ម្ចាស់លើប្រភេទអចលនទ្រព្យណាខ្លះ ត្រូវរ៉ាប់រងលើការបង់ពន្ធ?

យោងតាម​ច្បាប់​ពន្ធ​អចលនទ្រព្យ​កម្ពុជា​ ដី ផ្ទះ និង​សំណង់​នានា​ ដែល​សាងសង់​ភ្ជាប់​ជាមួយ​ដី​ ក្នុងក្រុង និងទីរួមខេត្ត ដែលមានតម្លៃលើសពី ១០០.០០០.០០០ (មួយរយលានរៀល) នៅទូទាំងប្រទេស គឺត្រូវជាប់ពន្ធ ដែលនេះជាការអនុវត្តការប្រមូល​ពន្ធក្នុងជំហ៊ានដំបូង មានចាប់តាំងពីឆ្នាំ២០១១ មកម្ល៉េះ។ នេះបើតាមសារាចរណែនាំ ស្តីពីការអនុវត្តប្រមូលពន្ធលើអចលនទ្រព្យ លេខ ០១៥ សហវ អពដ ឆ្នាំ២០១១ របស់ក្រសួងសេដ្ឋកិច្ច និងហិរញ្ញវត្ថុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមក្រសួងសេដ្ឋកិច្ច និងហិរញ្ញវត្ថុ ពន្ធលើអចលនទ្រព្យ ត្រូវប្រមូលប្រចាំឆ្នាំតាមអត្រាគឺ ០,១ភាគរយ លើមូលដ្ឋាន គិតពន្ធ ៨០% នៃតម្លៃអចលនទ្រព្យសរុប (តម្លៃដី និងតម្លៃសំណង់)។ ការគណនាពន្ធនេះទៀតសោត គឺផ្អែកទៅតាមអាយុកាលនៃសំណង់ ដែលកំណត់ដោយក្រសួងសេដ្ឋកិច្ច និងហិរញ្ញវត្ថុ។

• អាយុកាលសំណង់ : ត្រូវគិតចាប់ពីឆ្នាំដែលសំណង់សាងសង់រួចរាល់។
• សំណង់ឥដ្ឋបេតុង : សំដៅដល់សំណង់ដែលមានប្លង់សេ។

បើនិយាយឱ្យងាយយល់ ដើម្បីស្វែងរកមូលដ្ឋានបង់ពន្ធ គឺយក (តម្លៃអចលនទ្រព្យ x ៨០%) – ១០០.០០០.០០០​ រៀល​។ ហើយដើម្បីរកប្រាក់ពន្ធ គឺយក មូលដ្ឋានគិតពន្ធ x ០,១% ។ អានលម្អិត

គួរឱ្យដឹងដែរថា ​អចលនទ្រព្យ​មួយចំនួន​ដូចជា​ ដី​កសិកម្ម ដី​កម្មសិទ្ធិ​របស់​រដ្ឋ ដី​កម្មសិទ្ធិ​របស់​ស្ថានទូត ដី​កម្មសិទ្ធិ​របស់ ​អង្គការក្រៅរដ្ឋាភិបាល អង្គការ​សាសនា និង​អង្គការ​សប្បុរសធម៌ជាដើម​ ​ត្រូវបាន​លើកលែង​ មិន​តម្រូវ​ឱ្យបង់ពន្ធនោះទេ៕