Connect with us

ព័ត៌មានជាតិ

រដ្ឋមន្ត្រីព័ត៌មាន៖ ការងារផ្សព្វផ្សាយព័ត៌មានក្នុងបរិបទឌីជីថល សំខាន់គឺត្រូវគ្រប់គ្រងខ្លឹមសារ និងល្បឿននៃការផ្សព្វផ្សាយ

បានផុស

នៅ

លោក នេត្រ ភក្ត្រា រដ្ឋមន្ត្រីក្រសួងព័ត៌មាន បានលើកឡើងថា ការងារផ្សព្វផ្សាយព័ត៌មាននៅក្នុងបរិបទឌីជីថល សំខាន់ គឺត្រូវគ្រប់គ្រងខ្លឹមសារ និងល្បឿននៃការផ្សព្វផ្សាយ ទើបអាចគ្រប់គ្រងព័ត៌មានបាន។ ដូច្នេះហើយ ទើបក្រសួងព័ត៌មាននៅក្នុងអាណត្តិទី៧នេះ បានដាក់ចុះនូវចក្ខុវិស័យ ត្រូវតែជាស្ថាប័នទំនាក់ទនងសាធារណៈរបស់រាជរដ្ឋាភិបាល ដែលត្រូវតែបុរេសកម្ម សកម្ម អន្តរសកម្ម ប្រកបដោយគុណភាព និងប្រសិទ្ធិភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើងរបស់លោករដ្ឋមន្ត្រីបានធ្វើឡើងកាលពីរសៀលថ្ងៃទី១០មិថុនា ខណៈលោក និងលោក កើត ឆែ អភិបាលរង និងជាតំណាងលោក ឃួង ស្រេង អភិបាលនៃគណៈអភិបាលរាជធានីភ្នំពេញ អញ្ជើញជួបសំណេះ​សំណាលជាមួយថ្នាក់ដឹកនាំ និងមន្ត្រីរាជការនៃមន្ទីរព័ត៌មានរាជធានីភ្នំពេញ ដើម្បីស្វែងយល់ពីដំណើរការ អភិវឌ្ឍន៍វិស័យព័ត៌មានក្នុងដំណាក់កាលបរិវត្តកម្មDigital ។

លោក នេត្រ ភក្រ្ដា មានប្រសាសន៍ថា តូនាទីរបស់មន្ទីរព័ត៌មានរាជធានីភ្នំពេញ ជាសេនាធិការឱ្យក្រសួងព័ត៌មាន និងគណៈបញ្ជាការឯកភាពរាជធានីភ្នំពេញ ដែលជាផ្នែកមួយនៃការក្តាប់ព័ត៌មាន និងឆ្លើយតបទៅនឹងព័ត៌មានក្លែងក្លាយ ព័ត៌មានញ៉ុះញ៉ុងបំភ្លៃការពិត។ លោក នេត្រ ភក្ត្រា ថ្លែងបញ្ជាក់ថា តូនាទីរបស់មន្ទីរព័ត៌មានរាជធានីភ្នំពេញជាផ្នែកមួយនៃការក្តាប់ព័ត៌មាន និងឆ្លើយតបទៅនឹងព័ត៌មានផ្សេងៗដែលកើតមាន។ ក្រសួងព័ត៌មានក៏បានដាក់ចុះការពង្រឹងសន្តិសុខព័ត៌មាន ដែលបានផ្តោតសំខាន់លើការទទួលបានព័ត៌មានរបស់ប្រជាពលរដ្ឋ ព័ត៌មានដែលមានគុណភាព និងសុវត្ថិភាពសារព័ត៌មាន ដែលសំដៅលើព័ត៌មានដែលបង្កើតឡើង បញ្ចេញផ្សព្វផ្សាយ គឺជាព័ត៌មានដែលមានភាពត្រឹមត្រូវ ពិតប្រាកដមិនបំពុល។

លោករដ្ឋមន្រ្តី បានជម្រាបជូនថា នៅក្នុងអាណត្តិទី៧ នេះ សម្តេចធិបតីនាយករដ្ឋមន្ត្រី ហ៊ុន ម៉ាណែត បានបញ្ជាក់ថា ២០២៤ គឺជាឆ្នាំដែលត្រូវចាប់ហ្វ្រាំងដើម្បីវាយតម្លៃអំពីខ្លួនឯង ហើយបន្តទៅមុខទៀតប្រកបដោយការធានាប្រសិទ្ធភាព ។ ដូច្នេះហើយ ការធានាបាននូវនិរន្តភាពការងារ អនុវត្តន៍នូវគោលនយោបាយដែលបានដាក់ចុះ គឺយុទ្ធសាស្រ្តបញ្ចកោណ ដំណាក់កាលទី១ ដើម្បីកំណើនការងារសមធម៌ប្រសិទ្ធភាព និងចីរភាព កសាងមូលដ្ឋានគ្រឹះទៅសម្រេចចក្ខុវិស័យកម្ពុជា ឆ្នាំ២០៥០ ។

ជាមួយគ្នានេះ លោករដ្ឋមន្រ្ដីបានមានប្រសាសន៍កោតសរសើរដល់ថ្នាក់ដឹកនាំ និងមន្រ្តីរាជការនៃមន្ទីរព័ត៌មានរាជធានីភ្នំពេញដែលបានខិតខំបំពេញកិច្ចការងារប្រកបដោយការទទួលខុសត្រូវ ហើយជំរុញឱ្យបន្តពង្រឹងសមត្ថភាព ចំណេះជំនាញក្នុងការបំពេញការងារប្រកបដោយសមត្ថភាព និងប្រសិទ្ធភាពខ្ពស់ដើម្បីសម្របទៅនឹងការវិវត្ដនៃបច្ចេកវិទ្យានិងភាពស្រួចស្រាលនៅក្នុងការប្រកួតប្រជែងផ្នែកព័ត៌មាន។

លោក កើត ឆែ ថ្លែងថា ចំណុច៣ដែលមន្ត្រីព័ត៌មានត្រូវប្រកាន់យក គឺការអភិវឌ្ឍន៍ស្ថាប័ន ការអភិវឌ្ឍន៍ធនធានមនុស្សនិងការបំពាក់សម្ភារបច្ចេកទេស។ ពាក់ពន្ធ័នឹងសម្ភារៈបច្ចេកទេសលោក កើត ឆែ លើកឡើងថា សំខាន់តើយើងចេះប្រើឧបករណ៍សម្ភារៈបច្ចេកទេសទាំងនោះបានកំរិតណា។ ដូច្នេះមន្ត្រីព័ត៌មានត្រូវខិតខំអភិវឌ្ឍន៍ខ្លួនឲ្យស្របតាមតម្រូវការជាក់ស្តែងក្នុងបរិបទDigital មាននយ័ថា មុនអោយព្រះជួយទាល់តែយើងជួយខ្លួនឯងជាមុនសិន។

នាឱកាសនោះដែរ លោក នេត្រ ភក្រ្តា និងលោក កើត ឆែ បានអញ្ជើញផ្តល់លិខិតសរសើរដល់ថ្នាក់ដឹកនាំ និងមន្ត្រី​មន្ទីរព័ត៌មានរាជធានីភ្នំពេញ ចំនួន២៦នាក់ ដែលបានខិតខំបំពេញការងារដែលជាការផ្តល់កំលាំងចិត្ត និងថាមពលបន្ថែមទៀតដល់ថ្នាក់ដឹកនាំ និងមន្ត្រីនៃមន្ទីរព័ត៌មានរាជធានីភ្នំពេញ។ ដូចប្រសាសន៍លោករដ្ឋមន្ត្រីក្រសួងព័ត៌មានបញ្ជាក់ថា រយះពេល៩ខែកន្លងមកនេះ គឺគ្មានការសង្ស័យទៀតទេលើដំណើរការវិវឌ្ឍន៍រីកចំរើន នឹងបោះជំហានទៅមុខរបស់រាជរដ្ឋាភិបាលអាណត្តិទី៧ដែលដឹកនាំដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាចក្រកម្ពុជាស្របតាមនយោបាយបញ្ជកោណនៃរាជរដ្ឋាភិបាលអាណត្តិទី៧នៃរដ្ឋសភា។

លោក នេត្រ ភក្រ្តា បានស្រង់ប្រសាសន៍ សម្តេចធិបតីហ៊ុន ម៉ាណែត ដោយគូសបញ្ជាក់ថា អំរែក៤៥ឆ្នាំគឺធ្ងន់ណាស់ហើយដែលអ្នកបន្តវេនទទួលយកអំរែកមួយដ៏ធ្ងន់នេះ គឺយើងត្រូវរត់ទាំងអស់គ្នា ទើបសម្រេចគោលដៅឆ្នាំ២០៣០និងឆ្នាំ២០៥០ ដែលនឹងនាំកម្ពុជាក្លាយជាប្រទេសមានចំណូលមធ្យមកំរិតខ្ពស់ និងជាប្រទេសមានចំណូលកំរិតខ្ពស់៕

អត្ថបទ៖ ស្រីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥៣ វិនាទី មុន

ត្បិតមិនចូលរួម តែសម្ដេចតេជោ ប្រាប់ទូតអឺរ៉ុបថា សម្ដេច កំពុងតាមដានលទ្ធផលនៃកិច្ចប្រជុំកំពូលស្ដីពីសន្តិភាពអ៊ុយក្រែន

សេដ្ឋកិច្ច១៦ នាទី មុន

ចិន​នាំ​ចូល​​​ឧបករណ៍​ផលិត​បន្ទះ​ឈីប​​ពាក់​កណ្ដាល​ពី​ជប៉ុន​ ​ដោយសារ​អាមេរិក​រឹត​ត្បឹត​​

ព័ត៌មានជាតិ២០ នាទី មុន

មន្ត្រីជំនាញជំរុញឲ្យម្ចាស់ក្បាលដីនៅស្រុកប្រាសាទបាគង មកផ្ទៀងផ្ទាត់ទិន្នន័យឲ្យច្បាស់មុនមន្ត្រីចេញប័ណ្ណកម្មសិទ្ធឱ្យ

សេដ្ឋកិច្ច២៧ នាទី មុន

របរចិញ្ចឹមកណ្ដូប អាចរកចំណូលបានខ្ទង់ពាន់ដុល្លារ

ព័ត៌មានអន្ដរជាតិ២៨ នាទី មុន

អាមេរិក​ នឹង​ប្រកាស​ទណ្ឌកម្ម​ថ្មី​លើ​រុស្ស៊ី ក្នុង​កិច្ច​ប្រជុំ​កំពូល G7

ព័ត៌មានជាតិ៣៨ នាទី មុន

អ្នកជំនាញឡាន ប្រាប់មូលហេតុដែលម្ចាស់ឡានតូចៗ មិនគួរប្រថុយបើកឡានកាត់ទឹក

ព័ត៌មានអន្ដរជាតិ២៤ ម៉ោង មុន

យន្តហោះដឹកកីឡាករប្រដាល់ថៃមួយក្រុម ដាច់ម៉ាស៊ីនត្រជាក់ ម្នាក់ៗហប់សឹងដាច់ខ្យល់

ព័ត៌មានអន្ដរជាតិ៩ ម៉ោង មុន

កូនប្រុសលោក បៃដិន ចារឈ្មោះក្នុងប្រវត្តិសាស្រ្តអាមេរិក ក្រោយមានទោសពាក់ព័ន្ធការកាន់កាប់អាវុធ

ព័ត៌មានអន្ដរជាតិ៨ ម៉ោង មុន

ច្បាស់ការណ៍! អនុប្រធានាធិបតី​ម៉ាឡាវី បាត់បង់​​ជីវិត​​ក្នុង​ហេតុការណ៍​ធ្លាក់​យន្តហោះ

ព័ត៌មានជាតិ៦ ម៉ោង មុន

ហេតុអ្វីត្រូវ​ដាំ​​ស្ពៃ​បូកគោ​ ឆ្លាស់ជាមួយ​​ផ្កាស្ពៃរឿង? ​ អ្នកជំនាញប្រាប់ពីមូលហេតុ

Sokha Hotels

ព័ត៌មានពេញនិយម