពិភពលោក ជូនជាតិមាតុភូមិ។
ជាមួយគ្នានេះ សម្ដេចតេជោ មានប្រសាសន៍ថា ប្រទេសមានប្រជាជនច្រើនអាចធ្វើបានច្រើនជាងកម្ពុជា ដែលសម្ដេចលើកឡើងថា គួរកំណត់ចំនួនអ្នកចូលរួម និងចំនួនបេះដូង តាមភាគរយនៃចំនួនប្រជាជនតាមប្រទេសនីមួយ ខណៈសហរដ្ឋអាមេរិក សាធារណរដ្ឋប្រជាមានិតចិន ឥណ្ឌូនេស៊ី ថៃ ជាដើមដែលមានប្រជាជនច្រើន។
សម្ដេចក៏មានក្ដីសង្ឃឹថា នៅថ្ងៃស្អែក កម្ពុជានឹងអាចបំបែកកំណត់ត្រាពិភពលោក ថ្មីមួយទៀត គឺ អ្នករាំម៉ាឌីហ្សុន ច្រើនជាងគេដែលមានចំនួន ៤ ៩៩៩នាក់ ខណៈកម្ពុជាធ្លាប់ទទួលាបានជោគជ័យម្ដងរួចទៅហើយ ក្នុងព្រឹត្តិការណ៍អង្គរសង្ក្រាន្តឆ្នាំ២០១៥ ដែលមានអ្នកចូលរួមចំនួន ២ ០១៥នាក់។
ឆ្លៀតក្នុងឱកាសនោះ សម្ដេចតេជោ បានកោតសរសេរ សហភាពសហព័ន្ធយុវជនកម្ពុជា (ស.ស.យ.ក) ដែលបានផ្ដួចផ្ដើម និងរៀបចំព្រឹត្តិការណ៍អង្គរសង្ក្រាន្ត ដែលទទួលបានផ្លែផ្កាគួរទីជាមោទនៈ និងសង្ឃឹមថាក្នុងឆ្នាំ២០២៤នេះ កម្ពុជានឹងអាចទទួលភ្ញៀវទេសចរអន្តរជាតិជាង ៤លាននាក់ ខណៈឆ្នាំមុនមានជាង ២លាននាក់។
គួរបញ្ជាក់ថា ព្រឹត្តិការណ៍អង្គរសង្ក្រាន្តនៅឆ្នាំ២០២៣នេះ ធ្វើឡើងក្រោមប្រធានបទ “ក្ដីស្រមៃ និងក្ដីសង្ឃឹម” ជាព្រឹត្តិការណ៍នៃការលើកយកនូវកេរតំណែលអរិយធម៌ វប្បធម៌ ទំនៀមទម្លាប់ និងស្នាដៃរបស់បុព្វបុរសខ្មែរមករំលេចឡើងជាផ្ទាំងទស្សនីយភាពវប្បធម៌ជាច្រើនដូចជា ល្បែងប្រជាប្រិយ របាំបុរាណ របាំប្រពៃណី និងរបាំប្រជាប្រិយ ការបង្ហាញពីជីវភាពរស់នៅរបស់ប្រជាជនកម្ពុជានៅតាមតំបន់ និងសិល្បៈទស្សនីយភាពជាច្រើនទៀត៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ