ជនកំសាកថៃ អួតខ្លួនថា វាយទាហានកម្ពុជាដើម្បីការពារទឹកដី, ចុះរត់ធ្វើអីបើក្នុងដីខ្លួនមែន?

ថ្លែងទៅកាន់ប្រព័ន្ធផ្សព្វផ្សាយថៃ ជនកំសាក Sommai ដែលថៃខំអះអាងថាជាអតីតទាហានស្ម័គ្រចិត្ត បានអួតក្តែងៗឲ្យគេដឹងឮថា ខ្លួនអត់ខុសទេ ខ្លួនវាយទាហានកម្ពុជាដើម្បីការពារទឹកដី ប៉ុន្តែសូមសួរទៅវិញថា បើក្នុងដីខ្លួនមែនចាំបាច់រត់ធ្វើអី? នេះបញ្ជាក់ថា ទីនោះជាទឹកដីរបស់កម្ពុជា។

ជនកំសាករូបនេះនិយាយថា៖ «ខ្ញុំអត់ខុសទេ! ខ្ញុំធ្វើដើម្បីការពារទឹកដី ទោះខ្ញុំអាយុ៦០ឆ្នាំ តែខ្ញុំនៅតែអាចវ៉ៃបាន»។

ជនកំសាករូបនេះនិងប្រុសកំសាកថៃម្នាក់ទៀត បានលួចវាយទាហានកម្ពុជានៅប្រាសាទតាមាន់ធំ ហើយរត់គេចខ្លួន ប៉ុន្តែបែរជាត្រូវពលរដ្ឋថៃមួយចំនួនលើកតម្កើងទៅជាវិរបុរសទៅវិញ។ 

ជុំវិញរឿងនេះ កងទ័ពជើងគោកថៃ ចេញសេចក្តីថ្លែងការណ៍បដិសេធថាមិនមែនទាហានឈុតខ្មៅ ទាំងដែលវីដេអូស្តែងឃើញយ៉ាងច្បាស់ ចំណែកឯសារព័ត៌មានក៏ស្ងាត់មិនហ៊ានផ្សាយខ្លាំងដែរ។ 

ក្រោយមក សារព័ត៌មាន Thairath បានចុះផ្សាយដោះសារយ៉ាងហួសចិត្តថា ជនកំសាក Sommai គឺវាយទាហានកម្ពុជា ដោយច្រឡំថាជាទាហានម្នាក់ទៀតដែលចង្អុលមុខទាហានថៃកាលពីប៉ុន្មានថ្ងៃមុន។ 

Thairath បានចេញផ្សាយនៅថ្ងៃអង្គារទី១៥ខែកក្កដាឆ្នាំ២០២៥ថា ក្នុងនាមជាអ្នកទេសចរមិនមែនទាហានឈុតខ្មៅនៅប្រាសាទតាមាន់ធំរបស់កម្ពុជា, Sommai និងជនកំសាកម្នាក់ទៀត បានវាយទាហានកម្ពុជាច្រឡំមនុស្ស ព្រោះតែរូបរាងនិងភិនភាគស្រដៀងគ្នាទៅនឹងទាហានម្នាក់ទៀត៕

អត្ថបទ៖ សុខ សុវណ្ណ