ព័ត៌មានជាតិ
សម្ដេចតេជោ ហ៊ុន សែន សុំអធ្យាស្រ័យអំពីបញ្ហាចូលទស្សនាពិធីបើក-ពិធីបិទព្រឹត្តិការណ៍ស៊ីហ្គេម និងការប្រកួតបាល់ទាត់
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានស្នើសុំការអធ្យាស្រ័យពីបងប្អូនជនរួមជាតិ អំពីបញ្ហាសំបុត្រចូលទស្សនាពិធីបើក-ពិធីបិទព្រឹត្តិការណ៍ស៊ីហ្គេម និងការប្រកួតកីឡាបាល់ទាត់ ដែលមានអ្នកចង់ចូលទស្សនាច្រើន តែពហុកីឡដ្ឋានរបស់យើងទទួលអ្នកចូលទស្សនាមានកម្រិត។
តាមរយៈសារជាសំឡេង នៅយប់ថ្ងៃទី ៣ ខែឧសភានេះ សម្ដេចតេជោ ហ៊ុន សែន បានឲ្យដឹងថា នៅសល់តែ ២ថ្ងៃទៀតប៉ុណ្ណោះ ព្រឹត្តិការណ៍កីឡាស៊ីហ្គេមលើកទី ៣២ ដែលប្រទេសកម្ពុជាធ្វើជាម្ចាស់ផ្ទះ នឹងចាប់ផ្ដើមជាផ្លូវការ។ ប៉ុន្តែមុនព្រឹត្តិការណ៍ជាផ្លូវចាប់ផ្ដើម មានការប្រកួតកីឡាមួយចំនួន ជាពិសេសគឺកីឡាបាល់ទាត់ និងវិញ្ញាសាមួយចំនួនទៀត បានប្រកួតខ្លះរួចហើយ។
ពាក់ព័ន្ធននឹងបញ្ហាសំបុត្រចូលទស្សនាពិធីបើក-ពិធីបិទព្រឹត្តិការណ៍ស៊ីហ្គេម និងការប្រកួតបាល់ទាត់ បានក្លាយជាប្រធានបទវែកញែកគ្នាក្នុងបណ្ដាញសង្គមហ្វេសប៊ុក។ ត្រង់ចំណុចនេះ សម្ដេចតេជោ ហ៊ុន សែន បានស្នើសុំការអធ្យាស្រ័យចំពោះបងប្អូនជនរួមជាតិ ដែលជាកត្តាជាក់ស្ដែងមិនអាចដោះស្រាយបាន ព្រោះពហុកីឡដ្ឋានរបស់កម្ពុជាមិនអាចដាក់មនុស្សរាប់ម៉ឺននាក់ឡើយ។
សម្ដេចតេជោ ហ៊ុន សែន ថ្លែងបែបនេះថា «ក្នុងចំណុចនេះ អនុញ្ញាតឲ្យខ្ញុំយកឱកាសនេះ សុំការអធ្យាស្រ័យពីសំណាក់បងប្អូនជនរួមជាតិជាទីស្រលាញ់ ព្រោះបញ្ហានេះវាជាកត្តាសត្យានុម័ត ដែលមិនអាចដោះស្រាយបាន ដោយសារតែស្ដាតយើង ស្ដាតចាស់អាចទទួលបានត្រឹមកម្រិត ៣, ៤ម៉ឺននាក់ ក្នុងពេលដែលមនុស្សចូលមើល ដែលចង់ចូលមើល ៣០ម៉ឺននាក់ ឬ ៥០ម៉ឺននាក់ ឯណោះ»។
សម្ដេចតេជោ ហ៊ុន សែន បានថ្លែងបន្តថា សម្រាប់ស្ដាតថ្មីដែលនឹងត្រូវធ្វើពិធីបើក និងពិធីបិទព្រឹត្តិការណ៍ស៊ីហ្គេម អាចទទួលមនុស្សត្រឹមតែ ៦ម៉ឺន ទៅ ៧ម៉ឺននាក់ តែមនុស្សចង់មើលអាចដល់កន្លះលាននាក់។ ដូច្នេះអ្នកដែលបានទទួលសំបុត្រចូលទស្សនា ពិតជាសប្បាយរីករាយ តែអ្នកមិនបានទទួលនឹងមិនសប្បាយចិត្តឡើយ ហើយពេលខ្លះមានការរិះគន់នៅលើបណ្ដាញសង្គមហ្វេសប៊ុកថែមទៀត។
សម្ដេចតេជោ ហ៊ុន សែន បានបញ្ជាក់ថា «យើងគ្មានជម្រើសឲ្យល្អជាងនេះទៀតទេ យើងមានទីធ្លាត្រឹមប៉ុណ្ណឹង កន្លែងយើងតូច ប៉ុន្តែមនុស្សចង់ចូលមើលច្រើន កន្លែងយើងតូច តែមនុស្សចង់ចូលរួមមានច្រើន ដូច្នេះយើងមិនអាចបំពេញចិត្តមនុស្សគ្រប់គ្នាបានទេ»៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង