ព័ត៌មានជាតិ
សម្ដេចតេជោ ហ៊ុន សែន ណែនាំឲ្យក្រសួងយកចិត្តទុកដាក់បណ្ដុះបណ្ដាលយុវជន សម្រាប់ជំនាញមរតកដូនតា
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា លើកឡើងថា រាជរដ្ឋាភិបាល នឹងចំណាយថវិកាទៅលើការបណ្ដុះបណ្ដាលយុវជន-យុវនារីក្រីក្រប្រមាណ ១លាន ៥សែននាក់ នាពេលខាងមុខនេះ។ ក្នុងនោះ រាជរដ្ឋាភិបាល ទុកជូនក្រសួងវប្បធម៌ និងវិចិត្រសិល្បៈ ដើម្បីបណ្ដុះបណ្ដាលធនធានមនុស្សមរតកដូនតាចំនួនពី ២ ទៅ ៤ភាគរយ។
ការលើកឡើងរបស់សម្ដេចតេជោ ហ៊ុន សែន ខាងលើនេះ បានធ្វើឡើងក្នុងពិធីសម្ពោធទីតាំងថ្មី នៃសាកលវិទ្យាល័យភូមិន្ទវិចិត្រសិល្បៈ ដែលស្ថិតក្នុងសង្កាត់ព្រែកលៀប ខណ្ឌជ្រោយចង្វា រាជធានីភ្នំពេញ និង ពិធីប្រគល់សញ្ញាបត្រជូនដល់និស្សិត នៃសាកលវិទ្យាល័យភូមិន្ទវិចិត្រសិល្បៈ នៅព្រឹកថ្ងៃទី ២៤ ខែឧសភា ឆ្នាំ ២០២៣។
សម្ដេចតេជោ ហ៊ុន សែន បានថ្លែងថា សម្រាប់ការបណ្ដុះបណ្ដាលជំនាញដល់យុវជន-យុវនារីក្រីក្រប្រមាណ ១លាន ៥សែននាក់នាពេលខាងមុខនេះ រាជរដ្ឋាភិបាល នឹងចេញថវិកា។ ក្នុងចំណោម ១លាន ៥សែននាក់នេះ គឺរាជរដ្ឋាភិបាលទុកជូនក្រសួងវប្បធម៌ និងវិចិត្រសិល្បៈ ដើម្បីបណ្ដុះបណ្ដាលធនធានមនុស្សមរតកដូនតាចំនួនពី ២ ទៅ ៤ភាគរយ។
សម្ដេចតេជោ ហ៊ុន សែន ថ្លែងបន្តថា «នេះគឺជាចំនួនមួយ ដែលសាកលវិទ្យាល័យ ក៏ដូចជាក្រសួងត្រូវយកចិត្តទុកដាក់សហការជាមួយក្រសួងការងារ បណ្ដុះបណ្ដាលវិជ្ជាជីវៈ និងផ្នែកពាក់ព័ន្ធដទៃទៀត ដើម្បីឲ្យការបណ្ដុះបណ្ដាលគេហៅថា មរតកដូនតា វាដើរទៅមុខ»។
សម្ដេចតេជោ ហ៊ុន សែន លើកឡើងដែរថា បញ្ហានេះមិនមែនជាបញ្ហាតូចតាចទេ ដោយសម្ដេចរំលឹកថា ប្រយ័ត្ន ៥០ ទៅ ១០០ឆ្នាំក្រោយ ក្មេងជំនាន់ក្រោយទទួលតំណពីអ្នកជំនាន់នេះ មិនត្រូវតាមក្បួនខ្នាត។ សម្ដេចតេជោ ហ៊ុន សែន ថ្លែងបន្តបែបនេះថា «ខ្ញុំសុំស្នើឲ្យមានការប្រុងប្រយ័ត្ន ជាពិសេសបញ្ហាបដិមា រូបចម្លាក់ផ្សេងៗ បើសិនជាធ្វើមិនត្រូវទេ គឺថា ថ្ងៃក្រោយវាមិនដឹងទៅជាស្អី»៕
-
ព័ត៌មានជាតិ១៨ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)