ព័ត៌មានជាតិ
នាយករដ្ឋមន្ត្រី៖ អភិក្រមទាំង៥របស់សម្ដេចតេជោ ជាសារដាស់តឿនឱ្យមន្ត្រីធ្វើខ្លួនឱ្យសមជាអ្នកបម្រើរាស្ត្រ
សម្ដេចធិបតី ហ៊ុន ម៉ាណែត បានថ្លែងថា អភិក្រម ឆ្លុះកញ្ចក់ ងូតទឹក ដុះក្អែល ព្យាបាល និងវះកាត់ ដែលដាក់ចេញដោយសម្ដេចតេជោ គឺជាសារដាស់តឿន នៅតែជាសារដ៏មានតម្លៃសម្រាប់ឱ្យគ្រប់មន្ត្រីត្រូវធ្វើខ្លួនឱ្យសមជាអ្នកបម្រើរាស្ត្រ។ សម្ដេចនាយករដ្ឋមន្ត្រី បានថ្លែងបែបនេះ នៅក្នុងឱកាសអញ្ជើញជាអធិបតី ក្នុងពិធីបិទសន្និបាតបូកសរុបលទ្ធផលការងារឆ្នាំ២០២៤ និងដាក់ទិសដៅការងារសម្រាប់ឆ្នាំ២០២៤ នារសៀលថ្ងៃទី០៤ ខែមេសា។
![](https://www.kampucheathmey.com/wp-content/uploads/2024/04/image-335-1024x682.png)
សម្ដេចប្រមុខរាជរដ្ឋាភិបាល បានសង្កត់ធ្ងន់ដូច្នេះថា «អភិក្រម ឆ្លុះកញ្ចក់ ងូតទឹក ដុះក្អែល ព្យាបាល និងវះកាត់ ដែលបានដាក់ចេញដោយសម្ដេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រីនៃព្រះរាជាណាចក្រកម្ពុជា នៅតែមានតម្លៃជាវិសេសវិសាល ក្នុងការដាស់តឿនថ្នាក់ក្រោម និងមន្ត្រីគ្រប់កម្រិតឱ្យពិនិត្យ និងកែលម្អខ្លួនជាប្រចាំ ឱ្យស័ក្ដិសមជាមន្ត្រីបម្រើប្រជាជន ដើម្បីប្រជាជនទទួលបាននូវកិត្តិយសការស្រឡាញ់រាប់អាន និងជំនឿទុកចិត្តពីប្រជាជន»។
ដើម្បីដឹកនាំប្រទេសកម្ពុជាឱ្យមានរីកចម្រើន បម្រើប្រយោជន៍ជាតិស្របតាមគោលបំណង និងភាពសម្បូរសប្បាយរបស់ពលរដ្ឋ សម្ដេចតេជោ ដាក់ចេញនៅអភិក្រមចំនួន៤ ឆ្លុះកញ្ចក់ ងូតទឹក ដុះក្អែល ព្យាបាល ប៉ុន្តែនៅចុងឆ្នាំ២០១៧ សម្ដេចតេជោ បានបន្ថែមនូវអភិក្រម១ទៀតគឺ វះកាត់។ សម្ដេចតេជោ អះអាងថា ការបន្ថែមនូវអភិក្រមវះកាត់ គឺដើម្បីវះកាត់ចេញនូវជំងឺរ៉ាំរ៉ៃ ដែលអាចនាំឱ្យមានជំងឺមហារីក។ បន្ទាប់ពីដាក់ចេញនៅចុងអាណត្តិទី៥ អភិក្រមទាំង៥ ត្រូវបានរាជរដ្ឋាភិបាលអនុវត្តន៍ពេញមួយអាណិត្តទី៦បន្ត។
![](https://www.kampucheathmey.com/wp-content/uploads/2024/04/image-336-1024x677.png)
យ៉ាងណាបន្ទាប់ពីចប់អាណត្តិទី៦ ខណៈសម្ដេចតេជោ ហ៊ុន សែន ក៏ចាកចេញពីតំណែងជានាយករដ្ឋមន្ត្រីកម្ពុជា សម្ដេចតេជោ ក្នុងថ្ងៃទី២២ ខែសីហា ឆ្នាំ២០២៣ តាមរយៈសន្និសីទសារព័ត៌មាននៅវិមានរដ្ឋសភា បានដាក់ក្ដីរំពឹងថា រាជរដ្ឋាភិបាលអាណត្តិទី៧ នៅតែបន្តអនុវត្តន៍អភិក្រមទាំង៥ ជាបន្តទៀត ដើម្បីអនុវត្តន៍លើមន្ត្រីណាដែលកែមិនឡើង។
គួររំលឹកថា នៅដើមឆ្នាំ២០២៤ ក្នុងថ្ងៃទី១២ ខែមករា សម្ដេច ហ៊ុន ម៉ាណែត បានប្រើអភិក្រមវះកាត់ បញ្ចប់មុខតំណែងរបស់អភិបាលក្រុងកែប ឈ្មោះ ខេង យ័ន ដែលបានប្រើប្រាស់អំណាចនៃតួនាទីរបស់ខ្លួនប្រព្រឹត្តអំពើដែលនាំឲ្យប៉ះពាល់ដល់ផលប្រយោជន៍រដ្ឋ និងផលប្រយោជន៍របស់ប្រជាពលរដ្ឋជាច្រើន។
បន្ទាប់ពីវះកាត់ ដកតំណែងអភិបាលរងក្រុងកែប សម្ដេច ហ៊ុន ម៉ាណែត បានប្រកាសលើគណនីហ្វេសប៊ុកផ្ទាល់ខ្លួនថា រាជរដ្ឋាភិបាល នឹងបន្តប្រកាន់ជំហរយ៉ាងម៉ឺងម៉ាត់ក្នុងការវះកាត់ ចំពោះមន្ត្រីដែលប្រព្រឹត្តអំពើខុសឆ្គងនាំឱ្យប៉ះពាល់ធ្ងន់ធ្ងរដល់ផលប្រយោជន៍ជាតិ និងប្រជាជន៕
ដោយ៖ ង៉ិល ណារ៉ាត់
![](https://www.kampucheathmey.com/wp-content/uploads/2024/04/image-337-1024x682.png)
![](https://kampucheathmey.com/wp-content/uploads/2020/12/1-01-2-01-1.png)
-
សេដ្ឋកិច្ច១ សប្តាហ៍ ago
វ័យត្រឹម១៩ឆ្នាំសោះ កូនប្រុសអ្នកឧកញ៉ា គិត ម៉េង អាចនាំយកយីហោសណ្ឋាគារផ្កាយ៦ មកកាន់កម្ពុជា
-
ព័ត៌មានជាតិ១ សប្តាហ៍ ago
នាឡិកាធំ និងខ្ពស់ជាងគេនៅកម្ពុជា ចាប់ផ្ដើមដំឡើងជាផ្លូវការដើម្បីទាក់ទាញទេសចរណ៍
-
សេដ្ឋកិច្ច១ ថ្ងៃ ago
ស្ពានផ្សាររាត្រី-អរិយក្សត្រ ត្រៀមបើកការដ្ឋានសាងសង់នៅខែមិថុនា ឆ្នាំ ២០២៥
-
ព័ត៌មានអន្ដរជាតិ២ ថ្ងៃ ago
យន្តហោះ Boeing ផ្ទុះកង់ ស្លាប់មនុស្ស២នាក់
-
សន្តិសុខសង្គម២២ ម៉ោង ago
ផ្ទុះអាវុធជាច្រើនគ្រាប់ក្នុងប្រតិបត្តិការបង្ក្រាបជនបែកថ្នាំ ខណៈសមត្ថកិច្ចម្នាក់ស្លាប់
-
សេដ្ឋកិច្ច២ ថ្ងៃ ago
ការសិក្សាផលប៉ះពាល់ពីគម្រោងស្ពានផ្សាររាត្រី-អរិយក្សត្រ បានបិទបញ្ចប់ និងត្រៀមបើកការដ្ឋានឆាប់ៗ
-
សន្តិសុខសង្គម៥ ថ្ងៃ ago
បុរសម្នាក់ ត្រូវម្ចាស់ផ្ទះបាញ់បាក់ជើងឆ្វេង របួសធ្ងន់ ខណៈកាន់កាំបិតចូលកាប់របស់របរផ្ទះគេ
-
ព័ត៌មានជាតិ៥ ថ្ងៃ ago
ពលរដ្ឋខេត្តបាត់ដំបងយ៉ាងច្រើនកុះករ សប្បាយខ្ញៀវខ្ញារពេល ព្រះអង្គ ចន្ទ មុនី និមន្តមកដល់ ដើម្បីប្រោះព្រំ