ព័ត៌មានជាតិ
រដ្ឋសភាចាប់អនុវត្តន៍ប្រព័ន្ធស្កេនមុខស្រង់វត្តមានមន្ត្រី
រដ្ឋសភាកម្ពុជាចាប់ផ្ដើមប្រើប្រាស់កាម៉េរ៉ាស្កេនមុខស្រង់វត្តមានមន្ត្រី ដើម្បីពង្រឹងការគ្រប់គ្រង និងអនុវត្តន៍ការងារនៃអគ្គលេខាធិការដ្ឋានរដ្ឋសភាជាតិ។ អ្នកនាំពាក្យបញ្ជាក់ថានេះជាផ្នែកមួយនៃកំណែទម្រង់អភិបាលកិច្ចល្អ និងស៊ីជម្រៅនៅរដ្ឋសភាជាតិក្រោមការដឹកនាំរបស់សម្ដេចសភាធិបតី ឃួន សុដារី។
នាយខុទ្ទកាល័យ និងជាអ្នកនាំពាក្យសម្ដេចប្រធានរដ្ឋសភាលោក កែវ ពិសិដ្ឋ បានឱ្យដឹងនៅថ្ងៃទី៧ ខែកក្កដានេះថា ការចាប់អនុវត្តន៍ប្រព័ន្ធស្កេនមុខមន្ត្រីដើម្បីចុះស្រង់វត្តមានមន្ត្រីនេះត្រូវបានដាក់អនុវត្តន៍ឱ្យស្របតាមគោលនយោបាយ និងការកែទម្រង់ឱ្យមានប្រសិទ្ធភាពរបស់មន្ត្រីនៃអគ្គលេខាធិការដ្ឋានដោយប្រើប្រាស់ប្រព័ន្ធឌីជីថល។
លោកបញ្ជាក់ថា ក្រៅពីការពង្រឹងនូវវត្តមានមន្ត្រី សភានឹងតម្រូវឱ្យមន្ត្រីរៀបចំធ្វើជារបាយការណ៍ការងាររបស់ខ្លួនបន្ថែមទៀត ដែលអាចឱ្យអគ្គលេខាធិការដ្ឋានអាចពិនិត្យពីលទ្ធផលសម្រេចបាន និងចំណុចខ្វះខាតដែលត្រូវបណ្ដុះបណ្ដាលពង្រឹងសមត្ថភាពមន្ត្រី។
លោកថា៖ «មិនអាចថាមកគាត់ដើរត្រេតត្រតអត់ធ្វើការហើយទៅវិញទេ! អ៊ីចឹងទី១ គឺការគ្រប់គ្រងនូវវត្តមានរបស់មន្ត្រីទី២គឺទាក់ទងនឹងការងារប្រចាំថ្ងៃរបស់គាត់ៗធ្វើអី? ដើម្បីចេញជាលទ្ធផលដែលជាការធ្វើកំណែទម្រង់ដែលមានសិមិទ្ធកម្មដែលរដ្ឋាភិបាលគាត់បានដាក់ចេញនូវការធ្វើកំណែទម្រង់ដំណាក់កាលថ្មីនេះត្រូវមានចេញជាលទ្ធផល»។
គួរឱ្យដឹងផងដែរថាប្រធានសភា សម្ដេចសភាធិបតី ឃួន សុដារី បានសម្រេចឱ្យធ្វើការកែទម្រង់សភាកម្ពុជាទៅជាសភាឌីជីថលក្នុងអំឡុងឆ្នាំ២០២៤ ដើម្បីឱ្យស្របតាមការរីកចម្រើនរបស់សង្គមជាតិ គោលនយោបាយរាជរដ្ឋាភិបាលនិងបច្ចេកវិទ្យា។ ហើយក្រោមការកែទម្រង់ និងអភិបាលកិច្ចល្អនៃសភាជាតិកាលពីកន្លងទៅថ្មីៗនេះ ក៏បានរកឃើញនិងលុបឈ្មោះមន្ត្រីជាង១០០ចេញពីក្របខណ្ឌការងារ និងដាក់ឱ្យចូលនិវត្តន៍ផងដែរ។
សម្ដេចប្រធានសភាធ្លាប់លើកឡើងថា វិធាននេះបានចូលរួមចំណែកដ៏សំខាន់ក្នុងការសន្សំថវិការជាតិ ពង្រឹងប្រសិទ្ធភាពការងារ ការលើកកម្ពស់គោលការណ៍ជ្រើសរើសមន្ត្រីដោយផ្អែកលើស្នាដៃនិងសមត្ថភាព ភាពយុត្តិធម៌ គណនេយ្យភាព តម្លាភាព ឱកាសស្មើគ្នាក្នុងការទទួលបានការលើកទឹកចិត្ត និងជំរុញកំណែទម្រង់ឱ្យកាន់តែមានប្រសិទ្ធភាពដោយមិនមានការរើសអើង៕
អត្ថបទដោយ ហ៊ុន សិរីវឌ្ឍន៍
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ