ព័ត៌មានអន្ដរជាតិ
អ្នកស្លាប់ព្រោះភ្លៀងធ្លាក់ខ្លាំង៥ថ្ងៃជាប់គ្នានៅកូរ៉េខាងត្បូង កើនដល់ ១៤នាក់ និងបាត់ខ្លួន ១២នាក់
យ៉ាងហោចណាស់ មនុស្ស ១៤នាក់បានស្លាប់ និង ១២នាក់កំពុងបាត់ខ្លួន បន្ទាប់ពីភ្លៀងធ្លាក់ខ្លាំងរយៈពេល៥ថ្ងៃជាប់ៗគ្នា ដែលបង្កឲ្យមានបំណាក់ដី និងទឹកជំនន់ភ្លាមៗ នៅទូទាំងប្រទេសកូរ៉េខាងត្បូង។
យោងតាមការប្រកាសរបស់រដ្ឋាភិបាលកូរ៉េខាងត្បូងកាលពីថ្ងៃអាទិត្យទី២០ខែកក្កដា ការខូចខាតខ្លាំងបំផុតត្រូវបានរាយការណ៍នៅក្នុងទីក្រុង Sancheong ដែលមនុស្ស ៨នាក់បានស្លាប់ និង ៦នាក់បាត់ខ្លួន បន្ទាប់ពីផ្ទះរបស់ពួកគេត្រូវបានបំផ្លិចបំផ្លាញដោយសារបំណាក់ដី។
ការស្លាប់ចំនួន ៦នាក់ផ្សេងទៀត ស្ថិតនៅក្នុងតំបន់ផ្សេងៗទៀត ដូចជា ទីក្រុង Gapyeong ជាកន្លែងដែលមនុស្ស ២នាក់ត្រូវបានគេប្រទះឃើញថាបានស្លាប់ បន្ទាប់ពីផ្ទះមួយខ្នងបានដួលរលំ ព្រោះជំនន់ទឹកភ្លៀង ខណៈមនុស្ស ៦នាក់ទៀតនៅតែបាត់ខ្លួននៅទីក្រុង Gwangju, Osan និងតំបន់ជុំវិញ។
ក្រសួងមហាផ្ទៃ និងសុវត្ថិភាព បានរាយការណ៍ថា មនុស្សជាង ៣ ៨០០នាក់ ត្រូវបានជម្លៀសខ្លួនចេញ ហើយករណីខូចខាតហេដ្ឋារចនាសម្ព័ន្ធមានជិត ១ ៩២០ករណី ដូចជា ការខូចខាតផ្លូវថ្នល់ ការបាក់ទំនប់ទឹក និងការខូចខាតសម្ភារៈសាធារណៈ។
នេះគឺជារដូវក្ដៅលើកទីបីជាប់គ្នាហើយ ដែលកូរ៉េខាងត្បូងបានរងគ្រោះដោយសារភ្លៀងមូសុងខុសរដូវដ៏ខ្លាំងក្លា ដោយបង្កើនការព្រួយបារម្ភអំពីការត្រៀមខ្លួនរបស់ប្រទេសសម្រាប់គ្រោះមហន្តរាយដែលទាក់ទងនឹងអាកាសធាតុ។
លោកប្រធានាធិបតី Lee Jae-myung បានរៀបចំកិច្ចប្រជុំបន្ទាន់មួយកាលពីថ្ងៃសៅរ៍ ដោយបានសន្យាផ្តល់ជំនួយភ្លាមៗសម្រាប់គ្រួសារដែលរងផលប៉ះពាល់ និងបានសង្កត់ធ្ងន់លើតម្រូវការបន្ទាន់សម្រាប់ការកែលម្អប្រព័ន្ធឆ្លើយតបគ្រោះមហន្តរាយ។
អ្នកជំនាញអាកាសធាតុព្រមានថា ព្រឹត្តិការណ៍អាកាសធាតុធ្ងន់ធ្ងរបែបនេះកំពុងកើតមានកាន់តែខ្លាំងឡើង ដោយសារតែបម្រែបម្រួលអាកាសធាតុពិភពលោក ហើយបានអំពាវនាវឲ្យមានហេដ្ឋារចនាសម្ព័ន្ធប្រកបដោយនិរន្តរភាព និងប្រព័ន្ធព្រមានជាមុននៅទូទាំងប្រទេសកូរ៉េខាងត្បូង៕
ដោយ៖ ឈាង
ចុចអាន៖ ៤នាក់ស្លាប់ និងជាង ១ ៣០០នាក់ត្រូវជម្លៀសចេញ ដោយសារភ្លៀងធ្លាក់ខ្លាំងនៅកូរ៉េខាងត្បូង
-
សន្តិសុខសង្គម១ សប្តាហ៍ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៥ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៤ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៦ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ១ ថ្ងៃ agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ៤ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
ព័ត៌មានអន្ដរជាតិ២ ថ្ងៃ agoកូរ៉េខាងជើង ត្រៀមដាក់ពង្រាយកាំភ្លើងធំស៊េរីថ្មី នៅក្បែរព្រំដែន និងបង្អួតនាវាចម្បាំងខ្នាតយក្ស
-
ព័ត៌មានជាតិ១ ថ្ងៃ agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា