Connect with us

ព័ត៌មានជាតិ

ដាំកូនត្នោត ១ ០០០ ដើម តាម​ផ្លូវល្បឿន​លឿន​ក្នុង​ខេត្តព្រះសីហនុ​ទាក់ទាញ​​ទេសចរ

បានផុស

នៅ

កូនត្នោតចំនួន ១ ០០០ដើម ត្រូវបានធ្វើការដាំដុះនៅតាមបណ្តោយផ្លូវល្បឿនលឿនក្នុងក្នុងភូមិសាស្ត្រស្រុកស្ទឹងហាវ និងស្រុកព្រៃនប់ ខេត្តព្រះសីហនុ។ ពិធីដាំកូនត្នោតនេះ បានធ្វើឡើងនៅព្រឹកថ្ងៃទី៣ ខែវិច្ឆិកា ឆ្នាំ២០២៣ ដោយមានការ​ចូលរួម​ពី​លោក ម៉ុង ឬទ្ធី សមាជិកព្រឹទ្ធសភា លោក វង្ស ផាណាត ប្រធានក្រុមប្រឹក្សាខេត្ត និងលោន គួច ចំរើន អភិបាលខេត្តព្រះសីហនុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ម៉ុង ឬទ្ធី បានឲ្យ​ដឹងថា តាមការគ្រោងទុកឆ្នាំនេះមានផែនការដាំកូនត្នោតចំនួន ៥ ០០០ ដើម ខណៈ​ថ្ងៃនេះបាន​ធ្វើការដាំកូនត្នោតចំនួន ១ ០០០ ដើម នៅតាមបណ្តោយផ្លូវល្បឿនលឿនពីរាជធានីភ្នំពេញខេត្តព្រះសីហនុ។ ការដាំនេះ គឺដាំក្នុងចន្លោះពីដើមមួយទៅដើមមួយមានចម្ងាយ ៥ ម៉ែត្រ ដើម្បី​ឲ្យ​ដើមត្នោតលូតលាស់ធំធាត់បានលឿន។

បើតាមលោក ម៉ុង ឬទ្ធី បច្ចុប្បន្នមានថ្នាលបណ្តុះកូនត្នោត​ គ្រោង​បណ្តុះកូនត្នោត​ឲ្យ​បានចំនួន ១៤ ០០០ ដើម សម្រាប់ដាំដុះនៅពេលខាងមុខ ប្រសិនបើការដាំដុះបានល្អនឹងមានគម្រោងបណ្តុះបន្ថែមទៀត ដោយសារបច្ចុប្បន្ននៅក្នុងកសិដ្ឋាន​មានដំណាំកសិឧស្សាហកម្ម និងដំណាំ ហូបផ្លែជាច្រើនមុខមានដូចជា ដូងប្រេង កៅស៊ូ ក្រៅពីនោះមានដាំដំណាំ​ហូប​ផ្លែមានដូចជាដូងក្រអូប សៅម៉ាវ ធុរ៉េន ស្វាយ និងដំណាំជាច្រើនប្រភេទផ្សេងទៀត។

លោក គួច ចំរើន អភិបាលខេត្តព្រះសីហនុបានថ្លែងថា ការបណ្តុះកូនត្នោតនិងរៀបចំកម្មវិធីដាំកូនត្នោតនៅលើ​ទឹកដី​ឃុំកែវផុស និងស្រុកព្រៃនប់ស្របនឹងផ្លូវល្បឿនលឿន ដើម្បីបង្កើនសោភណភាព បរិស្ថានបន្ថែមទៀតសម្រាប់បំរើឲ្យ​វិស័យទេសចរណ៍ ពិសេសអ្នកធ្វើដំណើរតាមផ្លូវល្បឿនលឿនពីរាជធានីភ្នំពេញមកកាន់ខេត្តព្រះសីហនុ ហើយដើមត្នោតនេះក៏ជាសមិទ្ធិផលថ្មីមួយបន្ថែមទៀតនៅលើទឹកដីនៃខេត្តព្រះសីហនុ សម្រាប់កូនចៅជំនាន់ក្រោយផងដែរ។

ជាមួយគ្នានេះដែរលោកអភិបាលខេត្តព្រះសីហនុ ក៏បានធ្វើការអំពាវនាវ​ឲ្យ​យុវជន សិស្សានុសិស្ស និងបងប្អូនប្រជាពលរដ្ឋចូលរួមថែរក្សា ការពារដើមត្នោត​ឲ្យ​បានល្អ ព្រោះនេះជាសម្បត្តិរបស់ជាតិ​ទាំងអស់គ្នា ដែលត្រូវ​រួមគ្នាការពារ ថែរក្សា​ឲ្យ​បានគង់វង្ស។ ម្យ៉ាងទៀតដើមត្នោតក៏ជាកេរ្តិ៍តំណែលរបស់ដូនតារបស់យើងដែលបានបន្សល់ទុកសម្រាប់កូន ក្មួយជំនាន់ក្រោយ ព្រោះដើមត្នោតវាមានផលប្រយោជន៍ជាច្រើនយ៉ាងណាស់ សម្រាប់ឲ្យ​ប្រជាពលរដ្ឋយកមកធ្វើការកែច្នៃប្រើប្រាស់មានដូចជា ស្លឹកយកទៅប្រកផ្ទះ ផ្កាកៀបចេញជាស្ករ។ ចំណែកផ្លែខ្ចីហូប ផ្លែទំុអាចយកទៅធ្វើជានំ និងដើមអាចច្រៀកធ្វើជាសម្ភារ: ឬគ្រឿងសង្ហារឹមផ្សេងៗជាច្រើនមុខផ្សេងទៀតទៅតាមតម្រូវការទីផ្សារនាពេលបច្ចុប្បន្ន៕

អត្ថបទ៖ ស៊ុយ ចាន់ធា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម