ព័ត៌មានជាតិ

ពលករមកពីប្រទេសថៃ១៧នាក់ កំពុងធ្វើចត្តាឡីស័កនៅវិទ្យាល័យ ហ៊ុន សែន កំពង់លាវ ទទួលបានអំណោយពីសម្ដេចតេជោ

បានផុស

៤ years មុន

នៅ

ថ្ងៃព្រហស្បតិ៍ ១ មេសា ២០២១

ដោយ

នៅព្រឹកថ្ងៃទី១ ខែមេសា ឆ្នាំ២០២១ លោក ទួន សុគន្ថា ប្រធានអចិន្ត្រៃយ៍មណ្ឌលច័ត្តឡីស័ក ហ៊ុន សែន កំពង់លាវ បាននាំយកសម្ភារៈប្រើប្រាស់មួយចំនួន ដែលជាអំណោយរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងលោក ជា សុមេធី អភិបាលខេត្តព្រៃវែង និងលោកជំទាវ ដើម្បីចែកជូនដល់ប្រជាពលរដ្ឋដែលមកពីប្រទេសថៃនៅកន្លែងធ្វើចត្តាឡីស័ក វិទ្យាល័យ ហ៊ុន សែន កំពង់លាវចំនួន១៧នាក់ ក្នុងនោះស្រី៧នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះលោក ទួន សុគន្ថា ប្រធានអចិន្ត្រៃយ៍មណ្ឌលច័ត្តឡីស័ក ហ៊ុន សែន កំពង់លាវ សូមថ្លែងអំណរអរគុណដល់សម្តេចតេជោ និងសម្ដេចកិត្តិព្រឹទ្ធបណ្ឌិត និងលោក អភិបាលខេត្ត ព្រមទាំងលោកជំទាវតែងតែគិតគូរយកចិត្តទុកដាក់អំពីសុខទុក្ខរបស់បងប្អូនប្រជាពលរដ្ឋ បងប្អូនពលករដែលចំណាកស្រុកធ្វើការនៅឯប្រទេសថៃ ដែលបានវិលត្រឡប់មកស្រុកកំណើតវិញ ដោយមកធ្វើការសម្រាកនៅទីនេះហើយបានបញ្ជូនទៅធ្វើចត្តាឡីស័កតាមស្រុករបស់គាត់រៀងៗខ្លួន។

លោក ទួន សុគន្ថា បានបន្តទៀតថា រៀងរាល់ថ្ងៃមានពលករមកពីប្រទេសថៃ ជារៀងរាល់ថ្ងៃ ហើយលោកអភិបាលខេត្ត តែងតែយកចិត្តទុកដាក់ឧបត្ថមគាំទ្រជានិច្ច។

លោកក៏លើកឡើង នៅការអំពាវនាវរបស់ឯកឧត្តម អភិបាលខេត្ត ដល់បងប្អូនពលករទាំងអស់ និងបណ្តាអាជ្ញាធរក្រុង-ស្រុកធ្វើការផ្សព្វផ្សាយបន្ត ដោយសូមចូលរួមទប់ស្កាត់ជំងឺរាតត្បាតតាមវិធានការ “៣ការពារ ៣កុំ” ដែលនេះ ជាការចូលរួមប្រយុទ្ធប្រឆាំងបង្ការទប់ស្កាត់ជាមួយរាជរដ្ឋាភិបាល និងអនុវត្តនូវវិធានការ និងសេចក្ដីណែនាំរបស់ក្រសួងសុខាភិបាល៕

អត្ថបទ ៖ សៅគ្រី