ព័ត៌មានជាតិ
កម្មវិធីការស្ម័គ្រចិត្តដើម្បីសហគមន៍ខ្ញុំ ឆ្នាំ២០២៤ បណ្ដុះបណ្ដាលយុវជន ជាង ៥០០នាក់
លោក សេរី ជំនះ រដ្ឋលេខាធិការ ក្រសួងអប់រំ យុវជន និងកីឡា បានអញ្ជើញជាអធិបតីក្នុង ពិធីបិទវគ្គបណ្ដុះបណ្ដាលថ្នាក់ជាតិ នៃកម្មវិធីការស្ម័គ្រចិត្តដើម្បីសហគមន៍ខ្ញុំ ឆ្នាំ២០២៤ ដែលមានយុវជនស្ម័គ្រចិត្តទូទាំង ២៥ រាជធានី ខេត្ត និងស្រុកកងមាសចូលរួមសរុបចំនួន ៥២៥នាក់ ក្នុងនោះមានស្រីចំនួន៣២៧នាក់។ នេះបើតាមការផ្ដល់ព័ត៌មានពី ក្រសួងអប់រំ យុវជន និងកីឡា នៅព្រឹកថ្ងៃទី២៣ ខែឧសភា ឆ្នាំ២០២៤ នេះ។
ពិធីនេះ មានការអញ្ជើញចូលរួមជាគណៈអធិបតីពីសំណាក់ លោក កុលផេង វឌ្ឍនា អនុរដ្ឋលេខាធិការ លោកស្រីអភិបាលរង នៃគណៈអភិបាលខេត្តសៀមរាប ព្រមទាំងថ្នាក់ដឹកនាំមន្ទីរជាច្រើនរូបផ្សេងទៀត។
វគ្គបណ្តុះបណ្តាលនេះរៀបចំឡើងដោយ នាយកដ្ឋានគ្រប់គ្រងមជ្ឈមណ្ឌល នៃក្រសួងអប់រំ យុវជន និងកីឡា ក្នុងគោលបំណងសំខាន់ៗ៖ ១. ផ្តល់សញ្ញាណទូទៅ និងបរិបទទាក់ទងនឹងការងារស្ម័គ្រចិត្តដើម្បីសហគមន៍ខ្ញុំ (ស.ស.ខ/VMC) ដល់អ្នកស្ម័គ្រចិត្តបង្គោល និងយុវជនស្ម័គ្រចិត្តរាជធានី ខេត្ត។ ២. ផ្តល់ជាចំណេះដឹងជាក់លាក់ក្នុងការរៀបចំ និងអនុវត្តគម្រោងដែលយុវជនស្ម័គ្រចិត្តរាជធានី ខេត្ត នឹងជ្រើសរើស។ ៣. ផ្តល់ជំនាញទន់សំខាន់ៗមួយចំនួន ដើម្បីជាទុនដល់យុវជនសម្រាប់បំណិនជីវិតប្រចាំថ្ងៃ និងការបំពេញការងាររបស់ពួកគេ។
៤. ផ្តល់ឱកាសដល់យុវជនស្ម័គ្រចិត្ត ក្នុងការប្រាស្រ័យទាក់ទងជាមួយមិត្តភក្តិ និងអ្នកដទៃ និងបង្កើនការរីករាយជាវិជ្ជមាន។ ៥. ផ្តល់ឱកាសដល់មន្ត្រីសម្របសម្រួលកម្មវិធី ឱ្យបានយល់កាន់តែច្បាស់ និងមានភាពស្និទ្ធស្នាលជាមួយយុវជនស្ម័គ្រចិត្ត ដើម្បីអាចត្រៀមខ្លួនឱ្យកាន់តែប្រសើរសម្រាប់ការអនុវត្តជាក់ស្តែង។ ៦. ការភ្ជាប់ទំនាក់ទំនងរវាងអ្នកស្ម័គ្រចិត្តបង្គោល មន្ត្រីទទួលបន្ទុក និងយុវជនស្ម័គ្រចិត្តប្រចាំរាជធានី ខេត្ត នីមួយៗ។ ៧. ការពិភាក្សាអំពីផែនការបន្ទាប់ ការជ្រើសរើសប្រធានបទ និងការរៀបចំសរសេរគម្រោង។
គួរបញ្ជាក់ថា វគ្គបណ្ដុះបណ្ដាលថ្នាក់ជាតិ នៃកម្មវិធីការស្ម័គ្រចិត្តដើម្បីសហគមន៍ខ្ញុំ មានរយៈពេល ៣ថ្ងៃ ដោយប្រព្រឹត្តទៅចាប់ពីថ្ងៃទី២០ ដល់ថ្ងៃទី២២ ខែឧសភា នៅមជ្ឈមណ្ឌលជាតិយុវជនកម្ពុជាខេត្តសៀមរាប។ ក្នុងឆ្នាំ២០២៤ នេះ កម្មវិធីការស្ម័គ្រចិត្តដើម្បីសហគមន៍ខ្ញុំ មានយុវជនស្ម័គ្រចិត្តចូលរួមអនុវត្តគម្រោងចំនួន ៤៣០នាក់ និងយុវជនបង្គោលចំនួន ៩០នាក់ ដើម្បីចុះអនុវត្តគម្រោងតូចៗចំនួន ៨៦ គម្រោង នៅតាមសហគមន៍នានានៅទូទាំង ២៥ រាជធានី ខេត្ត៕
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ៣ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៧ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
សេចក្ដីជូនដំណឹង១៧ ម៉ោង ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ១ សប្តាហ៍ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ