ព័ត៌មានជាតិ

ខេត្តបាត់ដំបងនៅមានជនជាតិដើមភាគតិចព័រ រស់នៅជាង ៥០០ នាក់ នៅប្រកាន់ព្រពៃណីដូនតា

បានផុស

២ years មុន

នៅ

ថ្ងៃអង្គារ ២០ កុម្ភៈ ២០២៤

ដោយ

Din Thary

នៅស្រុកមួយជាប់ព្រំដែនថៃ ក្នុងខេត្តបាត់ដំបងមានជនជាតិដើមភាគតិចព័រប្រមាណជាង ៥០០ នាក់ កំពុងរស់នៅលាយឡំជាមួយជនជាតិខ្មែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍សិក្សាស្រាវជ្រាវ និងកំណត់អត្តអត្តសញ្ញាណសហគមន៍ជនជាតិដើមភាគតិច ដោយការិយាល័យអភិវឌ្ឍន៍ជនជាតិដើមភាគតិចនៃមន្ទីរអភិវឌ្ឍន៍ជនបទខេត្តបាត់ដំបង នៅក្នុងភូមិភ្នំរៃ ឃុំតាតោក ស្រុកសំឡូត មានជនជាតិដើមភាគតិចព័រសរុបចំនួន ១៦៥ គ្រួសារ ស្មើនឹង ៥៥៦នាក់ ក្នុងនោះស្រី ៣៤០នាក់។

ការរស់នៅក្នុងភូមិ មានការគ្រប់គ្រងដោយចាស់ស្រុកឈ្មោះ (តាខ្វាយ) ជាអ្នកគ្រប់គ្រងសហគមន៍តាមបែបប្រពៃណី និងមេភូមិជាអ្នកគ្រប់គ្រងតាមបែបរដ្ឋបាល។

លោក លៀង ឆឺត មានអាយុ ៨៣ ឆ្នាំ ជាតាខ្វាយជំនាន់ទី ៥ នៃសហគមន៍ជនជាតិដើមភាគតិចព័រ (សម្រាប់ជនជាតិដើមភាគតិចព័រគេហៅថា តាខ្វាយ ឪខ្វាយ ឬម្ចាស់ស្រុក) នៅភូមិភ្នំរៃ ឃុំតាតោក ស្រុកសំឡូត ខេត្តបាត់ដំបង ត្រូវបានជ្រើសរើសជាមេកន្រ្ទាញ/ក្រាក់ស្រុក។

លោកមានតួនាទីសំខាន់ណាស់នៅក្នុងសហគមន៍ ជាបង្គោលដឹកនាំការសែនព្រេន និងជាបុគ្គលដែលអ្នកភូមិគោរព និងមានទំនាក់ទំនងទៅនឹងព្រលឹង វិញ្ញាណដូនតា ដែលអាចឲ្យអ្នកភូមិសុំសេចក្តីសុខ ចៀសផុតពីគ្រោះចង្រៃ សុំការណែនាំ និងលាបំណន់ពីការធ្វើខុសប្រពៃណី។

បំរាមចំពោះតាខ្វាយ គឺហាមនិយាយកុហក ហាមផឹកស្រា ហាមសម្លាប់សត្វ ងូតទឹកមិនឲ្យអ្នកដទៃឃើញ និងមិនឲ្យចាកចេញពីភូមិលើសពី ២ ថ្ងៃ និងតមអាហារ ដូចជាសាច់គោ ទឹកដោះគោ ផ្លែទឹកដោះគោ។ តាខ្វាយ តម្រូវឲ្យទុកសក់វែង និងស្លៀកក្បិនជារៀងរាល់ថ្ងៃ៕