ព័ត៌មានជាតិ

ក្រសួងអប់រំ បង្កើតយុទ្ធសាស្ត្រថ្មី លើកកម្ពស់ការអប់រំ នៅ កម្ពុជា

បានផុស

៣ years មុន

នៅ

ថ្ងៃពុធ ២២ វិច្ឆិកា ២០២៣

ដោយ

ក្រសួងអប់រំ យុវជន និងកីឡា សហការជាមួយដៃគូអភិវឌ្ឍន៍នានា បានរៀបចំបង្កើតយុទ្ធសាស្ត្រថ្មី ដើម្បីលើកកម្ពស់ការអប់រំនៅកម្ពុជាឲ្យកាន់តែប្រសើរឡើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងកិច្ចប្រជុំក្រុមការងារបច្ចេកទេសចម្រុះវិស័យអប់រំ ២០២៣ កាលពីថ្ងៃទី ២១ វិច្ឆិកា លោក បណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានមានប្រសាសន៍ថា កិច្ចប្រជុំនេះ រៀបចំឡើងក្នុងគោលបំណងដើម្បីពិនិត្យ និងផ្តល់ការគាំទ្រ សម្របសម្រួលការអនុវត្តអាទិភាព សកម្មភាពសំខាន់ៗ និងបង្កើតយុទ្ធសាស្ត្រថ្មី ដើម្បីប្រើប្រាស់ធនធានឲ្យបានសមស្រប ត្រូវចំគោលដៅ សម្រាប់កែលម្អកម្មវិធីអប់រំនៅកម្ពុជាឲ្យកាន់តែប្រសើរឡើង និងពិភាក្សាសំខាន់លើ លទ្ធផល សកម្មភាព និងផែនការយុទ្ធសាស្ត្រមួយចំនួន ក្នុងនោះរួមមាន ៖ ១. របាយការណ៍វឌ្ឍនភាព នៃការអនុវត្តកម្មវិធីថវិកា ២០២៣ កំណែទម្រង់កម្មវិធីសាលារៀន និង ការបង្កើតសាលាគំរូ ធ្វើបច្ចុប្បន្នភាពលើការអភិវឌ្ឍផែនការយុទ្ធសាស្ត្រអប់រំថ្មី ២០២៤- ២០២៨ វឌ្ឍនភាព នៃការអនុវត្តកម្មវិធីសិក្សាថ្នាក់ដំបូង យុទ្ធសាស្ត្រពង្រីកការអនុវត្ត ៖ បណ្ដុះបណ្ដាល និង បំប៉នឡើងវិញគ្រូបង្រៀនកម្រិតថ្នាក់ដំបូង និងរបាយការណ៍វឌ្ឍនភាព នៃសកម្មភាពរបស់អង្គការមិនមែនរដ្ឋាភិបាល។

លោកឧបនាយករដ្ឋមន្ត្រី បានផ្តល់អនុសាសន៍ជាគន្លឹះៗ មួយចំនួន លើការបន្តអនុវត្តកម្មវិធីកំណែទម្រង់កម្មវិធីសិក្សា និងការអប់រំគ្រូបង្រៀន ,អនុវត្តផែនការអាទិភាពដោយផ្ដោតលើការរៀបចំគោលនយោបាយផ្អែកលើលទ្ធផល, បន្តពង្រឹងពង្រីកកិច្ចសហប្រតិបត្តិការជាមួយដៃគូអភិវឌ្ឍន៍ និងភាគីពាក់ព័ន្ធទាំងអស់ ឲ្យកាន់តែប្រសើរ ឈានឆ្ពោះទៅសម្រេចគោលដៅរួមជាច្រើនទៀត ដើម្បីលើកកម្ពស់វិស័យអប់រំនៅកម្ពុជា៕

អត្ថបទ ៖ សំអឿន