Connect with us

ព័ត៌មានជាតិ

កសិករនៅស្រុកសេសានដាំបន្លែ និងចិញ្ចឹមសត្វមានទីផ្សារល្អ

បានផុស

នៅ

កសិករក្នុងស្រុកសេសាន ខេត្តស្ទឹងត្រែងដាំបន្លែបង្កា និងចិញ្ចឹមសត្វមានទីផ្សារបញ្ជាទិញច្រើននៅឆ្នាំ២០២៣នេះ ហើយអាជ្ញាធរស្រុកបានលើកទឹកចិត្តឱ្យកសិករបង្កើនការដាំដុះ និងចិញ្ចឹមសត្វបន្ថែមទៀត ដើម្បីបង្កើនប្រាក់ចំណូលក្នុងជីវភាពរស់នៅប្រចាំថ្ងៃ។

លោក សុវណ្ណ ពិសេដ្ឋ អភិបាលស្រុកសេសានបញ្ជាក់ថា៖ កត្តានេះបានជំរុញឱ្យកសិកររៀបចំផែនការដាំដុះបន្លែបង្កា និងចិញ្ចឹមសត្វ ជ្រូក មាន់ ទា ដែលជាមុខរបររួមផ្សំមួយបន្ថែមទៀត បន្ទាប់ពីការងារធ្វើស្រែចម្ការ ព្រោះបើយើងពឹងផ្អែកទៅលើកការទៅរកបន្លែផ្លែឈើពីព្រៃមក និងការចុះទូកទៅនេសាទ វាមិនស្ថិតថេរបានតាមតម្រូវការដែលចង់បានទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបន្តថា៖ បងប្អូននៅតាមបណ្តាឃុំ ធ្លាប់ទទួលបានការបណ្តុះបណ្តាលបច្ចេកទេសពីអង្គការដៃគូ និងមន្ត្រីជំនាញផ្នែកកសិកម្មជួយបង្ហាត់បង្រៀនរួចមកហើយ ចំណែកកសិករខ្លះទទួលបានគ្រប់ពូជបន្លែបង្កាសម្រាប់យកទៅដាំដុះផងដែរ ហើយក្នុងនាមរដ្ឋបាលស្រុក សំណូមពរឲ្យបងប្អូន ទី១គឺប្រើប្រាស់ឲ្យអស់សក្តានុពលដី ទី២ការដាំដុះបន្លែបង្កាកុំដាំដុះ តាមដែលយើងចង់ដាំ គឺដាំតាមស្ថានភាពទីផ្សារដែលចង់បាន ឧទាហរណ៍ថា រដូវដាំសាឡាត់ មួយភូមិមួយស្រុកដាំតែសាឡាត់ អញ្ចឹងក៏ធ្វើឲ្យទីផ្សារចាល់តែម្តង គឺលើសពីតម្រូវការដែលគាត់ចង់បាន អញ្ចឹងសូមដាំដំណាំទាំងឡាយណា ដែលបងប្អូនប្រជាជន ឬ អាជីវករគាត់ចង់បាន។

លោកស្រី ថន ឡូវ កសិករដំាបន្លែនៅឃុំសាមឃួយបានបញ្ជាក់ថា៖ ការដាំបន្លែបង្កា ចិញ្ចឹមសត្វ ជាលក្ខណៈគ្រួសារនេះ មិនអាចបំពេញតម្រូវការទីផ្សារដែលចង់បានទេ ព្រោះពួកគាត់ដំាដុះគ្រាន់តែបរិភោគ ហើយនៅសល់ទើបយកទៅលក់តែប៉ុណ្ណោះ។

លោកស្រីមានបំណងចង់ពង្រីកមុខរបរកសិកម្មឱ្យបានធំដុំនិងគេដែរ តែគ្មានលទ្ធភាព  ព្រោះប្រាក់ចំណូលបានពីលក់បន្លែបង្ការមក គ្រាន់តែដោះស្រាយជីវភាពប្រចាំថ្ងៃ ចំណែកសម្ភារៈពង្រីកការដាំដុះនៅខ្វះខាតនៅឡើយ។

លោកស្រីចង់បានអាផ្ទះគេដាក់សំណាញ់និងណាស់ ហើយនិងទុយោអី ព្រោះថវិកាក៍តិច ដាក់នៅទីនោះរហូតមក កែច្នៃទៅបានម្ដងបន្តិចម្ដងបន្តិច ចង់បានផ្ទះនឹងគេ ឃើញអង្គការគាត់មកជូយ ឃើញគេបាន ចង់បានដែរ តែអត់ហ៊ានសុំ ខំធ្វើខ្លួនឯង ខ្ញុំខំបញ្ចេញសមត្ថភាពប៉ុន្មាន ឱ្យគាត់មើលឃើញព្រោះឃើញគាត់ជិះឡានរហូត ឱ្យគាត់មកជួយផង។

លោកស្រីខាវខាំអនមេឃុំសាមឃួយបានបញ្ជាក់ថា៖ដំណោះស្រាយនេះកន្លងមកមន្ត្រីអង្គការដៃគូ និងមន្ត្រីគម្រោងសវប្បកម្ម កម្ពុជានៃមន្ទីរកសិកម្ម  ចុះមកពិនិត្យនិងវាយតម្លៃកសិករ ដាំបន្លែជាអាជីព។

លោកស្តីថា៖ការវាយតម្លៃ នេះគឺកសិករមានដី មានប្រភពទឹក និងមានកម្លាំងពលកម្មគ្រប់គ្រាន់ ទើបផ្តល់ផ្ទះសំណាញ់ឱ្យព្រោះកន្លងមកមានកសិករមួយចំនួន ទទួលបានផ្ទះសំណាញ់ហើយ ទុកចោលមិនបានដាំដុះតាមការណែនាំទេ។

សូមបញ្ចាក់ថា៖ នៅក្នុងឃុំសាមឃួយមានកសិករប្រមាណ៨៥%បន្ទាប់ពីធ្វើស្រែចំការបានដាំបន្លែបង្ការនិងចិញ្ចឹមសត្វជាលក្ខគ្រួសារ ក្រៅពីនោះប្រកបរបរលក់ដូរ រកប្រាក់ចំណូលសម្រាប់ដោះស្រាយជីវភាព ដែលជាផ្នែកមួយបានកាត់បន្ថយ ទៅលើការពឹងផ្អែកផលអនុផលព្រៃឈើនិងការចុះទូកធ្វើនេសាទដែលនាំឱ្យមានហានីភ័យខ្ពស់៕

អត្ថបទ៖ ងិន លីម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ នាទី មុន

ក្មេង​ជិត ២ពាន់​នាក់ ស្លាប់​រៀងរាល់​ថ្ងៃ ដោយ​សារ​ការ​បំពុល​ខ្យល់

ព័ត៌មានជាតិ២៩ នាទី មុន

អភិបាលខេត្តប៉ៃលិន ជំរុញការដាំដើមក្ងោកតាមដងផ្លូវដើម្បីទាក់ទាញទេសចរណ៍ និងសោភ័ណ្ឌភាពក្នុងខេត្ត

ព័ត៌មានអន្ដរជាតិ១ ម៉ោង មុន

តៃវ៉ាន់ ថា ខ្លួន​រៀនសូត្រ​ពី​អ៊ុយក្រែន ទប់ស្កាត់​ការ​ឈ្លានពាន​ពី​បរទេស

សេដ្ឋកិច្ច១ ម៉ោង មុន

ការ​នាំ​ចេញ​ថៃ​ កើន​ឡើង​ជាង​ ៧ ភាគរយ​ ដល់​ ២៦,២២ ប៊ីលាន​ដុល្លារនៅ​ខែ​ឧសភា​ ​

ព័ត៌មានជាតិ១ ម៉ោង មុន

ឯកឧត្ដម ហ៊ុន ម៉ានី ៖ គណៈកម្មាធិការគណបក្សក្រសួងមុខងារសាធារណៈ បានរួមចំណែក​យ៉ាងធំធេង អនុវត្តគោលនយោបាយគណបក្សប្រជាជនកម្ពុជា

ព័ត៌មានជាតិ២២ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ២០ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ២៤ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

សេដ្ឋកិច្ច២៤ ម៉ោង មុន

ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត

ព័ត៌មានជាតិ១៨ ម៉ោង មុន

ន.ប.ប.ប បំភ្លឺថា  ឃើញស្ងាត់ៗមិនមែនមិនធ្វើការទេ ហេតុដែលស្ងាត់ៗពេលស៊ើបការ ព្រោះខ្លាចបាត់តម្រុយជនល្មើស

Sokha Hotels

ព័ត៌មានពេញនិយម