ព័ត៌មានជាតិ
កាន់តែចាប់អារម្មណ៍ សមិទ្ធផលធំៗ ៤ ខេត្តកំពតទើបសម្រេចបានក្នុងពេល ២ ឆ្នាំចុងក្រោយនេះ
នៅប៉ុន្មានឆ្នាំចុងក្រោយនេះ អាជ្ញាធរខេត្តកំពតបានរំលេចចេញនូវសមិទ្ធផលថ្មីៗចំនួន ៤ ដែលបានជួយលើកមុខមាត់ខេត្តមួយនេះឱ្យកាន់តែមានសក្ដានុពលទេសចរណ៍ និងកំពុងក្លាយទៅជាទីចាប់អារម្មណ៍ដល់ភ្ញៀវទេសចរជាតិ-អន្តរជាតិ មកពីគ្រប់ទិសទីសំដៅចង់ទៅលេងខេត្តមិនអាចរំលងបាន។
សមិទ្ធផលទាំង ៤ ដែលខេត្តគោលដៅទេសចរណ៍មួយនេះទើបសម្រេចបានរួមមាន៖
+កំពង់ផែទេសចរណ៍ខេត្តកំពត
កំពង់ផែទេសចរណ៍ខេត្តកំពត បានអភិវឌ្ឍឡើងក្រោមកម្ចីថវិការបស់ធនាគារអភិវឌ្ឍន៍អាស៊ី ADB ដែលមានតម្លៃជាង ១៨ លានដុល្លារអាមេរិក ស្ថិតនៅជាប់ដងព្រែកចម្ងាយប្រមាណ ៦ គីឡូម៉ែត្រ ពីក្រុងកំពត។ កំពង់ផែ នេះបានចាប់ផ្ដើមសាងសង់កាលពីឆ្នាំ ២០១៨ ហើយបញ្ចប់ការសាងសង់ទាំងស្រុងនៅចុងខែមិថុនា ឆ្នាំ២០២២ លើផ្ទៃដីទំហំជាង ៤ ហិកតា។
តាមរយៈកំពង់ផែទេសចរណ៍ខេត្តកំពត មានសមត្ថភាពអាចភ្ជាប់ទៅនឹងកំពង់ផែក្នុងខេត្តព្រះសីហនុ ខេត្តកោះកុង កោះរ៉ុង ហើយក៏ភ្ជាប់ទៅកំពង់ផែកោះត្រល់ និងកំពង់ផែដទៃទៀតនៅប្រទេសវៀតណាម និងប្រទេសថៃ ដែលសម្រួលទៅដល់ការជញ្ជូនតាមផ្លូវទឹកសម្រាប់ខេត្តមួយនេះឱ្យមានភាពល្អប្រសើរថែមមួយកម្រិតទៀត។
+ការសាងសង់ឆ្នេរតាមដងព្រែកកំពត
ដើម្បីសំដៅបម្រើដល់វិស័យទេសចរណ៍ ក៏ដូចជាការរៀបចំកន្លែងលំហែកម្សាន្ត មានខ្យល់អាកាសបរិសុទ្ធ មានអនាម័យបរិស្ថាន ធានាដល់គុណភាព សុខភាព សាធារណៈ និងសោភ័ណភាពក្នុងក្រុង រដ្ឋបាលខេត្តកំពតបានរៀបចំប្រែក្លាយតំបន់ឆ្នេរតាមដងព្រែកកំពង់បាយឱ្យទៅជាតំបន់អេកូទេសចរណ៍ធម្មជាតិ ដោយមានរៀបចំជាឆ្នេរខ្សាច់សិប្បនិម្មិត្ត ដើម្បីទាក់ទាញភ្ញៀវទេសចរជាតិ និងអន្តរជាតិ។
ការរៀបចំឆ្នេរខ្សាច់ថ្មីស្ថិតនៅចំបេះដូងនៃក្រុងកំពត ហើយនៅពេលអនាគតតំបន់នេះនឹងក្លាយជាទីតាំងសម្រាប់រៀបចំព្រឹត្តិការណ៍ធំៗនិងជាគោលដៅសម្រាកលំហែររបស់ភ្ញៀវទេសចរ។
+ស្ថានីយប្រព្រឹត្តិកម្មទឹកកង្វក់
ខេត្តកំពត ទើបតែសម្រេចបាននូវការរអនុវត្តគម្រោងសាងសង់ប្រព័ន្ធលូ និងស្ថានីយប្រព្រឹត្តកម្មទឹកកខ្វក់ក្រុងកំពត ដែលបានសម្ភោធដាក់ឱ្យប្រើប្រាស់កាលពីថ្ងៃទី១៥ ខែធ្នូ ឆ្នាំ២០២៣ កន្លងទៅ។ ប្រព័ន្ធប្រព្រឹត្តិកម្មចម្រោះទឹកកខ្វក់នេះ មានសមត្ថភាពបូមទឹកកខ្វក់បានចំនួន ១៨០ ម៉ែត្រត្រីគុណ/១ម៉ោង និងសមត្ថភាពចម្រោះទឹកកខ្វក់តាមបែបធម្មជាតិចំនួន ៣,៣៦០ ម៉ែត្រត្រីគុណ/១ថ្ងៃ ដែលនឹងក្លាយជាសមិទ្ធិផលមួយរួមចំណែកលើកកម្ពស់សុខុមាលភាព និងអនាម័យបរិស្ថានសម្រាប់ពលរដ្ឋរស់នៅក្នុងសង្កាត់ទាំង៤ នៃក្រុងកំពត។
ស្ថានីយប្រព្រឹត្តកម្មទឹកកខ្វក់ក្រុងកំពត បានចាយថវិកាសាងសង់អស់ប្រមាណ ២០,១លានដុល្លារអាមេរិក ដែលគ្របដណ្តប់លើផ្ទៃដីសរុបចំនួន ៣៩៥,៧២ហិកតា ស្ថិតនៅក្នុងសង្កាត់ចំនួន ៤ គឺសង្កាត់កំពង់បាយ សង្កាត់ក្រាំងអំពិល សង្កាត់កំពង់កណ្តាល និងសង្កាត់កំពង់សំរោង ដែលក្នុងនោះ ផ្ទៃដីសម្រាប់សាងសង់ស្ថានីយប្រព្រឹត្តកម្មទឹកកខ្វក់មានទំហំ ៩,៨៤ហិកតា។
+រូបសំណាកសេះសមុទ្របាញ់ទឹក
រូបសំណាកសេះសមុទ្របាញ់ទឹក ត្រូវបានរដ្ឋបាលខេត្តសម្រេចសាងសង់ឡើងមានកម្ពស់ ៨ ម៉ែត្រ ឈរបាញ់ទឹកចេញពីមាត់នៅលើដងព្រែកកំពងបាយ ទើបដាក់សម្ពោធជាផ្លូវការ កាលពីថ្ងៃទី១០ ខែមេសា ឆ្នាំ២០២៤នេះ។ តាមរយៈការសាងសង់រូបសំណាកនេះ ក៏កំពុងក្លាយជាទីចំណាប់អារម្មណ៍ថ្មីមួយទៀតសម្រាប់ភ្ញៀវទេសចរជាតិ និងអន្តរជាតិ មកលេងខេត្តកំពតកាន់តែកើនឡើងជាបន្តបន្ទាប់ផងដែរ។
តាមរយៈសមិទ្ធផលថ្មីៗដែលសម្រេចបានប៉ុន្មានឆ្នាំចុងក្រោយនេះ នឹងជួយលើកមុខមាត់ខេត្តកំពតឱ្យកាន់តែមានសក្ដានុពល ក្លាយជាខេត្តគោលដៅទាក់ទាញភ្ញៀវទេសចរជាតិ-អន្តរជាតិ មកសម្រាកលំហែរកម្សាន្តចូលរួមជួយជំរុញដល់សេដ្ឋកិច្ចមូលដ្ឋានពលរដ្ឋឲ្យប្រសើរឡើងបន្ថែមទៀត៕
ជ្រោះថ្មតយ ក្លាយជាតំបន់ទេសចរណ៍ធម្មជាតិដ៏ទាក់ទាញ ក្នុងខេត្តរតនគិរី
លោក គីម អំពាវនាវឲ្យកងកម្លាំងកូរ៉េខាងជើងពន្លឿនការរៀបចំសម្រាប់ព្រឹត្តិការណ៍សង្រ្គាម
ភ្លៀងធ្លាក់ជាច្រើនមេ ធ្វើឱ្យផ្កាត្របែកព្រៃ និងផ្កាស្រឡៅបញ្ចេញពណ៌ដ៏ស្រស់បំព្រង នៅតាមជួរដងភ្នំខេត្តមណ្ឌលគិរី
ស្នងការខេត្តប៉ៃលិន បំភ្លឺជុំវិញករណីគ្រោះថ្នាក់ចរាចណ៍បណ្តាលឱ្យស្លាប់ភាគីជិះម៉ូតូ
លោក Yoon លាលែងពីតំណាងបក្ស PPP បើកផ្លូវឲ្យបេក្ខជនថ្មី Kim Moon-soo
ស្នងការខេត្តប៉ៃលិន បំភ្លឺជុំវិញករណីគ្រោះថ្នាក់ចរាចណ៍បណ្តាលឱ្យស្លាប់ភាគីជិះម៉ូតូ
យុវជនម្នាក់មកពីទីរួមស្រុកសំបូរទទួលបានជ័យលាភីលេខ១ ក្នុងទិវាប្រាក់រៀលឆ្នាំ២០២៥
អ៊ុយក្រែន ធ្លាក់ F-16 មួយគ្រឿងទៀតហើយ!
ទីប្រឹក្សាក្រសួងព័ត៌មាន ថា ការថតគ្រួសារជនរងគ្រោះកំពុងមានទុក្ខ ដោយគ្រោះថ្នាក់ចរាចរណ៍ ជាទង្វើអសីលធម៌
ចប់ការចរចានៅតួកគីភ្លាម, ហ្សេលេនស្គី និងមេដឹកនាំអឺរ៉ុប៤ប្រទេស ទាញទូរស័ព្ទ call ទៅ ត្រាំ ភ្លែត
-
ជីវិតកម្សាន្ដ៦ ថ្ងៃ agoមាស សុខសោភា ស្នើមហាជនទុកផ្លូវឱ្យខ្លួននិងតាសក់ស ក្រោយដឹងរឿងអតីតស្វាមីប្តឹង និងនៅតែមានការវែកញែក
-
ចរាចរណ៍២ ថ្ងៃ agoUpdate៖ អ្នកបង្កគ្រោះថ្នាក់បុករះនៅមុខក្រសួងមហាផ្ទៃ ជានាយការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ នៃស្នងការដ្ឋាននគរបាលរាជធានីភ្នំពេញ
-
ចរាចរណ៍២ ថ្ងៃ agoUpdate៖ អ្នកបើករថយន្ដបុករះនៅមុខក្រសួងមហាផ្ទៃ ស្ថិតក្រោមជាតិអាល់កុល 0,35mg/L
-
សន្តិសុខសង្គម៣ ថ្ងៃ agoឃាត់ខ្លួនប្រធានផ្សារទួលពង្រ និងបក្ខពួក ពាក់ព័ន្ធករណីដើរយកភាស៊ីពីអាជីវករលក់ដូរតាមរ៉ឺម៉កម៉ូតូ
-
ចរាចរណ៍១ ម៉ោង agoស្នងការខេត្តប៉ៃលិន បំភ្លឺជុំវិញករណីគ្រោះថ្នាក់ចរាចណ៍បណ្តាលឱ្យស្លាប់ភាគីជិះម៉ូតូ
-
ព័ត៌មានជាតិ៥ ថ្ងៃ agoរតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ
-
កីឡា១ ថ្ងៃ agoលោក អេ ភូថង ប្រាប់ថា មិនដឹងរឿងផ្ទាល់ខ្លួនរបស់ ធឿន ធារ៉ា ខណៈបែកធ្លាយវីដេអូជក់បារីអេឡិចត្រូនិក
-
ចរាចរណ៍២ ថ្ងៃ agoបឋម៖ ករណីបុករះបង្កឡើងដោយរថយន្ដឡិចសុីសមួយគ្រឿងបណ្ដាលឲ្យមានអ្នកស្លាប់នៅផ្លូវព្រះនរោត្ដម