ព័ត៌មានជាតិ
រោងចក្រផលិតកម្មទឹកស្អាតជំហានទី១ តម្លៃ ១៥៦ លានដុល្លារ សម្ពោធជាផ្លូវការដើមសប្ដាហ៍ក្រោយ
រោងចក្រផលិតកម្មទឹកស្អាតបាក់ខែងជំហានទី១ តម្លៃ១៥៦លានដុល្លារ គ្រោងសម្ពោធដាក់ឱ្យប្រើប្រាស់ជាផ្លូវការនៅថ្ងៃទី ១៩ ខែមិថុនា ឆ្នាំ ២០២៣ ក្រោមអធិបតីភាពរបស់សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បន្ទាប់ពីបញ្ចប់ការសាងសង់រួចរាល់កាលពីមុន។

រោងចក្រទី១នេះ ប្រើពេលវេលាសាងសង់ជិត ៤ ឆ្នាំ ដែលមានសមត្ថភាពផលិតទឹកស្អាតបានប្រមាណ ១៩ ម៉ឺន ៥ ពាន់ម៉ែត្រគូប ក្នុងមួយថ្ងៃដែលបានជួយបំពេញតម្រូវការទឹកប្រើប្រាស់ទឹករបស់ប្រជាពលរដ្ឋនៅតំបន់ជាយរាជធានីភ្នំពេញ ខណៈរោងចក្របាក់ខែងជំហានទី ២ ក៏សម្រេចបានការសាងសង់ប្រមាណ ៩០ ភាគរយហើយដែរ។
លោក ឡុង ណារ៉ូ អគ្គនាយករដ្ឋាករទឹកស្វយ័តក្រុងភ្នំពេញបានថ្លែងប្រាប់សារព័ត៌មានកាលពីពេលថ្មីៗនេះថា បន្ទាប់ពីការដាក់ដំណើរការសាកល្បងរោងចក្រផលិតទឹកស្អាតបាក់ខែង ជំហ៊ានទី១ បានធ្វើឱ្យតំបន់ដែលតែងមានបញ្ហាកង្វះទឹកប្រើប្រាស់ ដូចជាខណ្ឌឫស្សីកែវ ស្វាយប៉ាក ទំបន់កប់ស្រូវ ឈូកវ៉ាជាដើម មានទឹកប្រើប្រាស់គ្រប់គ្រាន់។

រដ្ឋាករទឹកស្វយ័តក្រុងភ្នំពេញបានឱ្យដឹងថា នៅឆ្នាំ ២០២៣ តម្រូវការទឹកស្អាតនៅរាជធានីភ្នំពេញ មានការកើនឡើងប្រមាណ ៩០ ម៉ឺនម៉ែត្រគូប ក្នុងមួយថ្ងៃ ខណៈសមត្ថភាពផលិតបានប្រមាណ ៦៥ ម៉ឺនម៉ែត្រគូប ប៉ុន្តែពេលដាក់ឱ្យប្រើប្រាស់រោងចក្របាក់ខែងជំហានទី១នេះ សមត្ថភាពផលិតទឹកបានបង្កើនបន្ថែមជិត ២០ ម៉ឺនម៉ែត្រគូប ដែលធ្វើឱ្យរាជធានីភ្នំពេញ និងក្រុងតាខ្មៅ លែងមានបញ្ហាខ្វះទឹកប្រើប្រាស់។
លោក ផេង ទី អគ្គនាយករងផ្គត់ផ្គង់ទឹក នៃរដ្ឋាករស្វយ័តក្រុងភ្នំពេញប្រាប់កម្ពុជាថ្មីនៅថ្ងៃទី ១៥ ខែមិថុនា នេះថា នៅពេលដែលរោងចក្រផលិតកម្មទឹកស្អាតបាក់ខែងជំហានទី ១ និងជំហានទី២ រួចរាល់ ការផ្គត់ផ្គង់ទឹកស្អាតនៅរាជធានីភ្នំពេញ និងក្រុងតាខ្មៅនឹងពេញលេញ ១០០% លែងមានបញ្ហាខ្វះទឹកទៀតហើយ៕

អត្ថបទ៖ ឡេង ដេត

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ