ព័ត៌មានជាតិ
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
បើតាមរបាយការណ៍ពីក្រសួងទេសចរណ៍បានបង្ហាញថា ក្នុងពិធីបុណ្យចូលឆ្នាំថ្មីប្រពៃណីជាតិ រយៈពេល ០៤ ថ្ងៃ ពីថ្ងៃទី ១៣-១៦ ខែមេសា ឆ្នាំ២០២៤ មានទេសចរជាតិនិងពលរដ្ឋដើរលេងកម្សាន្តក្នុងក្របខណ្ឌទូទាំងប្រទេសសរុបប្រមាណ ២១.៧០ លាននាក់ និងទេសចរបរទេសប្រមាណ ១១ ម៉ឺននាក់។
![](https://www.kampucheathmey.com/wp-content/uploads/2024/04/438966840_415297491145566_1797246797835934299_n.jpg)
![](https://www.kampucheathmey.com/wp-content/uploads/2024/04/438966854_415289384479710_8888956596324068882_n.jpg)
របាយការណ៍របស់ក្រសួងទេសចរណ៍ ក៏បានបង្ហាញខេត្តចំនួន ៥ ដែលទទួលបានទេសចរច្រើនជាងគេរួមមាន÷
១. កំពង់ចាម
-ទេសចរជាតិ និងប្រជាពលរដ្ឋដើរលេងកម្សាន្ត ប្រមាណ ៥.៣៤៩.២៩៧ នាក់
-ទេសចរបរទេស ប្រមាណ ៥១៤ នាក់
២. ព្រៃវែង
-ទេសចរជាតិ និងប្រជាពលរដ្ឋដើរលេងកម្សាន្ត ប្រមាណ ២.២៩៨.៣៦៧ នាក់
-ទេសចរបរទេស ប្រមាណ ៣៥ នាក់
៣. កំពង់ស្ពឺ
-ទេសចរជាតិ និងប្រជាពលរដ្ឋដើរលេងកម្សាន្ត ប្រមាណ ២.១០២.២៤៧ នាក់
-ទេសចរបរទេស ប្រមាណ ១.៦៦៨ នាក់
៤. បាត់ដំបង
-ទេសចរជាតិ និងប្រជាពលរដ្ឋដើរលេងកម្សាន្តប្រមាណ ១.៧៣១.៤៣២ នាក់
-ទេសចរបរទេស ប្រមាណ ៣.១៩៧ នាក់
៥. កំពត
-ទេសចរជាតិ និងប្រជាពលរដ្ឋដើរលេងកម្សាន្ត ប្រមាណ ១.៤០០.៣៧៥ នាក់
-ទេសចរបរទេស ប្រមាណ ៣.១២២
មន្រ្តីក្រសួងទេសចរណ៍បានឲ្យកម្ពុជាថ្មីដឹងថា ពិធីបុណ្យចូលឆ្នាំថ្មីប្រពៃណីជាតិឆ្នាំ ២០២៤ ដែលមានរយៈពេល ០៤ ថ្ងៃ ប្រជាពលរដ្ឋដើរលេងកម្សាន្តក្នុងក្របខណ្ឌទូទាំងប្រទេសមានចំនួនកើនឡើងច្រើន ក្នុងពេលដែលពិធីបុណ្យចូលឆ្នាំប្រពៃណីជាតិឆ្នាំ ២០២៣ ដែលមានរយៈពេលត្រឹមតែ ០៣ ថ្ងៃ ប្រជាពលរដ្ឋដើរលេងកម្សាន្តក្នុងក្របខណ្ឌទូទាំងប្រទេសមានប្រមាណ ១៣,១៣ លាននាក់ប៉ុណ្ណោះ។
តួលេខនេះគឺជាចំនួនមួយដ៏ច្រើនលើសលប់លើសពីការរំពឹងទុក និងច្រើនជាងពេលមុនវិបត្តិជំងឺកូវីដ-១៩ ទៅទៀត។ នេះបើតាមមន្រ្តីក្រសួងទេសចរណ៍។
ចំនូនភ្ញៀវទាំងជាង ២១ លាននាក់ រដ្ឋបាលរាជធានីខេត្តរាប់បញ្ចូលចំនួនភ្ញៀវទេសចរ ដែលធ្វើដំណើរកម្សាន្តនៅតាមរមណីយដ្ឋាន និងគោលដៅទេសចរណ៍ទូទាំងប្រទេស ចំនួនបងប្អូនប្រជាជនដែលបានចូលរួមលេងកម្សាន្តនៅតាមទីតាំងដែលមានការរៀបចំកម្មវិធីសង្រ្កាន្ត ព្រមជាមួយបងប្អូនប្រជាពលរដ្ឋដែលលេងកម្សាន្តនៅតាមភូមិស្រុកនិងកន្លែងជួបជុំនានា។
បើតាមមន្រ្តីក្រសួងទេសចរណ៍ ការរៀបចំកម្មវិធីសង្រ្កាន្តនៅគ្រប់រាជធានីខេត្ត ពិសេសនៅតាមទីប្រជុំជនទីរួមខេត្ត ទីរួមស្រុក តំបន់គោលដៅទេសចរណ៍សំខាន់ៗ វត្តអារាម និងនៅតាមភូមិស្រុកនានាគឺជាកត្តាដែលបានទាក់ទាញឲ្យភ្ញៀវទេសចរ និងបងប្អូនប្រជាពលរដ្ឋដើរកម្សាន្តយ៉ាងច្រើនកុះករ ស្របពេលដែលពីមួយថ្ងៃទៅមួយថ្ងៃនៃពិធីបុណ្យ ៤ ថ្ងៃ បណ្តារាជធានីខេត្តបានបង្កើនទំហំនៃការជួបជុំកម្សាន្តតាមកម្មវិធីសង្រ្កាន្តនៅតាមទីប្រជុំជនសំខាន់ៗ ដូចជាការបន្ថែមឡានទឹកសម្រាប់បាញ់ទឹកកម្សាន្ត និងការប្រគំតន្រ្តីបន្ថែមជាដើម។
ទន្ទឹមនឹងនេះ សកម្មភាពនៃការដើរកម្សាន្តរបស់ភ្ញៀវនិងបងប្អូនប្រជាពលរដ្ឋ មានតាំងពីពេលព្រឹករហូតដល់យប់អាធ្រាត ពិសេសការកម្សាន្តបាញ់ទឹក លាបម្សៅ និងចាក់ភ្លេងកម្សាន្តជាដើម។
មន្រ្តីក្រសួងទេសចរណ៍បានបញ្ជាក់បន្ថែមថា ចរន្តភ្ញៀវទេសចរដ៏ច្រើននេះបានបង្កើតជាផលប្រយោជន៍សេដ្ឋកិច្ចដ៏ច្រើនទាំងនៅថ្នាក់ជាតិ និងនៅតាមមូលដ្ឋាន។ វិស័យឯកជនបានសំដែងការរីករាយជាពន់ពេកចំពោះចរន្តភ្ញៀវដ៏ច្រើនលើសលុបលើសពីការរំពឹងទុកនាឱកាសពិធីបុណ្យចូលឆ្នាំថ្មី និងបន្តមានសុទិដ្ឋិនិយមខ្ពស់ចំពោះការងើបឡើងវិញនៃវិស័យទេសចរណ៍៕
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ