ចេះហាមាត់ទៅរួច! ទេសចរខ្មែរទៅលេងប្រាសាទខ្មែរ តែមេភូមិភាគ២ថៃ សុំឲ្យគោរពច្បាប់ថៃ

ដោយមើលឃើញពីកម្លាំងសាមគ្គីរបស់ខ្មែរ ជាមួយនឹងសន្ទុះភ្លៀងទេសចរទៅលេងប្រាសាទតាមាន់ធំរបស់ខ្មែរយ៉ាងភ្លូកទឹកភ្លូកដីនោះ ធ្វើឲ្យមេភូមិភាគ២ថៃនៅមិនសុខ ហើយថែមទាំងនិយាយដោយមិនខ្មាសមាត់ថា សូមទេសចរខ្មែរគោរពច្បាប់ថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មេភូមិភាគ២ថៃ Boonsin Padklang បានអំពាវនាវឲ្យទេសចរទៅលេងប្រាសាទតាមាន់ធំ ត្រូវគោរពច្បាប់ថៃ ដោយរក្សាសណ្តាប់ធ្នាប់និងកុំបង្ករឿងអ្វីឲ្យសោះ។

មិនត្រឹមប៉ុណ្ណឹង មេភូមិភាគ២រូបនេះ ថែមទាំងហ៊ានគំរាមទៀតថា បើទេសចរបង្កចលាចល មន្ត្រីខ្លួននឹងឆ្លើយតប រាប់ចាប់ពីការព្រមានទៅដល់ការចាត់វិធានការធ្ងន់ធ្ងរ បើចាំបាច់។

សម្តីរបស់ Boonsin ហាក់ដូចជានិយាយមកមិនចេះខ្មាសមាត់សោះ ព្រោះថា ប្រាសាទតាមាន់ធំគឺជារបស់ខ្មែរ ស្ថិតនៅក្នុងដែនអធិបតេយ្យរបស់កម្ពុជា ហេតុអ្វីបានជាត្រូវគោរពច្បាប់ថៃទៅវិញ។

Boonsin តែងបង្ហាញចរិតឈ្លានពានកម្ពុជា ចង់បានទឹកដីខ្មែរ ហើយសូម្បីតែរដ្ឋាភិបាលថៃរបស់ខ្លួននោះ ក៏មេភូមិភាគ២រូបនេះ ប្រកាសក្តែងៗថា លែងរង់ចាំស្តាប់បញ្ជាទៀតដែរ។

តាមពិតទៅរឿងទេសចរនេះ គួរតែខ្មែរប្រាប់ទៅថៃបានត្រូវ ព្រោះប្រាសាទគឺជារបស់ខ្មែរ ហើយម្យ៉ាង ហេតុការណ៍ថ្មីៗបង្កភាពអាម៉ាស់ដល់ថៃ គឺជនកំសាកដែលខ្លួនអះអាងជាទេសចរ បានលួចវាយទាហានកម្ពុជា រួចរត់បាតជើងសព្រាត។

យ៉ាងណា សូមសរសើរដល់ទឹកចិត្តវីរកងទ័ពរបស់កម្ពុជា ដែលរក្សាបាននូវភាពអត់ធ្មត់និងថ្លៃថ្នូរ ស្តាប់មេបញ្ជាការ មិនធ្វើទង្វើថោកទាបដូចថៃ៕

អត្ថបទ៖ សុខ សុវណ្ណ

ចុចអាន៖ ហួសចិត្ត! ថៃ រកឃើញមីនថ្មីថែមទៀតលើដីខ្លួនឯង តែបែរជាស្នើឲ្យអាស៊ានមកថ្កោលទោសកម្ពុជា ទៅវិញ