ព័ត៌មានជាតិ

រដ្ឋបាលសង្កាត់ចោមចៅទី១ ទុករយៈពេល៣ថ្ងៃ ឱ្យអាជីវករដែលដាក់លក់ដូរលើប្រឡាយទួលពង្រទី១ រុះរើចេញ

បានផុស

១ year មុន

នៅ

ថ្ងៃព្រហស្បតិ៍ ២០ មីនា ២០២៥

ដោយ

ភ្នំពេញ ៖ រដ្ឋបាលសង្កាត់ចោមចៅទី១ ខណ្ឌពោធិ៍សែនជ័យ បានទុករយៈពេល ០៣ថ្ងៃ ដោយគិតចាប់ពីថ្ងៃចុះហត្ថលេខានេះតទៅ ដេីម្បីឱ្យបងប្អូនប្រជាពលរដ្ឋ អាជីវករទាំងអស់ដែលបានយក ទីតាំងចិញ្ចើមផ្លូវ និង ផ្លូវមកប្រកបអាជីវកម្មផ្សេងៗ ត្រូវបញ្ឈប់រាល់សកម្មភាពលក់ដូរដាក់តាំងទំនិញគ្រប់ប្រភេទ និងរុះរើចេញអោយអស់ពី លើទីតាំងដីចំណីផ្លូវ ផ្លូវសាធារណៈ និងលើប្រឡាយទួលពង្រទី១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសេចក្តីជូនដំណឹងរបស់រដ្ឋបាលសង្កាត់ចោមចៅទី១ ៖សូមជម្រាបជូនដំណឹងដល់បងប្អូនប្រជាពលរដ្ឋ និងអាជីវករដែលយក ទីតាំងដីចំណីផ្លូវ និងលើប្រឡាយទួលពង្រទី១មកធ្វើអាជីវកម្មដាក់តាំងទំនិញ លក់ដូរគ្រប់ប្រភេទ និងអាជីវកម្មផ្សេងៗ ស្ថិតនៅតាមបណ្តោយប្រឡាយទួលពង្រទី១ ភូមិទួលពង្រ សង្កាត់ចោមចៅទី១ ធ្វើឱ្យបាត់បង់សណ្តាប់ធ្នាប់របៀបរៀបរយសាធារណៈ និងសោភ័ណ្ឌភាព ជាការចំបាច់ទីតាំងនេះត្រូវការស្តារជាប្រចាំ និងថែទាំ។

ដើម្បីរក្សាសន្តិសុខសណ្តាប់ធ្នាប់របៀបរៀបរយសាធារណៈ និងសោភ័ណ្ឌភាព ឱ្យបានស្រស់ស្អាតនោះ រដ្ឋបាលសង្កាត់ចោមចៅទី១ ស្នើសុំឱ្យបងប្អូនប្រជាពលរដ្ឋ អាជីវករទាំងអស់ដែលបានយក ទីតាំងចិញ្ចើមផ្លូវ និង ផ្លូវមកប្រកបអាជីវកម្មផ្សេងៗ ត្រូវបញ្ឈប់រាល់សកម្មភាពលក់ដូរដាក់តាំងទំនិញគ្រប់ប្រភេទ និងរុះរើចេញឱ្យអស់ពី លើទីតាំងដីចំណីផ្លូវ ផ្លូវសាធារណៈ និងលើប្រឡាយទួលពង្រទី១ក្នុងរយៈពេល ០៣ថ្ងៃ ដោយគិតចាប់ពីថ្ងៃចុះហត្ថ លេខានេះតទៅ។

ក្នុងករណីបងប្អូនប្រជាពលរដ្ឋមិនអនុវត្តទៅតាមខ្លឹមសារនៃសេចក្តីជូនដំណឹងនេះទេ រដ្ឋបាលសង្កាត់ចោមចៅ ទី១ និងចុះចាត់វិធានការរដ្ឋបាលរុះរើដកហូតសម្ភារៈផ្សេងៗ ដោយមិនទទួលខុសត្រូវរាល់ការបាត់បង់ ខូចខាតទ្រព្យ សម្បត្តិ និងសម្ភារៈផ្សេងៗដែល មាននៅលើទីតាំងខាងលើនេះឡើយ។

រដ្ឋបាលសង្កាត់ចោមចៅទី១ សង្ឃឹមជឿជាក់យ៉ាងមុតមាំថា បងប្អូនប្រជាពលរដ្ឋម្ចាស់អាជីវកម្មអ្នកលក់ដូរ ផ្សេងៗមានភាពទទួលខុសត្រូវខ្ពស់ ក្នុងការអនុវត្តទៅតាមខ្លឹមសារ សេចក្តីជូនដំណឹងខាងលើនេះឱ្យមានប្រសិទ្ធភាពខ្ពស់៕

ដោយ ៖ សុខា