ព័ត៌មានជាតិ
លោក នេត្រ ភក្ត្រា ៖ កុមារា កុមារី ជាទំពាំងស្នងឫស្សីសម្រាប់ជាតិ និងជាអ្នកបន្តវេនដ៏មានសក្ដានុពល
លោករដ្ឋមន្ត្រីក្រសួងព័ត៌មាន បានថ្លែងថា «កុមារា កុមារី ជាទំពាំងស្នងឫស្សីសម្រាប់ជាតិ កុមារជាអ្នកបន្តវេនដ៏មានសក្ដានុពល ហើយការគាំពារកុមារ និងលើកកម្ពស់សិទ្ធិកុមារ ជាភារកិច្ចរបស់យើងទាំងអស់គ្នា»។
ការថ្លែងបែបនេះ ក្នុងឱកាស លោក នេត្រ ភក្ត្រា រដ្ឋមន្ត្រីក្រសួងព័ត៌មាន និងលោកស្រី ទុយ សិរីរតនៈ នេត្រ ភក្ត្រា ប្រធានកិត្តិយសសមាគមនារីកម្ពុជា ដើម្បីសន្តិភាព និងអភិវឌ្ឍន៍សាខាក្រសួងព័ត៌មាន អញ្ជើញជួបសំណេះសំណាល និងចែកអំណោយជាកាតាប សម្ភារៈសិក្សា នំ និងភេសជ្ជៈ របស់ក្រុមហ៊ុន Midass food ជូនដល់កូនៗ មន្ត្រីរាជការក្រសួងព័ត៌មាន ប្រមាណ ៣០០ នាក់ និងមានការចូលរួមពីអាណាព្យាបាល និងកុមារសរុបប្រមាណ ៥០០ នាក់ កាលពីព្រឹកថ្ងៃទី ៣១ ខែឧសភា ឆ្នាំ ២០២៥ នាទីស្ដីការក្រសួងព័ត៌មាន។
ពិធីចែកសម្ភារៈសិក្សាដល់កូនៗ របស់មន្ត្រី នៃក្រសួងព័ត៌មាន គឺជាលើកទី ២ ហើយ នៅក្នុងអាណត្តិរបស់ លោក នេត្រ ភក្ត្រា ក្នុងតំណែងជារដ្ឋមន្ត្រីក្រសួងព័ត៌មាន , ហើយការជួបជុំគ្នា បង្កភាពសប្បាយរីករាយដល់កុមារ នាឱកាសនេះ ដើម្បីអបអរសាទរខួបលើកទី ៧៦ ទិវាកុមារអន្តរជាតិ ១ មិថុនា ក្រោមប្រធានបទ «បញ្ឈប់អំពើហិង្សាលើកុមារគ្រប់ទម្រង់ គឺជាការអភិវឌ្ឍធនធានមនុស្សប្រកបដោយចីរភាព» និងខួបលើកទី ២៤ ទិវាពិភពលោកប្រឆាំងពលកម្មកុមារ ១២ មិថុនា ក្រោមប្រធានបទ «លើកកម្ពស់ការងារសមរម្យសម្រាប់កម្មករ-និយោជិតវ័យក្មេងនៅគ្រប់ខ្សែច្រវាក់ផលិតកម្ម ដើម្បីធានាកំណើនប្រកបដោយចីរភាព និងភាពធន់»។
នាឱកាសនោះ លោក នេត្រ ភក្ត្រា ថ្លែងបន្តថា «កុមារ ប្រៀបដូចជា ទំពាំងស្នងឫស្សី ដែលយើងទាំងអស់គ្នា ត្រូវយកចិត្តទុកដាក់ ទាំងឪពុកម្តាយ ទាំងថ្នាក់ដឹកនាំ ដើម្បីធ្វើយ៉ាងណាឲ្យកុមារទទួលបានការសិក្សារៀនសូត្រ ទទួលអាហារូបត្ថម្ភត្រឹមត្រូវ , ហើយអ្វីដែលសំខាន់ថែមទៀតនោះគឺការបង្កបរិយាកាសសប្បាយរីករាយដល់កុមារលេងកម្សាន្តដែលធ្វើឲ្យខួរក្បាលរបស់កុមារមានការរីកចម្រើន»។
លោក នេត្រ ភក្ត្រា បានជម្រាបជូនថា អំណោយសម្ភារៈសិក្សាទាំងនេះ ទទួលបានការគាំទ្រពីក្រុមហ៊ុន Midass food ដើម្បីចូលរួមចំណែកចែករំលែកនូវក្តីស្រឡាញ់ និងស្នាមញញឹម ដល់កូនៗ របស់មន្ត្រីរាជការ នៃក្រសួងព័ត៌មាន ពិសេសគឺជាការលើកទឹកចិត្តដល់សិស្សានុសិស្សឲ្យបន្តការខិតខំប្រឹងប្រែងសិក្សារៀនសូត្របានពូកែ និងក្លាយជាធនធានមនុស្សដ៏ល្អ និងជាសសរទ្រូងដ៏រឹងមាំរបស់ប្រទេសជាតិនាថ្ងៃអនាគត។ តាមរយៈនេះ លោករដ្ឋមន្ត្រី បានជំរុញលើកទឹកចិត្តដល់កុមារទាំងអស់ឲ្យខិតខំប្រឹងប្រែងសិក្សារៀនសូត្រក្រេបចំណេះវិជ្ជាពីលោកគ្រូ អ្នកគ្រូ និងធ្វើជាកូនល្អ សិស្សល្អ និងពលរដ្ឋល្អ នៅក្នុងសង្គម។
ទន្ទឹមនោះ លោករដ្ឋមន្ត្រី និងលោកស្រី ក៏បានបង្ហាញនូវការរីករាយដោយបានឃើញស្នាមញញឹមរបស់កុមារា កុមារី ដែលជាស្នាមញញឹមរបស់មាតា បិតា និងថ្នាក់ដឹកនាំគ្រប់លំដាប់ថ្នាក់ នៃក្រសួងព័ត៌មានផងដែរ។
គួររំលឹកដែរថា រាជរដ្ឋាភិបាលនៅអាណត្តិទី ៧ ក្រោមការដឹកនាំប្រកបដោយភាពឈ្លាសវៃរបស់ សម្តេចធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានបន្តខិតខំយកចិត្តទុកដាក់ខ្ពស់ ដោយបានដាក់ចេញនូវកម្មវិធីនយោបាយនានា សំដៅគាំពារ អភិវឌ្ឍន៍ និងលើកកម្ពស់សុខុមាលភាពកុមារ ចាប់តាំងពីបឋមវ័យ រហូតដល់យុវវ័យ , កុមារ ជាតំណាងឲ្យធនធានមនុស្សដ៏មានសក្ដានុពលរបស់ប្រទេសជាតិ ដែលនឹងត្រូវបន្តវេននាពេលអនាគត។ ដូច្នេះហើយយើងទាំងអស់គ្នា ត្រូវចូលរួមផ្តល់ក្តីស្រឡាញ់ ភាពសប្បាយរីករាយ និងក្តីសង្ឃឹម សម្រាប់កុមារទាំងអស់ ដើម្បីឲ្យកុមារក្លាយខ្លួនជាពលរដ្ឋល្អសម្រាប់សង្គមជាតិ។ កុមារកម្ពុជា ទទួលបានភាពសុខសាន្ត និងការបីបាច់ថែរក្សាដោយក្តីអាណិតស្រលាញ់គ្រប់ៗ គ្នា។
ជាមួយនេះដែរ តំណាងក្រុមហ៊ុន Midass food បានជម្រាបជូនថា សកម្មភាពចែករំលែកក្តីស្រឡាញ់នេះគឺជាលើកទី ៣០ របស់ក្រុមហ៊ុន មីដាសហ្វូដ នៃកម្មវិធីសប្បុរសធម៌ ហើយក្រុមហ៊ុនក៏នៅតែបន្តរាល់សកម្មភាពល្អនេះជានិច្ច យ៉ាងតិចឲ្យបានចំនួន ១ ដង ក្នុង ១ ខែ ដើម្បីចូលរួមជួយសម្រួលដល់ប្រព័ន្ធអប់រំ និងប្រជាពលរដ្ឋដែលមានការខ្វះខាត។ ក្រុមហ៊ុន មីដាសហ្វូដ មានមោទនភាពដែលបានចូលរួមចំណែកជាមួយក្រសួងព័ត៌មាន ដើម្បីឆ្ពោះទៅរកគោលបំណងរួមក្នុងការលើកកម្ពស់សុខុមាលភាព និងអនាគតដ៏ល្អសម្រាប់កុមារ និងសង្គមជាតិបន្តទៅមុខទៀត៕
លោក នេត្រ ភក្ត្រា ៖ កុមារា កុមារី ជាទំពាំងស្នងឫស្សីសម្រាប់ជាតិ និងជាអ្នកបន្តវេនដ៏មានសក្ដានុពល
ក្រសួងការងារបរិច្ចាគថវិកាជាង ១១១ លានរៀល ក្នុងយុទ្ធនាការ «១ម៉ឺនរៀល ១ម៉ឺននាក់» ដល់មូលនិធិគន្ធបុប្ផា
កម្ពុជារកចំណូលបានជាង ២៤,៥ លានដុល្លារ ពីការលក់សំបុត្រចូលទស្សនាអង្គរក្នុងរយៈពេល ៥ ខែ
ភាពយន្តគំនូរជីវចល ១២ កំដរកុមារភាពកុមារកម្ពុជាជាង ២ទសវត្សរ៍មុន និងយកបានប្រជាប្រិយភាពខ្លាំង
កម្ពុជាស្វាគមន៍ភ្ញៀវទេសចរឥណ្ឌូនេស៊ីមកលេងកាន់តែច្រើន ក្នុងរដូវកាលបៃតង
សមត្ថកិច្ចខណ្ឌទួលគោក ស្រាវជ្រាវឃាត់ខ្លួនជនសង្ស័យ ១ នាក់ បើកទូរ៉ឺម៉កពលរដ្ឋលួចទឹកដោះគោ នៅកណ្ដាលផ្លូវ
លោក តាន់ ហ្សង់ហ្វ្រង់ស្វ័រ÷ ករណីយល់ច្រឡំគ្នារវាងសមាជិកសភាជប៉ុន ជាមួយទូតកម្ពុជា មិនអាចធ្វើឱ្យទំនាក់ទំនងកម្ពុជាជប៉ុនស្រុតចុះឡើយ
កម្លាំងបន្តល្បាតតាមខ្សែបន្ទាត់ព្រំដែន ក្នុងភូមិសាស្ត្រខេត្តឧត្តរមានជ័យ
អាជ្ញាធរខេត្តជាប់ព្រំដែន អះអាងថា ច្រកទ្វាររវាងកម្ពុជា-ថៃ គឺដំណើរការធម្មតា ពុំមានការបិទឡើយ
“ក្រុមយុវជនបូជាការពារយុត្តិធម៌” ដឹកនាំដោយអ្នកឧកញ៉ា ឡេង ណាវ៉ាត្រា នាំយកអំណោយចុះសាកសួរសុខទុក្ខកងទ័ពផ្ទាល់ រួមមានថវិកា ២០០លានរៀល អង្ករ៥០តោន មីជាតិ២ពាន់កេះ ជូនបញ្ជាការដ្ឋានអង្គរក្សប្រចាំការនៅសមរភូមិមុខ
-
ព័ត៌មានជាតិ១ សប្តាហ៍ agoសពទ័ពមួកខៀវកម្ពុជា២រូប កំពុងត្រូវបានបញ្ចូនមកកម្ពុជាតាមយន្តហោះ ដែលនឹងមកដល់មាតុភូមិឆាប់ៗនេះ
-
ព័ត៌មានជាតិ៣ ថ្ងៃ agoកម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
សន្តិសុខសង្គម៧ ថ្ងៃ agoនគរបាលជំនាញព្រមានចាត់វិធានការលើម្ចាស់គណនីហ្វេសប៊ុកមួយ ដែលតែងបង្ហោះព័ត៌មានក្លែងក្លាយសុំជំនួយដើម្បីផលប្រយោជន៍ផ្ទាល់ខ្លួន
-
ព័ត៌មានជាតិ៦ ថ្ងៃ agoសពកងទ័ពមួកខៀវកម្ពុជាទាំង២រូប មកដល់មាតុភូមិកំណើតវិញហើយនៅល្ងាចថ្ងៃទី២៦ ខែឧសភា នេះ
-
នយោបាយ១ ថ្ងៃ agoព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
សន្តិសុខសង្គម៧ ថ្ងៃ agoតុលាការសម្រេចឃុំខ្លួនអតីតអ្នកឧកញ៉ា ហេង សិទ្ធី ដាក់ពន្ធនាគារព្រៃស
-
ព័ត៌មានជាតិ៣ ថ្ងៃ agoអាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
ព័ត៌មានជាតិ៤ ថ្ងៃ agoអ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ