ព័ត៌មានជាតិ

ភរិយាមន្ត្រីពន្ធនាគារខេត្តបានទទួលប្រាក់ឧបត្ថម្ភរបស់សមាគមហើយ ក្រោយមានអន្តរាគមន៍

បានផុស

៥ years មុន

នៅ

ថ្ងៃអង្គារ ២៦ មករា ២០២១

ដោយ

ករណីមន្ត្រីពន្ធនាគារខេត្តកំពង់ឆ្នាំងម្នាក់ដែលបានទទួលមរណៈភាពជាង៣ខែមិនបានទទួលប្រាក់ពីសមាគម បន្ទាប់ពីមានការអន្តរាគមន៍របស់អគ្គស្នងការនគរបាលជាតិ នៅព្រឹកថ្ងៃទី២៥ ខែមករា ឆ្នាំ២០២១ នេះមន្ត្រីហិរញ្ញវត្ថុសាលាខេត្តកំពង់ឆ្នាំងបានបើកប្រាក់ឧបត្ថម្ភរបស់សមាគមជូនភរិយាមន្ត្រីពន្ធនាគារខាងលើហើយ។ ដោយឡែកក៏មានឯកឧត្តម និងលោកជំទាវនៅក្នុងគណបក្សប្រជាជនកម្ពុជា បាននាំយកថវិកាជាអំណោយមួយចំនួនទៀតឧបត្ថម្ភដោយផ្ទាល់ដល់មូលដ្ឋានជូនគ្រួសារមន្ត្រីពន្ធនាគារខាងលើ ដែលកំពុងខ្វះខាតជីវភាពផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី វង្ស សុវណ្ណារី អាយុ៦០ឆ្នាំ ជាភរិយាលោកវរសេនីយ៍ទោ ពេជ្រ សុខ ជាមន្ត្រីពន្ធនាគារខេត្តកំពង់ឆ្នាំងដែលមានទីលំនៅក្នុងភូមិដំណាក់ពពូល សង្កាត់កំពង់ឆ្នាំង ក្រុងកំពង់ឆ្នាំង នៅល្ងាចថ្ងៃទី២៥ ខែមករានេះ បាននិយាយឲ្យដឹងថា បន្ទាប់ពីមានការជួយផ្សព្វផ្សាយរបស់អ្នកសារព័ត៌មានទាក់ទងនឹងប្ដីរបស់លោកស្រីបានទទួលមរណភាពជាង៣ខែហើយ មិនទាន់ទទួលបានប្រាក់ឧបត្ថម្ភពីសមាគមនៅឡើយនោះ និងបន្ទាប់ពីមានការជួយអន្តរាគមន៍ពីអគ្គស្នងការនគរបាលជាតិ នៅម៉ោង១០និង៣០នាទីព្រឹកថ្ងៃទី២៥ ខែមករានេះលោកស្រីត្រូវបានមន្ត្រីហិរញ្ញវត្ថុសាលាខេត្តកំពង់ឆ្នាំងហៅឲ្យទៅបើកប្រាក់ឧបត្ថម្ភរបស់សមាគមមន្ត្រីរាជការ ពន្ធនាគាររួចហើយចំនួន៤លានកន្លះសម្រាប់ឧបត្ថម្ភបុណ្យសពលោក ពេជ្រ សុខ ជាស្វាមី ។

លោកស្រីបានបញ្ជាក់ទៀតថា ជាមួយគ្នានេះដែរនៅរសៀលថ្ងៃទី២៥ ខែមករានេះដែរក្រុមការងារឯកឧត្តម ឌីវិជ្ជា និងលោកជំទាវហ៊ុនម៉ាណា ជាមន្ត្រីរបស់គណបក្សប្រជាជនកម្ពុជា ក៏បាននាំយកនូវអំណោយសប្បុរសរបស់ឯកឧត្តមនិងលោកជំទាវនូវថវិកាចំនួន៥លានរៀល និងភេសជ្ជៈមួយចំនួនទៀត មកឧបត្ថម្ភជូនលោកស្រីដោយផ្ទាល់នៅដល់គេហដ្ឋានក្នុងភូមិដំណាក់ពពូល សង្កាត់កំពង់ ឆ្នាំងក្រុងកំពង់ឆ្នាំង ។

ពេលទទួលបានប្រាក់ឧបត្ថម្ភគោលរបបសមាគមដល់គ្រួសារសពនិងប្រាក់ឧបត្ថម្ភរបស់ឯកឧត្តម និងលោកជំទាវខាងលើនេះ លោកស្រី វង្ស វណ្ណារី និងកូនចៅក្នុងក្រុមគ្រួសារសូមគោរពថ្លែងអំណរគុណយ៉ាងជ្រាលជ្រៅដល់ ឯកឧត្តមអគ្គស្នងការនគរបាលជាតិ ឯកឧត្តម ឌីវិជ្ជា និងលោកជំទាវ ហ៊ុនម៉ាណា ឯកឧត្តមអភិបាលខេត្តកំពង់ឆ្នាំងយ៉ាងជ្រាលជ្រៅ ដោយសូមគោរពជូនពរឯកឧត្តមនិងលោក ជំទាវសូមទទួលបានជ័យជម្នះគ្រប់ការងារ ភារកិច្ច ដែលប្រមុខរាជរដ្ឋាភិបាលប្រគល់ជូន និងសូមទទួលបានសេចក្ដីសុខ គ្រប់ប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ៕

អត្ថបទ ៖ ឈៀង ថារិទ្ធ

Related Topics:ខេត្តកំពង់ឆ្នាំង

ព័ត៌មានជាតិ៧ ថ្ងៃ ago

ថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ

ព័ត៌មានអន្ដរជាតិ៥ ថ្ងៃ ago

អង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ

ព័ត៌មានជាតិ១ សប្តាហ៍ ago

ក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា