ព័ត៌មានជាតិ
កម្ពុជា មានសហគ្រាសគ្រឹះស្ថានជាង ៤ ម៉ឺន ៣ ពាន់រោងចក្រ កម្មករជិត ២ លាននាក់ នៅទូទាំងប្រទេស
គិតត្រឹមត្រីមាសទី ១ ឆ្នាំ ២០២៤ នេះ កម្ពុជា មានសហគ្រាសគ្រឹះស្ថាននៅទូទាំងប្រទេសជាង ៤ ម៉ឺន ៣ ពាន់ រោងចក្រ ដោយមានកម្មករ-និយោជិតប្រមាណជិត ២ លាននាក់ ក្នុងនោះ ស្រីជាង ១ លាននាក់។
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍នៅថ្ងៃទី ១០ មេសា នេះថា គិតត្រឹមត្រីមាសទី ១ ឆ្នាំ ២០២៤ នេះ នៅទូទាំងប្រទេសមានសហគ្រាសគ្រឹះស្ថានកាត់ដេរ និងមិនមែនកាត់ដេរសរុបចំនួន ៤៣ ៤៦១ រោងចក្រ មានកម្មករ-និយោជិត ១ ៧៧៣ ១២១ នាក់ ស្រី ១ ០៧០ ៥៤៣ នាក់។ ក្នុងនោះ សហគ្រាសគ្រឹះស្ថានកាត់ដេរមានចំនួន ១ ៥៧៩ រោងចក្រ មានកម្មករ-និយោជិត ៩២៥ ៤៦៥ នាក់ ស្រី ៦៩៨ ៧២៦ នាក់ និងសហគ្រាសគ្រឹះស្ថានមិនមែនកាត់ដេរចំនួន ៤១ ៨៨២ រោងចក្រ មានកម្មករ-និយោជិតចំនួន ៨៤៧ ៦៥៦ នាក់ ស្រី ៣៧១ ៨១៧ នាក់។
លោក កត្តា អ៊ន បានបន្តទៀតថា តួលេខនេះ បើធៀបទៅនឹងរយៈពេលដូចគ្នាកាលពីឆ្នាំ ២០២៣ កន្លងទៅ ឃើញថា មានការកើនឡើងគួរឱ្យកត់សម្គាល់ ដោយគិតត្រឹមត្រីមាសទី ១ ឆ្នាំមុន មានសហគ្រាសគ្រឹះស្ថានកាត់ដេរ និងមិនមែនកាត់ដេរសរុបចំនួន ១៧ ១០២ រោងចក្រ មានកម្មករ ១ ៥០១ ៩៤៩ នាក់ ស្រី ៩៤៨ ៣៣៨ នាក់ ក្នុងនោះ សហគ្រាសគ្រឹះស្ថានកាត់ដេរចំនួន ១ ៣២៥ នាក់ មានកម្មករ ៨៥៥ ០២១ នាក់ ស្រី ៦៧០ ៩២៣ នាក់ និងសហគ្រាសគ្រឹះស្ថានមិនមែនកាត់ដេរចំនួន ១៥ ៧៧៧ មានកម្មករ ៦៤៦ ៩២៨ នាក់ ស្រី ២៧៧ ៤១៥ នាក់។
លោក កត្តា អ៊ន បានបញ្ជាក់ថា គ្រាន់តែក្នុងត្រីមាសទី ១ ឆ្នាំ ២០២៤ នេះ មានសហគ្រាសគ្រឹះស្ថានកាត់ដេរ និងក្រៅកាត់ដេរបើកថ្មី សរុបចំនួន ៣ ០៤៨ រោងចក្រ មានកម្មករ-និយោជិត ចំនួន ១៤០ ៥២៤ នាក់ ស្រី ៨៣ ១០៧ នាក់ ក្នុងនោះ សហគ្រាសគ្រឹះស្ថានកាត់ដេរមានចំនួន ១៦៣ រោងចក្រ មានកម្មករ-និយោជិតចំនួន ៧៩ ៧២១ នាក់ ស្រី ៥៥ ៤១៤ នាក់ និងសហគ្រាសគ្រឹះស្ថានមិនមែនកាត់ដេរចំនួន ២ ២៨៥ រោងចក្រ មានកម្មករ-និយោជិតចំនួន ៦០ ៨០៣ នាក់ ស្រី ២៧ ៦៩៣ នាក់៕
អត្ថបទ ៖ សំអឿន
-
ជីវិតកម្សាន្ដ៤ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៧ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៤ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៤ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ២ ម៉ោង ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
សេចក្ដីជូនដំណឹង១ សប្តាហ៍ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៧ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព
-
ជីវិតកម្សាន្ដ១ សប្តាហ៍ ago
តារាថៃ Wit បង្ហាញមុខមាត់ថ្មី ក្រោយកែសម្ផស្សលើកដំបូងក្នុងវ័យ ៥៤ ឆ្នាំ