Connect with us

ព័ត៌មានជាតិ

ក្រសួងមុខងារសាធារណៈ ជូនដំណឹងពីការគ្រប់គ្រងការផ្ទេរ និងផ្លាស់ប្តូរការងាររបស់មន្ត្រីរាជការស៊ីវិល

បានផុស

នៅ

ឯកឧត្ដម ហ៊ុន ម៉ានី រដ្ឋមន្ត្រីក្រសួងមុខងារសាធារណៈ បានចេញសេចក្ដីជូនដំណឹង ស្តីពី ការគ្រប់គ្រងការផ្ទេរ និងផ្លាស់ប្តូរការងាររបស់មន្ត្រីរាជការស៊ីវិល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្ដីជូនដំណឹង ចុះថ្ងៃទី ២៩ ខែកញ្ញា ឆ្នាំ ២០២៣ គឺយោងតាមប្រសាសន៍ដឹកនាំដ៏ខ្ពង់ខ្ពស់ នាថ្ងៃទី ១១ ខែកញ្ញា ឆ្នាំ ២០២៣ របស់សម្តេចមហាបវរធិបតីនាយករដ្ឋមន្ត្រី ស្ដីពី ការផ្អាកការផ្ទេរ និងផ្លាស់ប្តូរការងាររបស់មន្ត្រីរាជការស៊ីវិល និងចំណារឯកភាពដ៏ខ្ពង់ខ្ពស់ ចុះថ្ងៃទី ២៥ ខែកញ្ញា ឆ្នាំ ២០២៣ របស់សម្តេចមហាបវរធិបតីនាយករដ្ឋមន្តី លើលិខិតរបស់ក្រសួងមុខងារសាធារណៈ ចុះថ្ងៃទី ២១ ខែកញ្ញា ឆ្នាំ ២០២៣។

នៅក្នុងសេចក្ដីជូនដំណឹងនេះ បានឲ្យដឹងថា ផ្អែកលើការសម្រេចរបស់រាជរដ្ឋាភិបាល ក្នុងការគ្រប់គ្រងស្ថានភាពបំពេញការងារ របស់មន្ត្រីរាជការស៊ីវិលឲ្យមានស្ថិរភាព និងប្រសិទ្ធភាព ក្រសួងមុខងារសាធារណៈ បានការពិនិត្យសំណើសុំផ្ទេរ និងផ្លាស់ប្ដូរកន្លែងការងារ របស់មន្ត្រីរាជការស៊ីវិលរបស់ក្រសួង ស្ថាប័ន និងរដ្ឋបាលថ្នាក់ក្រោមជាតិ ដូចខាងក្រោម៖

១. ក្រសួងមុខងារសាធារណៈ នឹងបន្តពិនិត្យ និងផ្តល់ទិដ្ឋាការចំពោះសំណើ ដែលមានការឯកភាពរួចហើយពីថ្នាក់ដឹកនាំក្រសួង-ស្ថាប័នក្នុងអាណត្តិមុន អនុលោមបែបបទ និងនីតិវិធីជាធរមាន។ ដោយឡែក សំណើដែលទទួលបានការឯកភាព ពីថ្នាក់ដឹកនាំនៃក្រសួង-ស្ថាប័ន នៅក្នុងអាណត្តិរាជរដ្ឋាភិបាល នីតិកាលទី ៧ នៃរដ្ឋសភា នឹងត្រូវអនុវត្តផ្អែកលើគោលការណ៍សម្រេចផ្អាកជាទូទៅ របស់រាជរដ្ឋាភិបាល រហូតដល់មានការណែនាំជាថ្មី ឬការសម្រេចដោយឡែករបស់រាជរដ្ឋាភិបាល។

២. ក្រសួងមុខងារសាធារណៈ នឹងពិនិត្យ និងផ្តល់ទិដ្ឋាការចំពោះសំណើផ្ទេរ និងផ្លាស់ប្តូរការងារ ក្នុងករណី ដូចខាងក្រោម៖

-មន្ត្រីរាជការកំពុងបម្រើការងារ ក្នុងក្រសួង-ស្ថាប័នមួយហើយ បានប្រឡងជាប់ក្នុងក្របខ័ណ្ឌក្រសួង ស្ថាប័នមួយផ្សេងទៀត ដែលត្រូវផ្ទេរក្របខ័ណ្ឌទៅបម្រើការងារ ក្នុងក្របខ័ណ្ឌក្រសួង-ស្ថាប័ន ដែលសាមីមន្តី បានប្រឡងជាប់។

-មន្ត្រីរាជការដែលត្រូវបានតែងតាំង ក្នុងមុខតំណែងនយោបាយដូចជា រដ្ឋលេខាធិការ អនុរដ្ឋលេខា ធិការ និងមន្ត្រីខុទ្ទកាល័យ របស់ថ្នាក់ដឹកនាំកម្រិតនយោបាយ និងក្នុងមុខតំណែងមុខងារសាធារណៈ ជាអភិបាល នៃគណៈអភិបាលខេត្ត អភិបាលរងខេត្ត ក្រុង ស្រុក ខណ្ឌ ឬមុខតំណែងប្រហាក់ប្រហែលផ្សេងទៀត ដែលត្រូវផ្ទេរក្របខ័ណ្ឌ និងការបើកបៀវត្សនៅក្រសួង-ស្ថាប័ន និងអង្គភាពថ្មី។

-ការផ្ទេរ និងផ្លាស់ប្ដូរកន្លែងការងារ ក្នុងក្រសួង-ស្ថាប័នតែមួយ ដែលជួយដល់ការពង្រាយមន្ត្រីទៅតំបន់ ដែលកំពុងប្រឈមនឹងបញ្ហាខ្វះមន្ត្រី (តំបន់ក្រៅទីប្រជុំជន) ក្នុងរូបភាពដូចខាងក្រោម៖

ក. ការផ្ទេរឆ្លងអង្គភាពពីថ្នាក់ជាតិទៅថ្នាក់ក្រោមជាតិ

ខ. ការផ្ទេរពីរាជធានី ទៅខណ្ឌ និងទៅខេត្ត

គ. ការផ្ទេររវាងខេត្ត និងខេត្ត (មិនអនុញ្ញាតការផ្ទេរចូលរាជធានីភ្នំពេញ)

ឃ. ការផ្ទេរពីខេត្ត ទៅ ក្រុង ស្រុក៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង១១ វិនាទី មុន

ការសិក្សារបស់ក្រុមហ៊ុន Visa បានបង្ហាញថា ការប្រើប្រាស់សាច់ប្រាក់សុទ្ធ នៅតែបន្តរីកសុះសាយនៅក្នុងប្រទេសកម្ពុជា ដែលផ្ទុយពីនិន្នាការក្នុងតំបន់អាស៊ីអាគ្នេយ៍

ព័ត៌មានអន្ដរជាតិ៥ នាទី មុន

វៀតណាម ជំរុញឲ្យប្រើវេជ្ជបញ្ជាអេឡិចត្រូនិកលក្ខណៈប្រព័ន្ធ ងាយស្រួលគ្រប់គ្រងថ្នាំមានប្រសិទ្ធភាព

ព័ត៌មានអន្ដរជាតិ៣០ នាទី មុន

មួយទសវត្សរ៍មកនេះ មានជនចំណាកស្រុកលើលោកជាង ៦៣,០០០ នាក់ស្លាប់បាត់បង់ជីវិត

កីឡា៣២ នាទី មុន

ចាន់ ប៊ុនហឿន ប្រាប់​ថា ​នឹងពិបាកវ៉ៃ ខាំភូ ឲ្យសន្លប់យប់ស្អែក

អាជីព៣៣ នាទី មុន

យុវជនម្នាក់ បង្កើតមាតិកាស្ដីពីការដាំដុះបន្លែ និងចិញ្ចឹមសត្វ ទទួលបានការគាំទ្រពីមហាជន

ព័ត៌មានជាតិ៤ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ២ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានអន្ដរជាតិ៧ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ២ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ជីវិតកម្សាន្ដ៦ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម