ព័ត៌មានជាតិ

មន្ត្រីជំនាញចុះពិនិត្យទីតាំងដែលក្របីងាប់២០ក្បាល ពេលនេះដឹងមូលហេតុហើយ

បានផុស

៣ years មុន

នៅ

ថ្ងៃចន្ទ ៧ សីហា ២០២៣

ដោយ

កំពង់ចាម ៖ នៅព្រឹកថ្ងៃទី៧ ខែសីហា ឆ្នាំ២០២៣ លោក ហាន កុសល អភិបាលរងនៃគណៈអភិបាលខេត្តកំពង់ចាម បានដឹកនាំក្រុមការងារចុះពិនិត្យទីតាំងកើតហេតុ ពីករណីក្របីផ្អើលជាន់គ្នាលង់ទឹកងាប់២០ក្បាល កាលពីថ្ងៃទី៦ ខែសីហា ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមព័ត៌មានពីប្រជាពលរដ្ឋជាម្ចាស់ក្របី និងអ្នកស្រង់ក្របីបានឲ្យដឹងថា ប្រជាពលរដ្ឋបានប្រលែងក្របីចូលគ្នាជាហ្វូងប្រហែលចំនួន៣៤៨ក្បាលឱ្យស៊ីស្មៅនៅចុងព្រែក ក្នុងស្រុកកងមាស ប៉ុន្តែដោយសារប៉ុន្មានថ្ងៃនេះ ទឹកទន្លេចាប់ផ្តើមឡើងលឿន ធ្វើឲ្យទឹកហូរចូលព្រែក និងវាលស្រែនៅទីនោះ ជាហេតុធ្វើឲ្យម្ចាស់ក្របីនាំគ្នាទៅកៀងក្របីមកផ្ទះវិញដោយឆ្លងទឹកព្រែកអន្ទង់អាំង មកទីទួលនៅភូមិចាំនាង និងភូមិផ្តៅជុំកើត ឃុំផ្តៅ ស្រុកជើងព្រៃ ដែលមានព្រំប្រទល់ជាប់ជាមួយស្រុកកងមាស។

ចំពោះមូលហេតុនៃការងាប់ក្របីវិញ បើយោងតាមម្ចាស់ក្របីដែលចុះទៅស្រង់ក្របីងាប់នៅកន្លែងកើតហេតុអាចសន្និដ្ឋានបានថា ក្របីងាប់ គឺដោយសារ ការផ្អើលចុះទឹកប្រសេចប្រសាច និងគ្មានការមើលខុសត្រូវរបស់ម្ចាស់ក្របី ធ្វើឲ្យក្របីរត់ចុះទឹកជាន់គ្នាជាបន្តបន្ទាប់។

ក្របីភាគច្រើនដែលងាប់ ជាប់ជើងនឹងវល្លិ៍ ហើយឈ្លក់ទឹក មកដល់ពេលនេះមានក្របីងាប់ចំនួន ២០ក្បាលហើយ ក្នុងនោះ៤ក្បាលជារបស់ប្រជាពលរដ្ឋរស់នៅភូមិចាំនាង និង១៥ក្បាលទៀតជារបស់ប្រជាពលរដ្ឋរស់នៅភូមិផ្តៅជុំកើត និង១ក្បាលជារបស់ប្រជាពលរដ្ឋនៅភូមិឈើទាល ឃុំផ្តៅជុំ ស្រុកជើងព្រៃ ខេត្តកំពង់ចាម។

តាមការសន្និដ្ឋានថា របស់មន្ត្រីជំនាញ គឺទឹកទន្លេមិនមែនជាមូលហេតុនៃការពុលទេ ព្រោះសត្វពាហនៈផ្សេងទៀត មិនរងផលប៉ះពាល់ឡើយ និងតាមការបញ្ជាក់ពីមន្ត្រីជំនាញពេទ្យសត្វក៏គ្មានជំងឺអ្វីកើតឡើងដែរ៕

អត្ថបទនិងរូបភាព ៖ ឡេក ចាន់ពេជ្រ

Related Topics:គោ/ក្របី មន្ត្រីជំនាញ

ព័ត៌មានអន្ដរជាតិ២២ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា