ព័ត៌មានជាតិ

ចាក់មួយកាំបិតបាក់ជាប់កញ្ចឹង.ក បម្រុងប្លន់ម៉ូតូ តែមិនបានសម្រេច

បានផុស

៥ years មុន

នៅ

ថ្ងៃពុធ ១០ កុម្ភៈ ២០២១

ដោយ

ជនរងគ្រោះម្នាក់ ត្រូវបានក្រុមគ្រូពេទ្យជួយសង្គ្រោះ ឱ្យបានរួចផុតពីសេចក្តីស្លាប់ បន្ទាប់ពីត្រូវជនអន្ធពាល ចាក់មួយកាំបិតជាប់នៅនឹងកញ្ចឹង.ក ពីខាងក្រោយ ។

ហេតុការណ៍នេះ បានកើតឡើងកាលពីថ្ងៃទី០៩ ខែកុម្ភៈ ឆ្នាំ ២០២១ វេលាម៉ោងប្រហែល៧ និង ៣០នាទីយប់នៅចំណុចលូព្រំប្រទល់សាកត្រាង និងសាកត្របែកក្នុងឃុំតាលាស់ ស្រុកមោងឫស្សី ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមសម្ដីជនរងគ្រោះឈ្មោះ សាយ សំរិត ហៅវុធ ភេទប្រុសអាយុ៤៨ឆ្នាំ នៅភូមិព្រែកអាំ ឃុំរបស់មង្គលស្រុកមោងឫស្សី មុខរបររត់ម៉ូតូឌុបបាននិយាយថា នៅមុនពេលកើតហេតុ ខ្លួនបានដឹកមនុស្សម្នាក់ មិនស្គាល់អត្តសញ្ញាណពាក់អាវដៃវែងពណ៌ពងក្រសារខោជើងវែងខ្មៅអាយុចន្លោះពី ២៨ទៅ៣០ ឆ្នាំ ក្នុងគោលដៅពីមុខមន្ទីរពេទ្យបង្អែកស្រុកមោងឫស្សីទៅកាន់ភូមិទួលសាក ឃុំតាលាស់ ក្នុងតម្លៃ ២ម៉ឺនរៀល ។

ជនរងគ្រោះបាននិយាយតិចៗទៀតថា ពេលទៅដល់ចំណុចខាងលើ ជនសង្ស័យបានយកកាំបិតចុងស្រួចតូចចាក់ចំពីខាងក្រោយខាងក្រោម.ក ខាងស្ដាំបណ្ដាលឱ្យបាក់កាំបិតជាប់ពីក្រោយ ទំនងក្នុងគោលបំណងប្លន់យកម៉ូតូ បន្ទាប់មកខ្លួនបានផ្ដួលម៉ូតូរួចតាមវាយតបតវិញធ្វើឱ្យជនល្មើសរត់គេចខ្លួនបាត់ ដោយមិនអាចយកម៉ូតូបានឡើយ។

លោកវរសេនីយ៍ឯក ស គឹមឡុង អធិការនគរបាលស្រុកមោងឫស្សី បានបញ្ជាក់ថា ភ្លាមៗនោះដែរ ក្រោយពីទទួលបានដំណឹង កម្លាំងរបស់លោក បានចាត់បញ្ជូនជនរងគ្រោះទៅសង្គ្រោះនៅមន្ទីរពេទ្យបង្អែកខេត្ត ចំណែកករណីនេះ កំលាំងកំពុងស្រាវជ្រាវ ដើម្បីរកម្ុខសញ្ញាមកផ្តន្ទាទោសតាមផ្លូវច្បាប់ ៕

សោ និយមរ័ត្ន